LAKSASIKE 12:6 - Ala Ane Wene Ket Mene Warogo Wo'ninapike Wene

⁶ Sapan atì'nogo iko kolek he, at Herotet en hùen hak Peterùt ebe waganogo apùnì ineki ba heigìlùk a'la akasikesik, oan werek kolek he, o atì sat hùako, ap tentara mene amanogo, it inebe aike kwe ba kagalek werek kolek, inebe pìre aike Peterùt eki he'na he'na hele homago nogo iko kolek, it abel he'na he'na logolìk hele elùgùn ineki ba kelogo welagaukwa.

LAKSASIKE 12:6 ပူးပေါင်းရင်းမြစ်များ

LAKSASIKE 21:33

Kama isukwama ap tentara inoe kain a'nogo ebe Paùlùt oba horok hogo lìlìk, ebe hakhìlìk he, agoromì nen posie omaken pìre ba eki hele wasuagalùk yogoisasike. Yogoisasikesik he, “Ap yì sa nogo. Nìkì'nogo hagatomo,” ìlùk hinok wanhike.

IBERANI 13:6

Atì'nogo akìkì logolìk, hina'la nen, Ala nen he, “Neki kopok hogo herakhagagin lek o,” isike atì nen he, ninetaùken hapuk hogo logolik mel ìkì logousak: “Nopase Etagepogot he, an lebe'niikerek mene. Halok he, apùnì nen an nìkì'nogo haga'nabusak. An nayù'lek o,” ìlùk ìkì logousak atì.

2 TIMOTÌÙT 1:16

Atì'nogo meneat he, at Onesiporùt againapùrì inom enek he, ninhùp-nanhùp, na'la hanorogo netaùken sebeli wìrì'lùgì atì, ninoe Etagepogot en etawìrogo hagisek logouak o. An neki hele warek were'ma noba wesu ekalì legat,

EPESÙT 6:20

Wene atì yogoisìkì logouagalùk at Karìsùt en nayoko hìlìk lakhani wagaikomo an wìrìk yogoisìkì lagì atì hesik neki hele warogo hanhama welagì. Atì'nogo logolìk, an nayù'lek hogo hano wene atì yogoisìkì logousak higit hogoat yogoisìkì logoik en, sapan ìkì logoinoat o.

LAKSASIKE 28:20

Nit apùnì Isirael mene nen he, Ap aike wesigin o, ìlùk ninetaùken at oba welagorek a'nogo hesigat, neki hele warogo hanhukwama welagì yì. Atì nenat he, hit hinebe noba waganem wene yogohisagalùk hinayoko hìgì atì o,” ìlùk yogoisasike.

LAKSASIKE 5:23

“O apùnì ineki hele warek hisagarek oba'nogo, kwe ning hogo yagarek werek kolek, hele warek mene inebe wùlìbinogo ìlùk, ap kwe ba kagalek welagaikarek mene amanogo inebe were'ma lago. Lagosik, ninebe kogo re, ouma it ap a'nogo inebe le'ma,” ìlùk yogoisasukwa.

MATÌÙT 28:4

Atì'nogo hagasikomo re, it ap kagalek welagaukwa mene amanogo inayùk en inoagelekwe lei'-leik ìkì logolìk he, apùnì warek mene hake motok lìangorogo haga'lagaukwa.

LAKSASIKE 12:5

At Peterùt eki hele warogo kelakhìlìk werek kolek he, it Ala againapùrì nen sapan at hesik kamo ìgì'lek hutik-hutigat inetaùken oba nenat motok ìkì lagaukwa.