LAKSASIKE 12:11 - Ala Ane Wene Ket Mene Warogo Wo'ninapike Wene

¹¹ Nalagaikomo, at Peterùt oabùt hebelarìk he, a'la mel akasike: “Ì. At Herotet omame ba ha'narek were'ma, it apùnì Yahuri mene obogat en he, Tì'nogo hagasugun, ìlùk nabok palho kolegat, malaikat ninoe Etagepogot en eberogoat yoko pelakhei wagama hele hikalnape hìgì,” ìlùk hùthasike.

LAKSASIKE 12:11 ပူးပေါင်းရင်းမြစ်များ

2 PETERÙT 2:9

Atì'nogoat he, apùnì aike Ala walok mene hagatenem ina'la kagaligìluk waganem, ninopase Ala Etagepogot en telinapìk, nen it aike weak hagarì'lùgì mene halok, ùkùm hobuk inoba heigìlùk, hagisek welagìk, atì'nogo hagasusak elu logolìgat elok hagasigin o.

LAKSASIKE 5:19

Hisasukwama, were'ma re, malaikat ninoe Etagepogot en yoko pelaksa wagarek mene amanogo aike hùako pi wagaikesik he, o apùnì ineki hele warek hisagarek oba, kwe yagarek mene hua'lapuk hìlìk inebe wogisek wùlìbi wagaike.

LUKAT 15:17

welegat logolìk oabùt hebelarìk he, Eigo! An nopase a'nogo aua atitigeko mane eyabu hagatarek mene amanogo inebo logolegat sùpùrùk apik titelogo hìgìk niko kolegat he, an yì nek he, sùpùrùk nele nen wa'lasigin yì!

LAKSASIKE 12:7

Atì'nogo were'ma re, malaikat ninoe Etagepogot en yoko pelaksa wagarek mene amanogo aike ka nen heat atoma mel aganem he, o hùlù sekele'ma a'nogo motok lìa agaike. Atì'nogo lìa agaikomo, at malaikat a'nogo nen he, Peterùt eluk asuagalùk abeleken oba eki nen temùgùthìkì logolìk, mel yogosike: “Hepok melame,” ìlùk yogosikomo melaganem he, posie omaken a'nogo eki ba nen kopok hogo pisike.

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

LAKSASIKE 24:27

Atì'nogo iko kolek, mo lagagìk pìgìk 2 tahun welagaukwasik en, hobuk Pelìkìt obùlù'mo ap aike etage Perekìùt Pesetùt gubernur asuagalùk menhesukwa. Menhouogolùk ikenem, at Pelìkìt en he, “It apùnì Yahuri mene ina'la hanorogo,” ìlùk Paùlùt eki hele waregat herakhesike.

LAKSASIKE 25:9

Atì'nogo yogosikomo, at Pesetùt en he, apùnì Yahuri mene ina'la hanorogo ìlùk, Paùlùt mel yogosike: “O Yerusalem atoma nen wene yì hesik an neilhanem ero heratenem, eberogoat halok an nen elùgùn wasik en, ninom lùok a? Habìt a,” ìlùk yogosike.