LAKSASIKE 10:4 - Ala Ane Wene Ket Mene Warogo Wo'ninapike Wene

⁴ Yogosikomo, at Korenelìùt eileken at oba lùrogo hìkì logolìk, ayùk arìk he, “Ì, noe. Nahalok,” ìlùk isikomo, at en he, “Hat sapan ìgìk, apùnì inekim lek inelageik mene leberisìgìk, ìkì lagen atì re, Ala elu agasik hoba eberek werek o.

LAKSASIKE 10:4 ပူးပေါင်းရင်းမြစ်များ

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

LAKSASIKE 10:31

Sapan atì'nogo ikenem he, ap aike asu amùlìt apik laberek mene an neilhanemat melasi pi waga. Melasi pi wìrìk he, Korenelìùt. Hat sapan egetek atì, Ala asuk holhomo. Nen, apùnì inekim lek inelageik mene leberisegetek atì, Ala nen hoba eberek weregat o.

ABÌKAKAN 8:4

Atì'nogo hei laganem he, Ala againapùrì sapan egarek mene inane kemenyan obasi inom malaikat a'nogo ekimo nen Ala elokoma lagakì laga hìgì.

PILIPI 4:18

Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

IBERANI 13:16

Atì'nogo ìkì logolìk, apùnì aike hano hagarinapìk, leberisìgìk, ìkì logouok. Atì'nogo ìkì logousak atì re, Ala a'la hanorogo ako waretì logou hagat ma re, oba lì'mathousak motok lek o.

LUKAT 1:29

at hele Maria a'nogo asuk holìk, ayuk en oak lei'-leik ìkì logolìk he, “Hai warogo yogonete atì nìkì'nogo nen yogonete,” ìlùk a'la nen ebesike.

MATÌÙT 26:13

Nane eberogoat yogohisak. He yì eberek logouagalùk, apùnì wene hano wene a'nogo, o yì awì tì awì yogoisìlìk nìkì logolìk he, He atì tì'nogo hagasike, ìlùk abok hano ìkì logogun o,” ìlùk yogoisasike.

LAKSASIKE 22:10

Inasuk atì'nogo holhì'lek werek kolek, an nen he, Noe. An nìkì'nogo hagasik, ìlùk yogotenem, at en he, Hebe melarìk he, o Tamìsìk kino. Kìlìk were'ma, hat en Ala walok mene obogat hagasigin mene hesik ap aike nen yogohesigin a'naga o, ìlùk yogonesike.

LUKAT 24:5

Wagaukwama re, it hìmì amanogo inayùk en inot somarek were'ma re, it ap pìre aremnogo nen hìmi amanogo mel yogoisasukwa: “Hit he, at eluk welagarek mene a'nogo apùnì warek mene welagaikare'ma nahalok heratì lagep.

LAKSASIKE 3:4

Kìno yogoisasikomo re, it eperak en ineileken lùrogo hìkì logolìk he, at Peterùt en, “Heileken la'nisan,” ìlùk yogosike.

LAKSASIKE 14:9

Hùrek logolìk Paùlùt en wene yogoisikenem asuk hologo were'ma, at Paùlùt en eileken oba lùrogo hìkì logolìk, a'la nen he, “Ap arì a'la nen he, Eberogoat haga'nabigin, ìlùk akikesik werek hìgì,” ìlùk a'la akasike.