LAKSASIKE 12:7 - Ala Ane Wene Ket Mene Warogo Wo'ninapike Wene

⁷ Atì'nogo were'ma re, malaikat ninoe Etagepogot en yoko pelaksa wagarek mene amanogo aike ka nen heat atoma mel aganem he, o hùlù sekele'ma a'nogo motok lìa agaike. Atì'nogo lìa agaikomo, at malaikat a'nogo nen he, Peterùt eluk asuagalùk abeleken oba eki nen temùgùthìkì logolìk, mel yogosike: “Hepok melame,” ìlùk yogosikomo melaganem he, posie omaken a'nogo eki ba nen kopok hogo pisike.

LAKSASIKE 12:7 ပူးပေါင်းရင်းမြစ်များ

LAKSASIKE 5:19

Hisasukwama, were'ma re, malaikat ninoe Etagepogot en yoko pelaksa wagarek mene amanogo aike hùako pi wagaikesik he, o apùnì ineki hele warek hisagarek oba, kwe yagarek mene hua'lapuk hìlìk inebe wogisek wùlìbi wagaike.

LAKSASIKE 16:26

Atì'nogo ikenem, omake hesigat lugul hùko mene langathikenem he, o hùko wùrì'mo welagaukwama atì o tik warek mene abolok lang-hangat hìkì logolìk, kwe yagarek mene obogat hua'lapuk ìgìk, apùnì obogat ineki hele warek welagaukwa mene amanogo hikalagìk, isike.

LAKSASIKE 10:30

Atì'nogo yogoisasikomo, at Korenelìùt en he, “O ùage, mo hea i laga kolek, jam 3 ba o yìgìnenemat an naua sapan ìgì.

EPESÙT 5:14

Atì'nogo lìa ba hikenem enagat arik he, lia agarek atì nen he, mel egarek atì: “Hat nogo ìkì lagen atì, hebe heluk ame o. Nen, warek hake welagen atì, heluk ame o. At Karisùt en lìathabigin o,” ìlùk agarek atì.

LAKSASIKE 2:24

Watepma, at ebe heinet watì logolìk wa'laga meneat he, apùnì ineki hele warogo hisagare'ma welagaikarek atì hak, at atì'nogo warek motok logousak lek atì nen, ineki hele hikalogo wulaksagarek atì hak, Ala nen eluguthike atì.

LUKAT 24:4

Warek ebe le'ma hasukwasik he, “Yì ki'nogo haga'lagama,” ìlùk inoake palarìk wenesùgì ebetenem, ap inebe pìre inasu apipin apik mene laberogo, it hìmì ineilhanem aremnogo ka nen heat inera'lu melasi wagaukwa.

LUKAT 2:9

Atì'nogo were'ma aremnogo, ninopase Etagepogot agot malaikat pogot oba nen yoko pelaksa wagarek mene aike ka nen heat wagaikesik inera'lu melaganem he, ninopase Etagepogot hogoratarek mene apopok inoba yarogo hisasikomo, it inayùk motok apik agaukwa.

LAKSASIKE 9:3

Atì'nogo yogosikomo, wogosikomo re, waga lagaikesik, o kota Tamìsìk atoma horok hogo kigin ha'ma re, pogot oba nen aike omake hesigat, at era'lukwe apipin lìarogo yasi pi wagaike.

ABÌKAKAN 18:1

Atì'nogo yogonetesik oba nen opolik he, at malaikat hunigat mene aike pogot oba nen pi waganem lakhìgì. At atì omame motok apik logolìk, ebe apopok api'mo re, apùnì kweangma mene obogat inoba kìalogo lakhìkì laga hìgì.

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

LAKSASIKE 12:6

Sapan atì'nogo iko kolek he, at Herotet en hùen hak Peterùt ebe waganogo apùnì ineki ba heigìlùk a'la akasikesik, oan werek kolek he, o atì sat hùako, ap tentara mene amanogo, it inebe aike kwe ba kagalek werek kolek, inebe pìre aike Peterùt eki he'na he'na hele homago nogo iko kolek, it abel he'na he'na logolìk hele elùgùn ineki ba kelogo welagaukwa.

MATÌÙT 2:13

It ap hesagal ineileken nen wolok wagaukwa mene amanogo arat lagaukwama re, hùako at Yùsùp nogo ikenem malaikat pogot oba nen wagaikesik he, abì ba mel yogosike: “Yùsùp. Hat he, omalik tago arì agosa eperagat wogisek, o Mesit atoma hese lan o. Lìlìk he, atomaat logoino. Were'ma, an nen yogohetì halogat we'no. At kain Herotet a'nogo nen omalik tago arì wasigìlùk ìlì'logo o,” ìlùk yogosikomo abì hasike.

LAKSASIKE 12:8

Pisikomo re, at malaikat a'nogo nen he, mel yogosike: “Pagaluk ìtìk, hesok sepatu labetìk, in o,” ìlùk yogosike. Atì'nogo yogosikomo labesikomo re, at malaikat a'nogo nen he, “Su etakwe mene laberogo re, nopolik eme o,” ìlùk yogosikomo,