LAKSASIKE 11:16 - Ala Ane Wene Ket Mene Warogo Wo'ninapike Wene

¹⁶ Inoba pi wagama re, ninoe Etagepogot en wene mel ìlùk isike mene na'la ebeti: Yohanet en ima pelakhinape meneat he, Ala nen Areagùn hinoba pelakhei wesigin o, ìlùk isike mene atì oba ebeti.

LAKSASIKE 11:16 ပူးပေါင်းရင်းမြစ်များ

MAREKÙT 1:8

Nen, an nen, we, ima pelakhinapì lagì meneat he, at ebe wìrìk en he, ima pelakhinabu hak, Ala Areagùn hinoba pelakhei wesigin o,” ìlùk yogoisìkì lagaike.

LUKAT 3:16

at Yohanet en mel yogoisasike: “An nebe yekerek nomame lek mene nen, we, ima nek pelakhinapì lagi o. Mene re, at aike kain omame apik mene hobuk wesigin o. At ebe wìrìk he, at en ima pelakhinabu hak, Ala Areagùn inom, etu inom, hinoba pelakhei wesigin o. At ebe kain omame apik atì nen he, esok hele homago mene, an nebe yeherek mene nen hikalusak he, mea o.

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

LAKSASIKE 20:35

Wene ninoe Etagepogot Yesùt okawerek en mel yogonisasike atì: It apùnì aike nen wokhisikenem helìlìk hina'la hai hakasak mea o. We, at he, hit hinokawerek en it aike wogisìkì logolìk hina'la hai hakasak o, ìlùk yogonisasike atì nina'la eberek logolìk he, an men it aike inomame lek mene leberisìkì lagì atì, hit en hùthanìlìk an noabùt waganogo hineki omamerogo leberisìkì logouageip ìlùk yakùlogo hagatì lagì atì,” ìlùk yogoisasike.

YOHANET 16:4

Atì'nogo hagathinapa halok he, hina'la nen, Wene yì, at en alebat yogonisasike a'nogo, arat haga'ninabì'lùgì yì, ìlùk hina'la ebesuageip en ìlùk, wene atì obogat yogohisìgì o,” ìlùk yogoisasike. At Yesùt en wene atì'nogo yogoisasikesik he, hobuk aike mel yogoisasike: “An hit ninom yoma welago atì nen he, wene yì obogat hit hinayoko hìkì logolìk yogohisìgì'lek welagagi meneat he,

YOHANET 1:33

Atì sat he, at ebe sa heat an nokot welagì meneat he, Ala nen an apùnì we imaat pelaginapì logouagalùk lakhani wagaike mene a'nogo nen yogonetì logolìk he, mel yogonesike: An Nareagùn ap aike ot oba labok i pi wìrìk were'ma heileken hegen halok he, at atì nen apùnì ima pelaginabu hak, Nareagùn inoba pelabi waga logogin o, ìlùk, yogonesikesi'mo nogo nen he,

YOHANET 1:26

at Yohanet en he, mel yogoisasike: “An nen apùnì we ima pelaginapì lagì meneat he, ap aike hit on ebe hùthìgì'lek mene hinekele'ma metek werek o.

2 PETERÙT 3:1

Nerùgì nagaiya'lak. Hinebe netawì e. Wene alep aike helal waganogo hinoba lakhei wagagi atì mel, hobuk lakhei wagì atì mel, hit wene ebe hinelu meneat he, hina'la higit hogo ebesuageip en ìlùk lakhei waga lagì atì.

LUKAT 24:8

it hìmì amanogo hobuk wene Yesùt en yogoisasike mene a'nogo ina'la ebesukwa.

MATÌÙT 3:6

Wìrìk he, yì weak tì weak hagatì lagaukwa mene hukalogo heraksikenem, i Yoretan ima pegalinapì lagaike.