LAKSASIKE 13:1 - Ala Ane Wene Ket Mene Warogo Wo'ninapike Wene

¹ Ala againapùrì o Atiokia atogotì lagaukwa mene amanogo, it aike nen Ala ane yogoisìgìk, it aike nen yakùlisìgìk, ìkì lagaukwa mene inebe ap aike Parenapat atì, aike Simeon etage Ebemuli ìkì lagaukwa mene atì, aike Lùkìùt o Kirene mene atì, aike Menahem, Herotet kain gubernur agaiyak eperak apine kalinapukwa mene atì, aike Saùlùt atì, welagaukwa.

LAKSASIKE 13:1 ပူးပေါင်းရင်းမြစ်များ

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

LAKSASIKE 15:35

It Paùlùt Parenapat eperak hogo re, o Atiokia atoma kamo isukwasik, it apùnì aike logolegat inom atoma logolìk he, wene ninoe Etagepogot ane hano wene atì yogoisìgìk, yakùlisìgìk, ìkì lagaukwa.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

LAKSASIKE 13:9

Atì'nogo sebeligìlùk ikenem, at Saùlùt, etage aike Paùlùt a'nogo nen he, Ala Areagùn a'la peserek logolìk eileken Pareyesùt oba lùrogo hìkì logolìk he,

EPESÙT 4:11

Nen, sùpùrogo pelagisa wagaike atì ebe re, nit Ala againapùrì ninebe obogat Karìsùt ebe hake were'ma, o wùtarek hak wùrogo hiaikenem, ninebe obogat Ala hesik hagatì logouagalùk he, ninebe lopok ninayoko hìlìk menhinìlìk lagaike atì. It aike Ala ane wolok loagalùk inayoko hìgìk, it aike Ala ane yogoisìkì logouagalùk inayoko hìgìk, it aike hano wene apùnì etakwe mene hesik yogoisìlìk loagalùk inayoko hìgìk, it aike Ala againapùrì serisek logolìk wene yakùlisìkì logouagalùk inayoko hìgìk, ninebe lopok atì'nogo ninayoko hesike atì.

LAKSASIKE 15:32

Ina'la hai hakasukwama re, at Yùrat Silat eperak Ala ane yogoisìkì lagaukwa mene nogo nen he, Ala againapùrì amanogo inetaùken sebelhìk, ago warisìgìk, uogolùk he, wene hùkoat yogoisìkì lagaukwa.

LUKAT 3:1

Ap kain etagepogot Kaisat Tiperìut atì apùnì Ùrùm 3 mene obogat at eki ba hagisek 15 tahun werek kolek atì hùlìat, ap Potìùt Pilatùt atì ebe gubernur o propinsi Yurea welagaike. Nen, ap Herotet atì ebe kain logolìk, o Kalilea tokwe atoma hagisek welagaike. Nen, ap kain Herotet agot Pilipùt atì ebe kain logolìk he, o Iturea atoma inom, o Terakonitit atoma inom, hagisek welagaike. Nen, ap Lisaniat atì ebe kain logolìk, o Apilene atomaat hagisek wela gaike.

PILIPI 4:22

It Ala againapùrì o yoma welago mene obogat lapuk hogo nen hai wathinapaat o. Hai atì'nogo wathinapi logolìk, ebe esin hake re, it at kain Kaisat inom welagaikarek mene nen hai wathinapa o.

KALATIA 2:13

At ane pìre logolìk hek hogo wùlìpike hak, it apùnì Yahuri mene he'nakìt inebe obogat inom wùlìpì logolìk he, at Parenapat a'nogo a'la kagalogo hobuk it inane pìre mene atì lapo ìlùk wùlìpikeat.

1 KORÌTÙT 9:6

Ì a, at he, it atì yabu wanhì'lek welegat werek kolek, an Parenapat neperak ninaligat enek yì mene tì mene nineki ba nen set kalogo herakasak akegep?

ÙRÙM 16:21

At Timotìùt an nagaiyak neperak Ala hesik hagatì lago mene a'nogo nen: “Hai warinapì o,” ìlùk yogonetomo nen yogohisìgì o. Ap nit mene Lùkìùt mel, Yason mel, Sosipatet mel, yoma nen: “It hai warinapo,” ìlùk yogonetama nen yogohisìgìat o.

LAKSASIKE 21:9

At Pilipùt a'logomì inebe 4 mene re, inebe salisigat logolìk, Ala ane yogoisìkì lagaukwa mene welagaukwa.

LAKSASIKE 19:6

Pelaginapukwama, at Paùlùt en eki inùkùl sebelhenem he, Ala Areagùn inoba pi wagaikomo, it en he, wene it aike inane inokot mene ba elalinat ìgìk, Ala ane it aike yogoisìgìk, ìkì lagaukwa.

LAKSASIKE 11:30

Atì'nogo atogosukwasik he, Parenapat Saùlùt eperak en, inekim wolok lìlìk, it ap Ala againapùrì serisek welagaukwa mene ineki ba hei loagalùk laksasukwa atì.

1 TESALONIKA 5:20

Ala ane at Areagùn nen ina'la kagalogo yogoisikerek mene atì, hina'la meathìgìk, ìkì logogùp o.

LAKSASIKE 12:25

Ati'nogo hùko aga kolek he, it Parenapat Saùlùt eperak en, apùnì Yerusalem mene arat leberisalùk he, inapotkwe wesuogolùk, ap etage Yohanet ìgìk, Marekùt ìgìk ìkì lagaukwa mene atì wolok wagaukwa.

LAKSASIKE 9:1

Atì'nogo hagato kolek he, at saùlùt a'nogo a'mage lagalìk he, apùnì ninoe Etagepogot ane wanhukwa mene amanogo inoasigìlùk weim abok a'la logolìk ho, it ap Ala esewerek mene inoe kain mene oba kìlìk mel yogosike:

MATÌÙT 27:32

Yesùt ebe wasuogolùk wolok, o silimo nen arat wùlìbi wagaukwasik, waganem, ap aike etage Simon, aua o Kirene mene inom apì agaukwasik he, inane keirogoat mel yogosukwa: “Yesùt e ba menhìlìk wasugun mene e yì hat woginabin o,” ìlùk yogosukwa.

1 KORÌTÙT 11:4

Ap inebe lopok inùkùlasu salogo nen apùnì atogore'ma sapan ìgìk, wene yogohisìgìk, ìlì'lùgì halok he, ninoe Etagepogot ekalì wasu hagat hagarì'lùgì.

1 KORÌTÙT 13:2

Nen, Ala ane hano motok yogoisìgìk, wene apùnì inamùn elema hinago welagarek mene atì obogat nelu agìk, yì wene tì wene aike obogat neluat welagìk, netaùken Ala ba motok hìpìrethìlìk he, tom aike obùlù'mo nen tukwak hogo wele'ma wo'laka loagalùk yogosusak elok welagìk, ìkì logolìk meneat he, apùnì aike inebe netawìrogo logogin lek halok he, we tùlemat ìkì logousak o.

1 KORÌTÙT 13:8

Atì'nogo ìkì logopik he, ineki aike sapùl he, Ala ane yogoisagarek atì mene hobuk yogoisasak lek agìk, apùnì inane inokot mene elalinat egarek atì mene hobuk usak lek agìk, yì wene tì wene inelu welagaikarek mene atì hobuk inelu asusak lek agìk, ugun meneat he, apùnì inebe inetawìrogo welagaikarek atì mene nek, lek agì'lek motok logogin o.

1 KORÌTÙT 14:29

Nen, Ala ane yogoisagarek mene atì inebe pìre nen a? Hìnagan nen a, yogohisasak. Atì'nogo yogohisiko kolek he, hit aike nen, wene higit ìlì'logo ìgìk, kolo ìlì'logo igik, oabùt palhì logousak o.

1 KORÌTÙT 14:32

At Ala re, yùgùneke-yùgùneke hagaterek mene hùk. At he, we, higit hogo nek hagaterek atì nen he, it ap Ala ane yogoisagarek mene atì, wene yogoisìkì logouagalùk at Areagùn nen inoabùt wogisikerek mene atì ese arìk logolìk, inokawerek enat, “An yì'nogo yogoisak, tì'nogo yogoisak,” ìlùk ìkì logousak o. Wene Ala nen ninasuk wasike wene a'nogo ba helal waganogo hìkì logolìk he: “Hìmì re, inane legat inawe a'ma logousak,” ìlùk isike atì nen he, Ala againapùrì o yì awì tì awì atogothìlìk welagaikarek hak, hit hinebe atogorek logolìk he, hìmì inane legat logousak o. Inane sagalhì logousak lek.