LAKSASIKE 10:32 - Ala Ane Wene Ket Mene Warogo Wo'ninapike Wene

³² O Yope atoma re, ap ebe omakeat mene etage alep mene Simon. Nen, hobuk mene, Peterùt, atì ayoko loak en ap aike laksan o. At ebe re, ap pok wagasik he, ap etage Simon, yì wam tì wam ogat nokolek mene pùgùraterek mene a'naga aua i laut hùko yekele'ma esakoma atoma werek a'naga o, ìlùk yogonete.

LAKSASIKE 10:32 ပူးပေါင်းရင်းမြစ်များ

YOHANET 4:9

it apùnì Yahuri mene apùnì o Samaria mene inom weak welagaukwa atì nen he, at he Samaria mene a'nogo nen at Yesùt mel yogosike: “Hat ap Yahuri mene. Nen, an he Samaria meneat he, nahalok, I hina'nom, ìlùk kìno yogoneten,” ìlùk yogosikomo,

YOHANET 18:28

Atì'nogo haga'lùk, sùe ane isikomo hùp siak hogo at Yesùt ap Kayapat were'ma nen, o ùkùm inoba hìgìk, kotìk, egare'ma wolok wagaukwa. Wolok wagaukwasik he, Yesùt enek ouma kelakhesukwasik, “Nit pesta Paskah a'nogo mene nìkì logousa'ma, ninabusak kumo re, nit weak asinogo,” ìlùk he, o ùkùm inoba hìgìk, kotìk, egare'ma atoma kìgì'lek, we, o silimo kamo isukwa.

LAKSASIKE 10:31

Sapan atì'nogo ikenem he, ap aike asu amùlìt apik laberek mene an neilhanemat melasi pi waga. Melasi pi wìrìk he, Korenelìùt. Hat sapan egetek atì, Ala asuk holhomo. Nen, apùnì inekim lek inelageik mene leberisegetek atì, Ala nen hoba eberek weregat o.

LAKSASIKE 10:33

Atì nenat, an neki aike welagì'legat he, ap aike hayoko hoba laksìgìma, hat hoabùt hano nen kamo ìgì'lek hano wagen, noe. Nit obogat yogotak Ala eilhanem welago yoma re, ninoe Etagepogot en, Wene yogoisano, ìlùk yogohete mene, wene atì obogat ninasuk holuogolùk welago, noe,” ìlùk yogosike.

LAKSASIKE 11:3

Wenagatì logolìk he, “Hat hebe it apùnì inogat inekalìma mene pale'lek mene inoba lagatìk he, sùpùrùk hinom omakìma nìkì lagasip wagen atì nahalok,” ìlùk wenagasukwa.

LAKSASIKE 9:6

Hebe mela'lùk he, o kota arì lìlìk kìno. Kikenem ap aike nen, Hat tì'nogo haga'no, ìlùk yogohesigin mene werek o,” ìlùk yogotenem,

LAKSASIKE 9:43

Atì'nogo hìpìrethesukwama, at Peterùt a'nogo o Yope atoma logolìk he, ap Simon yì wam tì wam ogat nokolek mene pùgùthìkì lagaike mene atì aua eperak ineki logolegat welagaukwa.

LAKSASIKE 10:5

O yogotak o Yope atoma ap aike etage alep mene Simon. Hobuk mene Peterùt, ìlì'lùgì mene a'naga wesuagalùk, ap aike at ayoko laksano o.

LAKSASIKE 11:14

At en hat hebe mel, hoe hagot mel, hagainapùrì mel, Ala nen telhinabuagalùk, wene yogohisegein mene werek o, ìlùk yogonete, ìlùk ike.

LAKSASIKE 15:7

Atì'nogo atogosukwasik, wene it aike nen ìgìk, it aike nen ìgìk, hùkoat ìkì lagaukwasik, at Peterùt melarìk he, mel yogoisasike: “Ap sanì. Nagaiya'lak. It apùnì etakwe mene nen wene hano wene inasuk holhìk, ina'la nen eberogoat ìlùk hùthìgìk, uagalùk, an hageat hit ninom were'ma, it atì yogoisa loagalùk Ala nen wena'nabìk nayoko hesike atì, hinelu o.

LAKSASIKE 16:9

Wagaukwasik logolìk, hùako Pùlùt abìkakan mel hasike. Ap o Maketonia mene aike metek logolìk he, “Hat en nit apùnì Maketonia mene yoma lebe'nisa wùlìbi me o,” ìlùk a'la kagalogo yogotenem abìkakan hasike.