LAKSASIKE 11:19 - Ala Ane Wene Ket Mene Warogo Wo'ninapike Wene

¹⁹ At Sitepanùt a'nogo ebe wasukwasik he, Ala againapùrì yì aik tì aik hagarinapì logolìk, sigisek-mugusek hagatì lagaukwama, pùgùlogo o propinsi Penisia mel, Siperùt mel, kota Atiokia mel, wagaukwasik, wene it apùnì Yahuri mene nek yogoisìkì lagaukwa.

LAKSASIKE 11:19 ပူးပေါင်းရင်းမြစ်များ

LAKSASIKE 21:2

Lagagusik, o atoma apùnì i so aike ba o Penisia lùogolùk were'ma, so atì a'la kìlìk, ninom lagagu.

LAKSASIKE 15:35

It Paùlùt Parenapat eperak hogo re, o Atiokia atoma kamo isukwasik, it apùnì aike logolegat inom atoma logolìk he, wene ninoe Etagepogot ane hano wene atì yogoisìgìk, yakùlisìgìk, ìkì lagaukwa.

LAKSASIKE 15:22

Wene atì'nogo isukwasik he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, Ala againapùrì aike atogorek welagaukwa mene obogat mel, inom en wene mel ìlùk palhukwa: “Ap nit mene aike weteberogo inayoko hìlìk, Paùlùt Parenapat eperak inom o Atiokia loak en he, laksùok o,” ìlùk isukwa. Atì'nogo isukwasik he, it Ala againapùrì aike nen, at Yurat etage aike Parasapat atì ho, Silat atì ho, “Inoabùt hano,” ìlùk akìkì lagaukwa mene nen, helal waganek atì inekim wolok loagalùk inayoko hesukwa.

LAKSASIKE 15:3

It Ala againapùrì nen atì'nogo isukwasik laksasukwama re, o atoma nen he, Penisia nen, Samaria nen, laga logolìk he, mel yogoisìlìk lagaukwa: “It apùnì etakwe mene inoabùt hebelarìk inelokwe Ala wogotama o,” ìlùk yogoisìlìk laganem, it Ala againapùrì atoma mene ina'la hai hùkoat hakasukwa.

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

KALATIA 2:11

Mene re, at Peterùt o Atiokia wagaikesik kolo hagatì lagaikomo, an nen he, “Hat hagatì lagen atì weak o,” ìlùk, pak hogoat wenagasìgì.

LAKSASIKE 21:16

Laga logolìk, it apùnì o Kaisarea mene Yesùt ane wanhukwa mene aike ninomat lagagu. Ninom lagagusik, it en wo'nisek, ap aike etage Manason, aua ero o Siperùt mene, Yesùt ane hageat en wanhikesik o Yerusalem were'ma, at en wo'ninabìk aua logouagalùk, wo'nisek kisukwama atoma ap pogat welagagu.

LAKSASIKE 18:22

O Kaisarea lagaikesik he, Ala againapùrì o Yerusalem mene hai warinabi lagaikesik he, hobuk apotkwe o Atiokia wagaike.

LAKSASIKE 15:39

Atì'nogo yogosikomo, eperak wene haro weak palhukwasik he, inaleketegat pùgùlhukwa. At Parenapat en he, Marekùt wolok he, imakwe so warogo o Siperùt wagaike.

LAKSASIKE 13:46

Atì'nogo isukwa meneat he, it Paùlùt Parenapat aperagat inayù'lek hogoat logolìk he, mel isukwa: “Ala ane atì hit tak yogohisasak obaat yogohisa wago meneat he, hit hinabìt en heraksegesip, hinokawerek en he, Nit nabùlal-habùlal haga'ninabusak he, mea o, ìlùk u hagat ìkì lagep atì nen, nit ninoe Etagepogot en ninayoko hìkì logolìk yogonisasike hagat hagasugun. At en: An nen he, apùnì etakwe mene lìarinapìk, o wùrep oba werek mene telinapìk, igìlùk he, esage kìalek hake, hit hinebe hikìgì o, ìlùk yogonisasike higit hogo, hebek hogoat it apùnì etakwe mene yogoisa logoin o,” ìlùk yogoisasukwa.

LAKSASIKE 13:4

It Parenapat Saùlùt eperak Ala Areagùn nen laksa wagaikomo re, o Seleukia pi wagaukwa. Pi wìrìk he, o Seleukia atoma nen he, imakwe so ba o Siperùt i ekenma wagaukwa.

LAKSASIKE 13:1

Ala againapùrì o Atiokia atogotì lagaukwa mene amanogo, it aike nen Ala ane yogoisìgìk, it aike nen yakùlisìgìk, ìkì lagaukwa mene inebe ap aike Parenapat atì, aike Simeon etage Ebemuli ìkì lagaukwa mene atì, aike Lùkìùt o Kirene mene atì, aike Menahem, Herotet kain gubernur agaiyak eperak apine kalinapukwa mene atì, aike Saùlùt atì, welagaukwa.

LAKSASIKE 3:26

Ala nen he, wene atì waresike hak, hit weak hagatì lagep mene hinebe lopok hinapotma heraksoagalùk aput ebe hanothinabigin mene hit tak hinoba pelakhei wagaike atì,” ìlùk inasuk wasike.

YOHANET 7:35

it ap Yahuri inogogì kaintek amanogo nen, it-it ìkì logolìk he, mel isukwa: “At yì o koma lìlìk were'ma, nit at herarik lìlìk ninom apì asugun lek en yogonisike akegep. Ap nit mene o pulelogo apùnì Yunani mene were'ma inoba lagaukwasik were'ma inoba lìlìk, apùnì Yunani mene wene yakùlisìkì logoigìlùk ike akegep a?

MATÌÙT 10:6

We, apùnì Isirael mene wam topa wam kwe nong agarek hak kwe nong agaikasik werek atì inobakwe isìlìk lano o.

LAKSASIKE 6:5

Wene atì'nogo ìkì lagaukwama, it apùnì Ala againapùrì amanogo inebe obogat en he, “Atì'nogo egep atì hano,” ìlùk isukwasik inebe heragasogo hisasukwa. Atì'nogo hisasukwa atì aike re, Sitepanùt, etaùken Ala oba hìpìrìk motok were'ma Ala Areagùn a'la peserogo kìlìk welagaike mene mel, Pilipùt mel, Porokorùt mel, Nikanot mel, Timon mel, Paremenat mel, Nikolaùt o Atiokia mene Ala ane wanhikesik, Yahuri mene negen haga'lagaike mene atì mel,

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 11:22

Atì'nogo hagasukwama, it apùnì aike nen he, “It Yesùt ane wanhasik, inoabùt hebelha o,” ìlùk inabok ìkì lagaukwama re, it Ala againapùrì, o Yerusalem atogotì lagaukwa mene amanogo inasuk holhukwasik he, at Parenapat ayoko hìlìk, ebe o Atiokia lakhei wagaukwa.

LAKSASIKE 14:26

O Atalia nen he, imakwe so warogo o Atiokia inapotkwe lagaukwa. Atoma nen, atì'nogo hagarìk nìkì logouagalùk hageat it Ala againapùrì nen laksa waga logolìk he, “Ala oabùt hano a'nogo nen wokhisek loak o,” ìlùk laksa wagaukwama atì'nogo hagarìk nìkì lagaukwasik he, arat haga'lùk inapotkwe hobuk lagaukwa atì.

LAKSASIKE 15:30

Ati'nogo helal waganogo laksa wagaukwama, o Atiokia arat wagaukwasik he, Ala againapùrì inebe obogat atogorinabìk, wene helal waganek a'nogo wogisasukwa.