LAKSASIKE 13:12 - Ala Ane Wene Ket Mene Warogo Wo'ninapike Wene

¹² Atì'nogo haga'lagaikomo, ap kain a'nogo eileken hasikesik he, “Wene ninoe Etagepogot ane atì nayùk e,” ìlùk hogorarìk he, wene atì eberogoat ìlùk wanhike.

LAKSASIKE 13:12 ပူးပေါင်းရင်းမြစ်များ

LAKSASIKE 13:7

O Siperùt ekenma atoma, ap kain gubemur etaùken kagauksek mene etage Seregìùt Paùlùt welagaikeat. At gubernur atì, at wesagùn atì agaiyak. Logolìk, at Seregìùt en he, “An Ala ane nasuk holusak walok,” ìlùk, Parenapat Saùlùt eperagat inayoko hesike.

LUKAT 4:22

it apùnì amanogo nen he, mel isukwa: “At yì ap Yùsùp aput a'nogo lek nogo? Arat o. Meneat he, at en wane hano motok yakùlnisike atì nayùk e,” ìlùk hogorasukwa.

LAKSASIKE 28:7

Atì'nogo hagasugu ba nen, o horok atoma, ap kain etage Pùpìlìùt kweang esewerek mene, nit ap pok oba lagagumo, at en he, ninebe hanorogo wo'ninapikomo, nineki hìnagan at ninom welagagu.

LAKSASIKE 19:7

It atì'nogo ìkì lagaukwa atì re, ap inebe 12 hake nen ìkì lagaukwa.

LAKSASIKE 15:35

It Paùlùt Parenapat eperak hogo re, o Atiokia atoma kamo isukwasik, it apùnì aike logolegat inom atoma logolìk he, wene ninoe Etagepogot ane hano wene atì yogoisìgìk, yakùlisìgìk, ìkì lagaukwa.

LAKSASIKE 13:49

Atì'nogo wanhukwama re, o atoma ninoe Etagepogot ane atì ukalarìk wùlìpike.

LAKSASIKE 6:10

Atì'nogo wenagasukwa meneat he, at Sitepanùt Ala Areagùn a'la kìlìk logolìk, wene higirat kagauk hogo ikenem, it inane oko nìkì'nogo yogosu heat haga'lagaike.

YOHANET 7:46

it en he, mel yogoisasukwa: “Egi! Wene at en ìlì'logo atì hak he, it ap aike nen wene atì'nogo ikenem isogorek lek meneat he, at en wene hùnogoat ìlì'logo atì nen ebe hehogo o,” ìlùk, yogoisasukwama re,

LUKAT 7:16

Atì'nogo hagasikomo, apùnì apik amanogo inayùk arìk he, Ala hogoratì logolìk, mel isukwa: “Ap kain Ala ane yogonisìkì logogin mene aike ninekele'ma nen weinam aga yì! Ala nen againapùrì telninabigìlùk waga o!” ìlùk isukwa.

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

LAKSASIKE 8:25

Atì'nogo yogoisasikomo, it Peterùt Yohanet eperak en he, wene inelu mene tùkùm hogo ìkì logolìk, ninoe Etagepogot ane yogoisìkì lagaukwasik, o atoma nen he, hano wene atì, o Samaria o sili logolegat ya yogoisìgìk, ta yogoisìgìik, inapotkwe o kota Yerusalem lagaukwa.

LAKSASIKE 13:8

Atì'nogo inayoko hesike meneat he, ap wesagùn Pareyesùt atì, it apùnì Yunani mane inane ba etage Elimat ìkì lagaukwa mene atì nen he, ap kain gubernur atì wene wìlìk etaùken Yesùt oba hìpìretheinogo ìlùk, Parenapat Saùlùt eperak inane sebeligìlùk isike.

LAKSASIKE 13:48

Atì'nogo yogoisikenem he, it apùnì etakwe mene inasuk holhukwasik, it en he, “Ninoe Etagepogot en wene atì hano motok isikomo hìgì,” ìlùk hogorasukwasik ina'la hai hakasukwa. Ina'la hai hakìlìk, Ala nen it nabùlal-habùlal hagarinabigìlùk wenaginapike mene hùgì nen, “Wene atì eberogoat,” ìlùk hùthasukwasik wanhukwa.

LAKSASIKE 15:36

O atom ineki aike inom welagaukwasik en he, Paùlùt en Parenapat yogotì logolìk he, “O ya ta ninoe Etagepogot ane yogoisìlìk lago ba amanogo hobuk lùok. Laga logolìk he, Ala againapùrì ninerùgì ninagaiya'lak amanogo nìkì'nogo werek ìlùk, o sili lopok nineileken isìlìk lùok,” ìlùk yogosike.

LAKSASIKE 18:12

O propinsi Akaya atoma ap kain Kalìo gubemur logouagalùk menhesukwama were'ma, it apùnì Yahuri mene inebe atogothìlìk, Paùlùt ebe wasuogolùk hakhesukwasik he, anema wanuagalùk ap ùkùm inoba hìgìk, kotìk, egarek mene inoba wolok lagaukwa.

LAKSASIKE 19:10

Atì'nogo iko motok 2 tahun were'ma nen, it apùnì o propinsi Asia atoma, Yahuri mene lek, Yunani mene lek, obogat wene ninoe Etagepogot ane a'nogo inasuk holhukwa.

LAKSASIKE 19:20

Atì'nogo hagasukwama re, ninoe Etagepogot ane atì hùko agìk, omame agìk, ìkì lagaike.

LAKSASIKE 19:38

At ap Temeterìùt ebe mel, agoromì inapùgùnweak hagatarek mane mel, inom en he, ùkùm ap aike oba housak werek halok he, ineki aike sapùl ùkùm inoba hìgìk kotìk egarek oba nen, it gubernur lak ineilhanem ùkùm inoba housak werek o. Halok he, at aike nen ùkùm at aike oba hìgìk, at aike nen ùkùm at aike oba hìgìk, atoma nenat usak werek o.