LAKSASIKE 13:10 - Ala Ane Wene Ket Mene Warogo Wo'ninapike Wene

¹⁰ mel yogosike: “Hat hebe Ibilit aput o. Apùnì lalinapìk, nongorinapìk, iko motok logolìk, yì mene tì mene higit hagasuogolùk ikenem he, hat en legetsagalùk hagato motok welagen yì rì! Ninoe Etagepogot en, apùnì telninabigìlùk kwe higit hogo yakhinasike mene, hat en kamo ìgì'lek kolotheigìlùk iko motok welagen atì nahalok.

LAKSASIKE 13:10 ပူးပေါင်းရင်းမြစ်များ

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

KALATIA 1:7

Ebe re, wene hano wene hunigat aike welagarek le'maat o. Meneat he, it apùnì aike nen hano wene Karìsùt en hagasike wene atì mene hùnogoat hagarogo lalhinabuogolùk yogohisìlì'lùgì atì nenat ìgì o.

2 KORÌTÙT 11:3

Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

MATÌÙT 13:38

Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

LUKAT 11:52

Halok he, hit ap Ala ane helal waganek yakùlisegesep mene yì ouma kwe hùrogo kuogolùk walhagarek hak, it apùnì aike yì wene tì wene inelu asuogolùk walhikenem, hit en kunci telìlìk hesogo logolìk hinokawerek hinelu asuogolùk yakùlhì'lek logolìk, it aike yakùluogolùk ikenem, hit en he, Yakùlusak lek o, ìlùk wenagisegesep atì nen Ala nen weagathinabigin o,” ìlùk atì'nogo yogoisalùk he,

2 PETERÙT 2:15

It atì re, kwe higit hogo lagaikarekkwe atì heraksalùk he, hageat at Pileam Peot aput kwe kwanìrogo lagaike atìkwe laga logogun atì. At Pileam a'la nen he, “An weak hagatenem oko wo'nesuak,” ìlùk a'la walok akasikomo,

LAKSASIKE 20:30

Atì'nogo weagarinapo kolek he, ap hit mene aike melarìk he, apùnì Yesùt ane wanhukwa mene lisogo woginabuogolùk, wene kolo wene yakùlisìkì logogunat o.

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

MATÌÙT 15:19

Ina'la nen wene weak mene ebetìk, apùnì inoatìk, hìmì ap inagagwì mene pailak haksìgìk, hìlìmìkìrùgì pailak haksìgìk, yogot wanhìk, inapeliagat it aike ùkùm inoba hìgìk, inabok wiik-weak hogo palhìk, egarek atì re, ina'la nenat kagalogo lagai waganem wulaparek o.

MATÌÙT 3:7

Atì'nogo hagato were'ma, it ap Parìsi mene he'nakìt inom, ap Saluki mene he'nakìt inom, inebe logolegat ima pelaginabuagalùk he, at oba waganem yì'nogo yogoisìkì lagaike: “Hit walo nen tagokwe mene yoma sanì! Hit he, Ala a'mage apik lagagin a'nogo hinoba hikenem hese elok logoin ìlùk sa nen yogohisikomo. Mea o.

YOHANET 1:23

Atì'nogo yogosukwama re, at Yohanet en he, mel yogoisasike: “At Yesaya Ala ane yogoisìkì lagaike mene a'nogo nen, mel isike: Ap aike o leimo apùnì le'ma atoma ane wai ìkì logolìk he, Ninoe Etagepogot wesiginkwe hanorogo yatì logoni o, ìlùk, ìkì logogin, ìlùkisikomo helal waganek werek a'nogo re, nebe anat o,” ìlùk yogoisasike.

LUKAT 11:39

Atì'nogo isikomo re, at ninoe Etagepogot Yesùt en mel yogosike: “Hit ap Parisi mene hinageisoak atì mel, piring atì mel, we, etakwe nek hanorogo sobalhì lagep meneat he, a'lakwe apùnì inagarok hineki abusak helegesep mene atì mel, yì weak tì weak hagatesep mene atì mel, hina'la motok apik peserek werek atì kolo o!

EPESÙT 4:14

Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.