LAKSASIKE 1:2 - Ala Ane Wene Ket Mene Warogo Wo'ninapike Wene

² at opase nen ebe pogot oba lìakesike atì hùlì, helal waganogo lakhei wagagi atì. At ebe pogot oba oan lìakhìgì'lek werek kolek, at agoromì inebe weteberogo inayoko hìlìk laksagalùk isike mene amanogo Ala Areagùn omame ba inasuk wasike.

LAKSASIKE 1:2 ပူးပေါင်းရင်းမြစ်များ

LAKSASIKE 1:9

Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

IBERANI 9:24

at Karìsùt o Ala okawerek awì ìlùk apùnì nen oba lìrogo wusukwa ba atì kisike hùk. Lek o. We, pogot ebe ba kisikesik Ala were'ma atoma nit hesik werek o.

YOHANET 20:21

Atì'nogo hai hakasukwama, at Yesùt en wene aike inom hobuk mel yogoisasike: “Nagoromì. Hinagùt a'ma. An nopase nen lakhani wagaike atì hak, an nen hit atì'nogoat lakhikegein o,” ìlùk yogoisasike.

YOHANET 13:18

“An nen wene atì hit hinebe obogat hesik yogohisìgì hùk. Lek o. Hit yì an nenat hinebe wenakhinapigi mene nelu meneat he, wene atì hesik Ala ane ba mel ìlùk helal waganogo hesukwa: Ap aike sùpùrùk neperak omakima nìkì lago mene yì nen weaga'nabigìlùk melaga o, ìlùk isukwama helal waganek werek atì sùge asigin lek. Ebeat asigin o.

YOHANET 13:3

Atì'nogo a'la kagalhikomo, at Yesùt a'la nen he, “Nopase nen yì mene tì mene obogat an neki ba hikomo werek akìgì. Nen, an nebe Ala were'ma nen pi wagagisik, hobuk napotkwe at oba lagagin akìgì,” ìlùk elu welagaikeat.

ABÌKAKAN 21:14

Nen, leget pa'leget wùrìk atì, obùle helep ebe 12 nenatma re, at Topa Eak en inebe 12 nenat wenagasogo inayoko hìlìk laksasike mene amanogo inetage helal waganek welaga hìgì.

ABÌKAKAN 3:22

ìlùk ìgì mene atì, Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o, ìlùk yogoisìgì mene atì, helal waganogo inoba lakheino o,” ìlùk yogonete.

ABÌKAKAN 3:16

Meneat he, hinoabùt min legat, agaken legat, we, min he a? Agaken he a, suam welagep atì nen he, i seram en inapema nen hemelogo wulaksagarek atì hak, an nen hinebe wulakhikegein o.

ABÌKAKAN 3:13

ìlùk ìgì mene atì, Ala Areagùn nen Ala againapùrì o yì awì tì awì atogotarek mene yogoisìlì'logoat atì, hit hinasuk holusak halok he, hanorogo holino o, ìlùk yogoisìgì mene atì, helal waganogo inoba lakheino o,” ìlùk yogonete.

ABÌKAKAN 2:29

Ala Areagùn nen it Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o, ìlùk yogoisìgì mene atì, helal waganogo inoba lakheino o,” ìlùk yogonete.

ABÌKAKAN 2:11

“Wene yogoisìgì atì Ala Areagùn nen, Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin halok he, it aike wa'larìk hobuk moto'-motok wa'lasugun atì, inom weagarinabigin lek o, ìlùk wene obogat yogoisìgì mene atì helal waganogo inoba lakheino o,” ìlùk yogonete.

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

2 PETERÙT 3:2

Wene atì, it ap hageat Ala nen inayoko hesikomo at ane yogoisìkì lagaukwa mene nen isukwaat. Nen, ninoe Etagepogot ninebe telninapùkwe a'nogo nen wene ninasuk wasike mene, nit ninayoko hìlìk hinoba lakhina wagaikomo yogohisasuguat.

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

EPESÙT 2:20

At Karìsùt Yesùt ebe o tik esin hake warek were'ma re, it ap at en inayoko hìlìk laksasike mene amanogo mel, it ap Ala ane yogoisìlì'lùgì mene amanogo inom en, oba louk hogo wùtì lagaukwama re, hit hinebe nit en oba louk hogo Wùrogo hikasugumo welagep o.

KALATIA 1:1

Hit Ala againapùrì o Kalatìa atogotì lagep mene nerùgì nagaiya'lak. An Paùlùt nerùgì nagaiya'lak Ala againapùrì he'na o yoma ninom welago mene inebe obogat ninom en wene yì helal palogo hinoba lakhei wago atì. An nayoko hìlìk lakhani wagaikomo wagagi atì re, ero apùnì nen hùk. Ap aike wene oba warogo hìlìk lakhani wagaike hùgat o. We, at Yesùt Karìsùt ebe wa'lagaikomo opase Ala nen eluguthesike mene a'nogo eperak enat nayoko hìlìk lakhani wagaukwama wagagi atì.

LAKSASIKE 1:13

Ki wagaukwasik, ouma atoma kìlìk he, o hùlùpo welagaukwa ba atomaat lagasukwasik welagaukwa. It atì inebe re, Peterùt ho, Yohanet ho, Yakobùt ho, Atereat ho, Pilipùt Tomat eperak ho, Paretolomeùt Matiùt eperak ho, Alpìùt aput Yakobùt atì ho, Simon, “O yoma ninawìwerek mene nek logogun,” ìlùk ìkì lagaike mene atì ho, Yakobùt aput Yùrat atì ho, inom welagaukwa.

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

YOHANET 17:13

An nebe hat hea wesigin meneat he, yogotak kweangma ya logolìk, an na'la hai hakìgìrek atì hak, it ina'la hai motok hakoagalùk, wene obogat atì yogohetì o.

YOHANET 16:28

An nebe Ala were'ma nen apùnì kweangma mene inoba pi wagagi meneat he, yogotak it kweangma yoma hisalùk nopase oba napotkwe lagagin o,” ìlùk yogoisasikomo,

YOHANET 13:1

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.

YOHANET 6:70

at en he, it mel yogoisasike: “An nen hit hinebe 12 nen yì wenakhinapigi lek nogo? An nenat wenakhinapigi o. Meneat he, hat omakeat aike Ibilit meneat welagen o,” ìlùk yogoisasike.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.

YOHANET 3:34

At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.

YOHANET 1:16

Nen, at oabùt hano motok en ninebe obogat hobugalep hano'ninabì'logo.

LUKAT 24:51

Atì'nogo hai warinapo kolek aremnogoat he, it atem werek kolek, Ala nen, at ebe hapok hogo wolok pogot oba lagasike.

LUKAT 9:51

Atì'nogo yogoisìlìk he, at Yesùt ebe Ala nen pogot oba lìakhousak arat higit asi wagaikomo re, at a'la nen, O Yerusalem pigin, ìlùk ning hogo wenesùgì lakhìlìk he, kwe wanhìke.

MAREKÙT 6:30

It ap Yesùt en inayoko hìlìk laksasike mene amanogo inapotkwe at oba atogosi wagaukwasik he, mel yogosukwa: “Nit en yì'nogo hagato, tì'nogo hagato. Wene yì'nogo yakùlisogo, tì'nogo yakùlisogo,” ìlùk motok pìlìngìrogo yogosukwa.

MATÌÙT 12:28

Meneat he, an nen nopase Areagùn omame ba mokareke inoabùt weak mene atì apùnì ina'la kìlìk were'ma henogo wulaksìkì lagì halok he, Ala nen awe a'ma hisegein a'nogo arat hinoba hakok i waga o.

MATÌÙT 3:16

ima pelakhesikomo re, yegelogo lagai wesigin ha'ma re, pogot healogo Ala Areagùn sùe pel hùke mene ot oba labok i pi waganem eileken hasike.

ABÌKAKAN 2:17

“Wene yogoisìgì atì, Ala Areagùn nen it Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin mene halok, sùpùrùk etage manna abùrarek mene melagatìk, etage ket mene salogo helep mola mene ba helal waganogo wogotìk, igin o. Etage waganek atì re, it aike inokot. We, at etage helal waganek helegein mene atì nek elu asigin mene wogosigin, ìlùk obogat yogoisìgì mene atì, helal waganogo inoba lakheino o,” ìlùk yogonete.