LAKSASIKE 13:2 - Ala Ane Wene Ket Mene Warogo Wo'ninapike Wene

² Logolìk he, ineki aike ba Ala againapùrì inom ninoe Etagepogot awe a'ma kìlìk, sùpùrùk nìkì'lek, at hogorato were'ma, Ala Areagùn nen yogoisìkì logolìk, “Parenapat Saùlùt eperak en an hesik hagatì logouagalùk, inayoko hìgìma atì nen he, it inebe weteberogo an hesik hanino o,” ìlùk yogoisasike.

LAKSASIKE 13:2 ပူးပေါင်းရင်းမြစ်များ

KALATIA 1:15

Atì'nogo meneat he, Ala oabùt hano a'nogo nen hageat nagosa a'la nen oan ta'napì'lek werek kolegat he, nebe wena'napike.

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

2 TIMOTÌÙT 1:11

Atì'nogo isikesik, an hano wene atìat yogoisìgìk, yakùlisìgìk, ìlìk nìkì logouagalùk nayoko hìlìk lakhani wagaikomo nìkì lagì atì.

1 KORÌTÙT 12:11

Atì'nogo wogisikerek atì re, Ala Areagùn omakeat atì nenat a'la akalùk, yì hagatìk, tì hagatìk, ìkì logouagalùk inebe lopok mìkìlogo wogisikerek atì.

ÙRÙM 1:1

Hit Ala againapùrì o Ùrùm welagep mene nerùgì nagaiya'lak. At Ala hinebe etawì mene obogat an Paùlùt Karìsùt Yesùt atitigeke mene a'nogo nen wene helal waganogo hinoba lakhei wagì atì o. An nen hano wene a'nogo apùnì yogoisìlìk nìkì logouagalùk, Ala nen wenagasogo menhanhikesik lakhani wagaike o.

1 TIMOTÌÙT 2:7

Atì'nogo akikerek atì nen, at en he, “Hat en ebe wene atì apùnì etakwe mene nen eberogoat ìlùk ina'la akìlìk wanuagalùk, yakùlisìlìk nìkì logoino,” ìlùk, an nayoko hìlìk lakhani wagaikomo, yogoisìlìk nìgìrek atì. Atì'nogo ìgì atì eberogoat ìgì. Napeliak ìgì lek o.

LAKSASIKE 22:21

Atì'nogo yogotenem, ninoe Etagepogot en he, It apùnì etakwe mene walegat atoma inoba lakhagagin atì nen he, lan o, ìlùk yogonesike,” ìlùkk yogoisasike.

LAKSASIKE 14:26

O Atalia nen he, imakwe so warogo o Atiokia inapotkwe lagaukwa. Atoma nen, atì'nogo hagarìk nìkì logouagalùk hageat it Ala againapùrì nen laksa waga logolìk he, “Ala oabùt hano a'nogo nen wokhisek loak o,” ìlùk laksa wagaukwama atì'nogo hagarìk nìkì lagaukwasik he, arat haga'lùk inapotkwe hobuk lagaukwa atì.

KOLOSE 4:17

At Arìkìpùt a'nogo wene mel ìlùk yogo'no: “Ninoe Etagepogot en hayoko hìkì logolìk he, Yabu an hesik tì'nogo haga'no, ìlùk yogohesike mene atì, elùgùn warogo haga'no,” ìlùk yogo'no.

LUKAT 2:37

soge hesikesik oba nen, at ebe umur 84 tahun motok yaman agaikesik welagaike. Logolìk eki aike sùpùrùk nìkì'lek heang negen hakìlìk Ala awì wùrì'mo atoma likene hùako abìt hìgì'lek sapan iko motok welagaike.

2 TIMOTÌÙT 2:2

An nen wene apùnì logolegat ineilhanem yakùlhesigimo wanhìgin mene a'nogo, hat en it apùnì aike inoabùt hùpùnsek mene nen it aike yakùlisìkì logouagalùk, inoba heino.

EPESÙT 3:7

An apùnì inatitigeke negen logolìk, wene atì sùpùrisìkì logouagalùk, Ala oabùt hano nen omamerogo haga'ninaperek higit hogoat nayoko hesike atì.

LAKSASIKE 13:3

Yogoisasikomo re, sùpùrùk nìkì'lek sapan ìkì lagaukwasik en, ineki it Parenapat Saùlùt eperak inùkùloak sebelogo laksa wagaukwa.

LAKSASIKE 10:30

Atì'nogo yogoisasikomo, at Korenelìùt en he, “O ùage, mo hea i laga kolek, jam 3 ba o yìgìnenemat an naua sapan ìgì.

LAKSASIKE 10:19

Hinok wanho kolek he, at Peterùt a'nogo abìkakan hasike mene a'nogo, “Ebe kì'nogo mene hìgì,” ìlùk a'la ebetoat were'ma, Ala Areagùn nen he, “Ap inebe hinagan mene herakhabìk wagaikasik werek o.

LAKSASIKE 8:29

Atì'nogo salìk piko kolek he, at Ala Areagùn nen Pilipùt yogotì logolìk he, “Kereta oto hake atì pikenem agap hakha lìlìk oba horok hogo lan o,” ìlùk yogosike.

MATÌÙT 9:38

Atì nen he, ap eyabu Esewerek mene a'naga nen apùnì eken palusak mene aike laksoak en, at ayoko hìkì logoino,” ìlùk yogoisasike.

MATÌÙT 6:16

Atì'nogo yogoisasikesik he, aike mel yogoisasike: “Hit sùpùrùk nìkì'lek sapanat iko motok logouogolùk halok he, it apùnì aike inogat oba nek hano salek logolìk inetaùken pìre mene nen, Apùnì aike nen enagat hù'nisoak, ìlùk inelokoken ohuselogo welagaikarek atì hak, logousak lek. It atì oko hela hak he, we, apùnì nen enagat yerisagarek atìat ìlùk, eberogoat yogohisìgì o.

IBERANI 5:4

It atì'nogo hagatì logouogolùk, “An nebe Ala esewerek kain logogin,” ìlùk inokawerek en menhakagarek lek o. We, at Ala nenat, ap Harun ayoko hesikomo menhesukwa atì hak, Ala nen inayoko hiko halogat menhisagarek.

2 TIMOTÌÙT 4:5

It atì'nogo hagato kolegat he, hat he, yì mene hesik, tì mene hesik hoabùt hebelek logolìk, hoba yì aik tì aik hìkì logolìk, hepe morogoat logoino. Hano wene yakùlisìlìk negarek atì meneat esinethìlìk he, Ala nen, “Tì'nogo leberisìkì logoino,” ìlùk, hayoko hesike mene atì aike heraksìgì'legat higit hogo hagatì logoino.

2 KORÌTÙT 11:27

Yì hesik tì hesik seget kwìl-kwal hogo hagatìk, ninhùp-nanhùbat nogo neluk nogo ìgìk, sùpùrùk mel, i mel, lek en nele welagìk, ninhùp-nanhùbat sùpùrùk nìkì'lek kamo ìgìk, nasu lek en sogoi noatìk, o koma nogo u heat agìk, ìkì lagagisigat.

2 KORÌTÙT 6:5

Tùgì ninoatìk, nineki hele warogo o hele warek hisagarek oba hinìgìk, apùnì logolek en ninoba lìmamìt palìk palìk ninoasusak haga'lagìk, iko kolek welago. Yabu set apik hagatìk, nogo usak lek agìk, sùpùrùk nele agìk, ìkì logolìk hagatì lago.

1 KORÌTÙT 7:5

Halok he, hìmìap hinom nogo ìkì logousak. Heksek logogùp o. Sapan ìkì logouogolùk halok he, mel usak: “Elama hesik welegat logouok,” ìlùk weneane hinom ìlìk en, sapan ìkì logopik he, hobuk hinom lapuk hogo logoino. Hinetaùken sebelusak mea atì nen, Ibilit en hina'la kagalinogo ìlùk he, hinom lapuk hogo logousak atì.

ÙRÙM 15:16

An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

LAKSASIKE 6:4

Menhisamo, it atì'nogo hagato kolek, nit en he, sapan ìgìk, wene ebe wene atìat yogoisìgìk, iko logogun,” ìlùk yogoisasukwa.

LUKAT 10:1

Atì'nogo yogoisasikesik he, ninoe Etagepogot en ap inebe 70 nen weteberogo hisìlìk he, at okawerek ya ta o sili lopok lagalùk a'la akasike obakwe lopok, it atì tak alebagìk inebe pìretek lopogothìgìk laksasike.

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

LAKSASIKE 13:4

It Parenapat Saùlùt eperak Ala Areagùn nen laksa wagaikomo re, o Seleukia pi wagaukwa. Pi wìrìk he, o Seleukia atoma nen he, imakwe so ba o Siperùt i ekenma wagaukwa.