LAKSASIKE 1:9 - Ala Ane Wene Ket Mene Warogo Wo'ninapike Wene

⁹ Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

LAKSASIKE 1:9 ပူးပေါင်းရင်းမြစ်များ

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

LUKAT 21:27

Atì sat he, an abat ta'lasi wagagi a'nogo nomamerogo ohena a'la pi waganem, ineileken nììlìk apik hogo'nabugun o.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

LAKSASIKE 1:2

at opase nen ebe pogot oba lìakesike atì hùlì, helal waganogo lakhei wagagi atì. At ebe pogot oba oan lìakhìgì'lek werek kolek, at agoromì inebe weteberogo inayoko hìlìk laksagalùk isike mene amanogo Ala Areagùn omame ba inasuk wasike.

1 TESALONIKA 4:17

Hobuk nit nineluk logogun mene ninomat ohena a'la hapok hogo wo'nisek lagalìk he, ninoe Etagepogot ninom tùlem po atoma apì arìk lagalìk he, at ninom motogat logogun o.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

ABÌKAKAN 11:12

Atì'nogo inayùk arìk werek kolek, pogot oba nen ane hùkorogo it ap pìre wene yogoisìkì logogun mene a'nogo mel yogoisegein: “Lagai we'ni o,” ìlùk yogoisikenem, it ap a'nogo inaselei mene amanogo ineileken lagisek werek kolek pogot oba ohena a'la lagaikenem isìgì o.

ABÌKAKAN 14:4

It apùnì atì inebe re, tegelek logouogolùk, hìmì inom nogo ìgì'lek logolìk, inape ba nen inapeliak aike egare'legat, nen, apùnì aike nen he, “It atì weak aike hagatama,” ìlùk ùkùm inoba housak legat mene, logolìk, Topa Eak a'nogo kwe komakwe laga halok, opolik nikenem, sùpùrùk ebe oan werek kolek, lilu tak nekarek atì hak, Ala nen yì apùnì tì apùnì ina'la nen kìgìlogo inoko palogo telinapikomo, it inebe Ala ho, Atopa ho, hisìlìk, were'ma isìgì o.