LAKSASIKE 10:14 - Ala Ane Wene Ket Mene Warogo Wo'ninapike Wene

¹⁴ Atì'nogo yogosikomo, at Peterùt en he, “Lek u. Noe. An wesa mene mel, yùgalhì'lek mene mel, hamùlùk halok nìkì'legat welagìrek,” ìlùk yogosike.

LAKSASIKE 10:14 ပူးပေါင်းရင်းမြစ်များ

LAKSASIKE 10:28

Eileken isìlìk, mel yogoisasike: “Nit apùnì Yahuri mene nen hit apùnì etakwe mene ninom hùnetìk, nit hinoba kìgìk, usak lek ilùk, wene palek welagarek atì, hinelu. Atì'nogo meneat he, at Ala nen, Apùnì aike mene atì, inom logousak he, wesa mage, ìlùk usak lek o, ìlùk yakùlnetomo re,

LAKSASIKE 9:5

Atì'nogo yogosikomo, at Saùlùt en he, “Noe. Hat sa,” ìlùk yogosikomo, at en he, “An Yesùt. Hat en yì aik tì aik haga'nabigìlùk mù'narek nìkì lagen mene a'nogoat o.

LUKAT 1:60

agosa nen he, “Lek o! Etage Yohanet salugun o,” ìlùk yogoisasike.

MATÌÙT 25:9

it hìlìmìkìrùgì inetaùken werek mene amanogo nen he, Lek o. Ato mìkìlogo hit wokhisìgìk, aike nit helìgìk, umo re, lek asigin o. Halok he, oko palì'lùgì ba atoma aike oko pala lani o, ìlùk yogoisasukwama,

MATÌÙT 16:22

Atì'nogo yogoisasikomo at Peterùt en he, Yesùt wolok alepma lagaikesik mel yogosike: “Hat wene egen atì hagathabinogo nen he, Ala nen telhabuak o,” ìlùk asuk wasike.

MATÌÙT 8:2

Laganem he, ap aike oumo henako hake inayùk mene oba welagaike mene oba wagaikesik he, eitep awì yakhìlìk, mel yogosike: “Yesùt noe. Hat en hano haga'nabigin akegen halok he, elok hano haga'nabusagat o,” ìlùk yogosike.

MATÌÙT 15:11

“Wene igin yì hit hùthoageip en he, hinasuk hanorogo holini o. Yì mene tì mene inapema kelaparek atì nen inebe weagarinaperek lek o. Mene re, inape ba nen wene egarek atì baat weagarinaperek o,” ìlùk yogoisasike.

MAREKÙT 7:2

Lagai wagaukwasik logolìk, it Yesùt agoromì ane wanhì lagaukwa mene amanogo aike, apùnì ineki bakwe inerabùl horatarek atì hak horatì'lek sùpùrùk yùgùnat nikenem he, ineileken isasukwa.

YOHANET 4:11

Atì'nogo yogosikomo, at he a'nogo nen he, mel yogosike: “Noe. Hat hageisoak lek. Nen, i yì o'lumo ma a'lomaat mene re, hat en i inelugurinaperek mene atì, koma mene hinagasogo wo'nesigìlùk en egen.

LAKSASIKE 10:13

Were'ma re, Ala nen sa ane heat yogotì logolìk he, “Peterùt. Hebe melarìk he, aroma warogo nan o,” ìlùk yogosike.

LAKSASIKE 22:8

Atì'nogo yogonesikomo, an nen he, Eige. Noe. Hat sa, ìlùk yogosigimo, at en he, An Yesùt, nawì Nasaret mene, yì aik tì aik haga'nabigìlùk mù'narek nìkì lagen mene a'nogoat o, ìlùk yogonesike.