LAKSASIKE 11:29 - Ala Ane Wene Ket Mene Warogo Wo'ninapike Wene

²⁹ Atì sùpùrùk no ebe oan haga'lagì'lek werek kolek he, it apùnì Yesùt ane wanhukwa mene amanogo nen he, “Halok he, nit ninebe lopok uang ninekimo aga mene higit hogo ninerùgì ninagaiya'lak o propinsi Yurea atoma atogotarek mene leberisùok en atogorogo lakhouok o,” ìlùk wene palhukwasik uang atogosukwa.

LAKSASIKE 11:29 ပူးပေါင်းရင်းမြစ်များ

KALATIA 2:10

Hai wa'ninapukwasik he, ninasuk warogo negen wene mel enek yogonisasukwa: “Apùnì nit mene aike inelageik mene yoma inoba eberek logolìk, leberisìkì logoino,” ìlùk, yogonisasukwa atì, an nen atì'nogo na'la hai hakìkì logolìk hagatìrek meneat yogonisasukwa.

1 KORÌTÙT 13:5

Atì'nogo logolìk he, inekalì lek hagatìk, yì mene tì mene inokawerek hesik esinethìgìk, ina'mage hakoksek welagìk, it aike nen weak hagarinapenem he, wene eken hìlìk welagìk, egarek lek.

LAKSASIKE 11:26

Wagaikesik, ebe eperak apì agaukwasik he, wolok o Atiokia lagaike. O atoma lagaikesik, o mo lagagìk pìgìk iko kolek, 1 tahun logolìk he, Ala againapùrì inom atogothìlìk, apùnì apigat wene yakùlisìkì lagaukwa. It apùnì Yesùt ane wanhenem inùkùl etage Kerisiten agarek atì re, emakum o Atiokia atoma nen salhukwa.

LAKSASIKE 11:1

It apùnì aike nen he, “It apùnì etakwe mene Ala ane wanha o,” ìlùk isukwama, it ap Yesùt en inebe weteberogo inayoko hìlìk laksasike mene amanogo mel, Ala againapùrì o Yurea atogotì lagaukwa mene aike mel, inasuk holhukwa.

LAKSASIKE 4:34

Atì'nogo leberisiko kolek he, inakweang esewerek welagaukwa mene inom, inawì wùrìk esewerek welagaukwa mene inom, apùnì welek mene inoba oko uang wanhì lagaukwa. Wanìk he, uang atì it en wolok ap Yesùt en inebe weteberogo inayoko hìlìk laksasike mene amanogo ineki ba hei waga lagaukwa. Hei waganem he, it aike inagarok lek mene inebe lopok elok hogoat sùpùrogo aga lagaukwa. Atì'nogo hagatì lagaukwa atì nen, it aike inelageik agì'legat welagaukwa.

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

LAKSASIKE 6:1

Atì sat he, apùnì Yesùt ane wanhukwa mene inebe apigat haga'lagaukwama re, it apùnì inebe Yahuri meneat he, inane re, Yunani mene nen he, mel isukwa: “Apùnì ninhùp-nanhùbat yì mene tì mene sùpùrisìkì logolìk he, hìmì soge nit mene halok halolotsìlì'lùgì atì nahalok,” ìlùk, it Yahuri inawìwerek mene inom wene serep agaukwa.

LAKSASIKE 9:19

Ima pelakhesikomo re, sùpùrùk nìlìk omame agaike. At Saùlùt a'nogo o Tamìsìk logolìk, apùnì ninoe Etagepogot Yesùt ane wanhukwa mene inom ineki hamùlùat welagaukwa.

LAKSASIKE 9:25

Kagalek werek kolek, it apùnì Saùlùt ane wanhì lagaukwa mene nen he, o hùako aike sapùl, at ebe mul ugu mene a'la kalhìlìk he, leget pa'leget uan wùrìk oba ako aike pokwe holelek were'ma wulakhìlìk he, kopì kelogo leget aphane pelakhesukwa.

LAKSASIKE 13:52

Ki lagaukwama, apùnì o Atiokia atoma mene Yesùt ane wanhukwa mene hùgì Ala Areagùn ina'la peserogo kisikomo ina'la hai apik hakasukwa.

LAKSASIKE 14:20

Atì'nogo wulaksasukwa meneat he, it apùnì aike Yesùt ane wanhukwasik welagaukwa mene wagaukwasik, era'lu walìngìrogo melasi wagaukwama re, ebe melarìk o kota kisike. Kìlìk nogo ìlùk, hùenkwe Parenapat eperak o Terebe pi lagaukwa.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

LAKSASIKE 24:17

“An mo lagagìk, pìgìk, tahun logolegat o Yerusalem lagì'lek welagarìk he, nerùgì nagaiya'lak ninebe omakeat mene uak, uang aike leberisìgìk, Ala hesik aike hisìgìk, igìlùk lagì.

MATÌÙT 25:17

Nen, ap aike 2.000 nen wanhike mene a'nogo atì'nogoat hobuk 2.000 aike inom mangorogo hesikeat.