LAKSASIKE 12:1 - Ala Ane Wene Ket Mene Warogo Wo'ninapike Wene

¹ Atì'nogo hagatì lagaukwa atem sat he, ap etagepogot Herotet en Ala againapùrì mene aike weagarinabigìlùk isike.

LAKSASIKE 12:1 ပူးပေါင်းရင်းမြစ်များ

MATÌÙT 24:9

“Atì sat he, apùnì inùkùl etage lopok en, an netage ìlìk, Hit he, at agoromì, ìlùk hinebe inabìt motok hagathinabìk he, hinebe hakhìkìlik, it aike nen tùgì hinoatìk, hinebe motok hinoatìk, uagalùk inoba wokhisek laga logogun o.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

LUKAT 22:53

Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.

YOHANET 16:2

Apùnì nen o sapan egare'ma nen hit hineki lisogo wulakhikogoinat o. Nen, hobuk it apùnì hit hinoasugun mene inebe lopok ina'la nen he, Ala hesik hano inoato, ìlùk, ugun mene weregat o.

LAKSASIKE 4:30

Hat homame wo'nisikenem he, hokawerek haput Yesùt etage ba hat heki baat apùnì ou hagarinapìk, wene hùthoagalùk hagasusak lek mene elalinat hagarinapìk, igin atì, ebe nit en hagarinapì logouagalùk homame wo'nisan o,” ìlùk Ala ayoko hesukwa.

LAKSASIKE 9:31

Atì'nogo hagasukwama, hobuk en he, it apùnì Ala againapùrì o propinsi Yurea mene mel, Kalilea mene mel, Samaria mene mel, weagarinapì'lek hano lìok hogo welagaukwa. Were'ma, Ala Areagùn nen leberisikenem, inetaùken wurik agìk, ninoe Etagepogot inayùk hogo welagìk, ìkì logolìk he, inebe apik seik-peik ìkì lagaukwa.

MATÌÙT 14:1

O atem higit he, at Herotet o Kalilea tokwe kain 14 etagepogot welagaike mene atì, Yesùt en hagatì lagaike mene abok holhikesik he,

MATÌÙT 14:3

At Herotet en Yohanet hageat wasike atì re, wene yì'nogo. At kain Herotet en he, agot Pilipùt agwe Herotìa atì telogo wanhike atì nen, at Yohanet en he, Herotet mel yogosike: “He Herotìa wanusak le'ma wanhen atì, waganek logousak mea o,” ìlùk yogosike atì nen he, Yohanet ebe eki hele warogo re, o eki hele warogo hisagarek oba kelakhesikesik wasigìlùk isike meneat he, it apùnì nen he, “Yohanet atì Ala ane yogoisikerek mene,” ìlùk egaresi'mo re, wasu ayùk agaike.

MATÌÙT 14:6

Meneat he, o at Herotet atì ebe ta'lagaike ha higit asi wagaikomo re, pesta hagatì logolìk, at he Herotìa eak salisik mene atì, apùnì apik inekele'ma nen etawì ouak sogop holok hogo lagagìk pìgìk watenem he, at kain Herotet atì a'la hai hakasike.

LAKSASIKE 11:30

Atì'nogo atogosukwasik he, Parenapat Saùlùt eperak en, inekim wolok lìlìk, it ap Ala againapùrì serisek welagaukwa mene ineki ba hei loagalùk laksasukwa atì.

LAKSASIKE 12:2

Atì'nogo isikesik, at Yohanet oe Yakobùt wasuagalùk agoromì yogoisasikomo karok oba ebe motok wasukwa.