LAKSASIKE 1:4 - Ala Ane Wene Ket Mene Warogo Wo'ninapike Wene

^4-5 Ineki aike sapùl at agoromì inom omakìma atogorek logolìk he, mel yogoisasike: “Yohanet en ima pelaginapì lagaike meneat he, hit hineki logolegat welagì'le'ma, Ala nen ima pelakhinabu hak, Areagùn hinoba pelakhei wesigin atì re, hinebe o Yerusalem yoma nen pùgùlhùpp. An nopase nen he, It wogisegein, ìlùk wene wathisasike mene atì, an nen alebat abok yogohisasigiat atì. Halok he, serogo logoino,” ìlùk wene warisasike.

LAKSASIKE 1:4 ပူးပေါင်းရင်းမြစ်များ

MATÌÙT 10:20

Wene oko yogoisogoin atì re, hit en hina'la kagalogo ugun hùk. We, hinopase Ala Areagùn hina'la logolìk, Yì'nogo ini o, ìlùk yogohisiko kolek ugun o.

LUKAT 11:13

Hit hinoabùt weak hagatesep meneat he, inagainapùrì atì hano mene wogisagarek hinelumo re, hano mene wogisegesep atì. Ati hake, hinopase Ala pogot oba mene yogotì logolìk, Hareagan atì wo'nisan o, ìlùk, kìno yogotep halok he, wokhisegein lek nogo? Wokhisegeinat o,” ìlùk yogoisasike.

LUKAT 12:12

Atì sat he, hit en wene oko uagalùk Ala Areagùn nen, Yi'nogo ini o, ìlùk, hina'la kagalìgìn mene werek o,” ìlùk yogoisasike.

LUKAT 24:49

Nen, an nopase nen hit wokhisegein, ìlùk abok yogohisasike a'nogo, yogo. An nenat hinoba pelakhika wesigin o. Mene re, Ala omame pogot oba nen hinoba oan louk i wagì'lek werek kolek ya re, hinebe o kota yomaat logoino o,” ìlùk wene warisasike.

YOHANET 14:16

Atì'nogo hagatenem, hit lebethisìkì logolìk, hinom motok logouageip en ìlùk, an nen nopase kìno yogosumo, at en ap aike pelakhisa wesigin o. At atì ebe re, Ala Areagùn ebe wene yogohisìkì logogin mene. Atì'nogo hinoba pelakhisa wesumo, it apùnì kweangma mene nen, at atì ebe inokorat. Nen, ebe ineileken hogoin legat, atì nen he, ebe wanusak mea o. Atì'nogo meneat he, hit enek he, at ebe hinom logolìk, hina'la motok logogin atì nen he, at ebe hinelu logogun o.

YOHANET 15:26

“Hit lebethisìkì logouagalùk Ala Areagùn ebe wene yogoisoagalùk wagarek mene atì, an nen nopase were'ma nen hit hinoba lakhei waganem he, at en an nabok pak hogo yogohisìkì logogin o.

YOHANET 20:22

Atì'nogo yogoisasikesik he, eleage inoba hurogo lakhìkì logolìk he, mel yogoisasike: “Ala Areagùn helani o.

YOHANET 7:39

wene atì'nogo yogoisasike atì re, apùnì inetaùken at oba hìpìrethagarek mene hùgì inebe lopok Ala Areagùn wogisegein, ìlùk abok isike meneat he, atem sat, at Yesùt ebe hogorato kolek lagasike a'nogo oan lagagì'lek nogo nen he, Ala Areagùn oan pelabi wagì'lek werek kolek isike.

LAKSASIKE 10:41

Atì'nogo weinamethesike meneat he, apùnì obogat ineileken hìgì'lek. We, alebat at Ala nen, It inebe atemat ineileken hoak o, ìlùk wena'ninapike mene nek, at Yesùt ebe warek were'ma Ala nen eluguthesikomo, nit at ninom logolìk sùpùrùk mel, i mel, ninomat nasugu.

LAKSASIKE 2:33

At ebe Ala nen eluguthikesik, era'lu kain logouagalùk menhikomo werek o. Logolìk, Ala nen, Nareagùn wokhisegein, ìlùk wene wa'nisasike hagat Yesùt wogotomo, at en hùkorogoat nit ninoba pelakhei wagama re, nit hagatenem hineileken nisìgìk, hinasuk holhìk, ìkì lagep atì.