LAKSASIKE 11:14 - Ala Ane Wene Ket Mene Warogo Wo'ninapike Wene

¹⁴ At en hat hebe mel, hoe hagot mel, hagainapùrì mel, Ala nen telhinabuagalùk, wene yogohisegein mene werek o, ìlùk yogonete, ìlùk ike.

LAKSASIKE 11:14 ပူးပေါင်းရင်းမြစ်များ

LAKSASIKE 16:15

Wene atì'nogo wanhikomo re, at ebe mel, it apùnì at aua omakìma welagaukwa mene mel, ima pelaginapukwa. Pelaginapukwama, at Lìrìa nen he, “An hesik hit hina'la nen, At etaùken ninoe Etagepogot oba eberogoat hìpìrethike hìgì, ìlùk hina'la akegep halok he, an ninom logouok en, ninom lùok o,” ìlùk ane keirogo yogonisasikomo re, ninom lagagu.

LAKSASIKE 10:22

Atì'nogo yogoisasikomo, it en he, “Ap tentara mene esa logolharek mene inoe kain etage Korenelìùt, atì nen lakhina wagama wago. At atì oabùt higit hogo hagatìk, Ala ebe ayùk hogo welagìk, ikenem, it apùnì Yahuri mene obogat en oabùt palharesik he, atì'nogoat abok hano egarek. At ati atì'nogo hagatenem, malaikat Ala nen yoko pelaksa wagarek mene amanogo aike nen he, Peterùt atì nen wene hat hasuk holusak mene yogohesigin werek o, ìlùk hat hayoko lakhina wesuagalùk yogotomo, at en lakhina wagama hoba wago o,” ìlùk yogosukwa.

LAKSASIKE 10:6

At ebe ap pok wagasik he, ap Simon yì wam tì wam ogat nokolek pùgùthikerek mene a'naga aua i laut hùko yekele'ma era'lu atoma werek o,” ìlùk yogosike.

LAKSASIKE 10:2

At Ala ayùk hogo logolìk againapùrì inom en hogoratì lagaukwa. Logolìk he, it apùnì Yahuri mene amanogo aike inekimo lek inelageik mene hùkorogo leberisìkì logolìk, sapan kamo ìgì'lek iko motok welagaike.

LAKSASIKE 2:39

At Ala nen, Nareagùn wokhisegein, ìlùk wene wa'nisasike atì re, hit hinebe mel, hinagainapùrì mel, it aike inaua walegat mene atoma mel, hinebe ninopase Etagepogot Ala nen, We'ni o, ìlùk wahisìlì'logo mene hùgì, obogat hesik wene hirat wathisasike o,” ìlùk yogoisasike.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 12:50

Nan, at on nit nineluk logouagalùk wene ninasuk warogo, Yì'nogo haga'no, tì'nogo haga'no, ìlùk ninasuk warogo yogonisikerek atì nit nineluk logouagalùk yogonisikerek, ìlùk an nelu o. At nopase nen wene yogonìrì'logo meneat yogohisìkì lagì o,” ìlùk yogoisasike.

YOHANET 6:63

Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

YOHANET 4:53

at ap a'nogo a'la nen ebetì logolìk he, “Hìmagane likene o mo atem higit, at Yesùt en he, Haput se asigin o, ìlùk, yogonete higit hogoat se agama,” ìlùk, a'la ebe'lùk lagaikesik he, at ebe mel, againapùrì obogat mel, inetaùken Yesùt oba hìpìrethesukwa.

LUKAT 19:10

Telhinape mene atì, an abat ta'lasi wagagi a'nogo, it apùnì nong arì'lùgì mene heragasogo telinabigìlùk wagagiat o,” ìlùk yogoisasike.

MAREKÙT 16:16

Yogoisìlìk laganem he, it apùnì aike nen wene atì eberogoat ìlùk akogoin mene ima pelaginabugun mene hùgì, Ala nen telinabigin meneat he, it aike wene atì eberogoat ìlùk wanugun lek mene hugi Ala nen ùkùm inoba hìlìk weagarinabigin o.

1 KORÌTÙT 1:16

Ì! O o. An nen Sitepanùt againapùrì inom ima pelaginapigimoat hìgì, Atì'nogo meneat he, it aike pelaginapigi he a? Lek he a. An nokot.

LAKSASIKE 18:8

Ap Kerìsìpùt, o apùnì Yahuri mene sapan ìkì lagaukwa ba atì kain esewerek welagaike mene ebe mel, againapùrì mel, “Wene atì eberogoat,” ìlùk inetaùken ninoe Etagepogot oba hìpìrethesukwa. Hìpìrethesukwama re, it apùnì o kota Korìtùt mene aike inebe logolegat wene holìk he, “Eberogoat,” ìlùk wanhì lagaukwama re, inom ima pelaginapukwa.

LAKSASIKE 10:43

At Yesùt hesik, it ap Ala ane yogoisìkì lagaukwa mene amanogo obogat en he, abok ìkì logolìk, mel isukwa: At ebe waganem he, it apùnì weak hagatarek mene inetaùken at oba hìpìrethogoin mene hùgì inebe lopok, it weak hagarì'lùgì mene atì, at Ala nen at Yesùt etage ba sagalogo legetsegein o, ìlùk yogoisìkì lagaukwa,” ìlùk at Peterùt en yogoisasike.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

LAKSASIKE 11:13

Kogoma, at Korenelìùt en he, An ya were'ma nen he, malaikat Ala nen yoko pelaksa wagarek mene amanogo aike ouma yoma pi wagasik metek were'ma neileken hìgì. At yoma metek logolìk ho, wene mel yogonete: Ap aike etage alep mono Simon. Nen, hobuk mono Peterùt, o Yope atoma werek a'naga yoma wesuagalùk, ap aike at ayoko laksano o.