LAKSASIKE 1:16 - Ala Ane Wene Ket Mene Warogo Wo'ninapike Wene

^16-17 “Nerùgì nagaiya'lak. At Yùrat a'nogo re, nit ninom yabu hano hagatì logouagalùk Yesùt en ayoko hìlìk menhesikomo, nit ninom hano welagosik meneat he, holoat wene Ala Areagùn nen at Yùrat hesik isikomo, at Taùt en helal waganogo hesike mene were'ma, at Yùrat en ap en Yesùt ebe hakhouagalùk wogisek waga atì, haga'lasusak obaat haga'laga o,” ìlùk yogoisasike.

LAKSASIKE 1:16 ပူးပေါင်းရင်းမြစ်များ

YOHANET 13:18

“An nen wene atì hit hinebe obogat hesik yogohisìgì hùk. Lek o. Hit yì an nenat hinebe wenakhinapigi mene nelu meneat he, wene atì hesik Ala ane ba mel ìlùk helal waganogo hesukwa: Ap aike sùpùrùk neperak omakima nìkì lago mene yì nen weaga'nabigìlùk melaga o, ìlùk isukwama helal waganek werek atì sùge asigin lek. Ebeat asigin o.

LAKSASIKE 1:20

Atì'nogoat, at Peterùt en mel yogoisasike: “Wùnì helal waganek Masimùt a'nogo ba mel isukwa: O at were'ma awì somong asuak. Apùnì aike at aua atoma inebe legat logouak o, ìlùk helal wanhukwa. Nen, aike mel isukwaat: At ebe etagewerek welagarek mene atì ap aike logouak, ìlùk isukwa.

MATÌÙT 26:56

it ap Ala ane yogoisìkì lagaukwa mene nen helal wanhukwa a'nogo eperak higit asuagalùk haga'napep o,” ìlùk, yogoisasikomo re, it ap at ane wanhì lagaukwa mene amanogo, at ebe hebùlùk hese motok pùgùlhukwa.

MATÌÙT 26:54

Telnabi wesusak elok meneat he, telnabilepma re, Ala nen, Atì'nogo haga'lasigin, ìlùk isikomo helal waganek werek a'nogo re, nìkì'nogo eperak higit a'lep akegen. Lek o. Higit asuagalùk atì'nogo yogotì'lek kamo ìgì atì,” ìlùk, yogosikesik he,

MATÌÙT 26:47

Yesùt en, “Horogat waga arì,” ìlùk iko kolek aremnogoat he, at Yùrat, ebe Yesùt agoromì inebe 12 amanogo mene yoko lagaikomo, it ap Ala esewerek mene inogogì kaintek amanogo mel, inalùgetek amanogo mel en, it ap inebe esa logolek inayoko hìlìk laksa wagaukwama, karok mel, payùk mel, wolok inebe motok holhùlùk inom wagaukwa.

1 PETERÙT 1:11

Atì'nogo yogoisìkì lagaukwa atì, at Karìsùt Areagùn ina'la logolìk yogoisìkì logolìk he, mel isike: “Karìsùt aik hìlìk hìlìk wa'lasigin. Wa'larìk en, hobuk eluk aganem hogoratì logogun,” ìlùk yogoisasikomo it en ìkì logolìgat he, “Nìkì'nogo haga'lasigin. Mera nen haga'lasigin,” ìlùk hinok tùkùm hogo wanhì lagaukwa.

MAREKÙT 14:43

“Horok arì waga arì,” ìlùk iko kolek aremnogoat he, it ap Ala esewerek mene inogogì kaintek amanogo mel, Ala ane helal waganek esewerek mene amanogo mel, inalùgetek amanogo mel, inom enat, ap esa aike logolek laksa wagaukwama, karok mel, payùk mel, wolok Yesùt agoromì inebe 12 amanogo mene aike at Yùrat a'nogo nen opolik wogisek wagaike.

2 PETERÙT 2:21

It atì ebe wene higit hogo musok lagaikarek atì inelu agì'lek logoilepma re, hano negen logoilep. Meneat he, inelu arìk en, wene Ala nen ninasuk wasike wene atì heraksalùk he, kwanìrogo lagaikarek atì nen, motok weak asugun o.

LAKSASIKE 23:6

Hobuk at Paùlùt en, it ap wene ero pìlìngìtì lagaukwa mono amanogo inebe o'moko re, Saluki mene inane wanhi lagaukwa mene, nen, o'moko re, Parisi mene inane wanhì lagaukwa mene, were'ma eileken enagat hùrisìlìk he, ane hùkorogoat mel yogoisasike: “Ap sanì. Nogogì nagoromì. An nebe Parisi mene. Ap Parisi mene nenat tagomakwe mene welagì. Logolìk, apùnì wa'lagaikarek mene hobuk Ala nen eberogoat inelugurinabigin ìlùk hùthìkì lagì atì nen ùkùm noba hagama yì,” ìlùk yogoisasike.

LAKSASIKE 23:1

Atì'nogo menhesikomo, at Paùlùt it ap Yahuri Ala hesik wene ero pìlìngìtì lagaukwa mene inebe atogosukwa amanogo, eileken lùrogo inoba isìkì logolìk he, “Nogogì nagoromì. An Ala eilhanem, hageat en hùlì yogotak hùlì hagatì lagì atì re, Weak hagatì lagì, ìlùk na'la wenesùgì ebetì lagì lek. We, wene na'la selek, hano hagatì lagì, ìlùk akìkì lagì,” ìlùk yogoisasikesik he, aike igin ha'ma re,

LAKSASIKE 22:1

“Nogogì nagoromì. Wene yì an noba le'ma o, ìlùk nokawerek nebe elelerogo yogohisegein yì re, hinasuk hanorogo holino,” ìlùk ikenem,

LAKSASIKE 15:7

Atì'nogo atogosukwasik, wene it aike nen ìgìk, it aike nen ìgìk, hùkoat ìkì lagaukwasik, at Peterùt melarìk he, mel yogoisasike: “Ap sanì. Nagaiya'lak. It apùnì etakwe mene nen wene hano wene inasuk holhìk, ina'la nen eberogoat ìlùk hùthìgìk, uagalùk, an hageat hit ninom were'ma, it atì yogoisa loagalùk Ala nen wena'nabìk nayoko hesike atì, hinelu o.

LAKSASIKE 13:38

“Nerùgì nagaiya'lak. Wene yì hinelurogo logoino o. At Yesùt Ala nen atì'nogo eluguthesike atì ba, hit weak hagatì lagep mene atì, at en sagalogo legetsoagalùk yogohisìkì lago atì.

LAKSASIKE 13:15

Hù'lagaukwasik were'ma re, it apùnì atoma mene nen, wene Ala nen ninasuk wasike wene a'nogo etage salhìk, wene it ap Ala ane yogoisìkì lagaukwa mene nen helal wanhukwa mene etage salhìk, isukwasik he, inogogì kaintek en Paùlùt lak yogoisìkì logolìk: “Nagaiya'lak. Apùnì yoma inetatùken wurik asuak en he, hit en wene aike werek halok he, yogonisoageip ìlùk hinayoko hogo o,” ìlùk isukwama,

LAKSASIKE 7:2

Yogosikomo, at Sitepanùt en he, mel yogoisasike: “Nogogì, nagoromì, nopaselak hinalaok. Wene igin yì, hinasuk hanorogo holini. Ninapu Aberaham a'nogo o Haran tek hogo wagì'lek, o Mesopotamia were'ma, Ala, hogoratotek mene a'nogo elokoma melagaike.

LAKSASIKE 2:37

Atì'nogo yogoisasikomo, inasuk holhukwasik, wene atì ba inetaùken abolok isikomo re, it en Peterùt mel, it aike Yesùt en weteberogo inayoko hìlìk laksasike mene aike mel, yogoisìkì logolìk he, “Nagaiya'lak. Nit ninoabùt nìkì'nogo hagasu,” ìlùk yogoisasukwa.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

YOHANET 19:36

Wene atì'nogo haga'lagaike atì re, Ala ane ba helal mel ìlùk waganogo hesukwama werek: “At oak hukalhogoin motok lek o,” ìlùk isukwa.

YOHANET 10:35

Wene Ala ane helal waganek welagarek atì obogat he, aike sage agarek lek akìgì. Atì nen he, it at ane yogoisasike mene hesik, Hinebe alaat, ìlùk isikomo helal waganek werek kolegat,

LUKAT 22:47

At Yesùt en atì'nogo iko kolek aremnogoat, at agoromì inebe 12 amanogo mene aike etage Yùrat a'nogo, yoko lagaikesik en ap logolegat wogisek wagaikesik he, at tak Yesùt hai ape saluk wasigìlùk, oba wagaike.

MAREKÙT 12:36

At Taùt Ala Areagun a'la logolìk, okawerek en mel isike: Ala Etagepogot en an noe Etagepogot yogotì logolìk he, Apùnì hat haselei mene amanogo hesok en al lebelogo hisanok en, an nen oan hoba hisa wagì'lek werek kolek, hat an nera'lu neki ebekwe hebe kain logoinok, ìlùk Ala nen Karìsùt yogosike, ìlùk Taùt en isike.

LAKSASIKE 28:25

Atì'nogo hagasukwasik, it-it inane hùnogo tomok sagalìk sagalìk pùgùluogolùk ikenem he, at Paùlùt en wene omakeat aike yì yogoisasike: “Wene Ala Areagùn nen ninopalak Yesaya nen yogoisoagalùk yogosikomo, yogoisìkì lagaike atì, higirat yogoisasikomo higi:

LAKSASIKE 28:17

Atì'nogo isukwama, nineki hìnagan welagagusik en he, at Paùlùt en, it apùnì Yahuri mene inogogì kaintek atogosi wesuagalùk inayoko hesike. Inayoko hesikomo, inebe arat atogosi wagaukwama, at en he, mel yogoisasike: “Nagaiya'lak. An nen, apùnì nit mene weak aike hagarinapì'lek. Nen, nit en ninopalak hagatì lagaukwa atì hak hagatorek atì mene heraksìlìk weak hagatì'legat. Atì'nogo meneat he, o Yerusalem atoma nen nebe hakhanhukwasik, neki hele warogo, apùnì Ùrùm mene ineki ba hanhukwa.

LAKSASIKE 15:13

Wene arat yogoisasukwama re, at Yakobùt en mel yogoisasike: “Ap sanì. Nagaiya'lak. An wene igin yì hinasuk holini.

MATÌÙT 26:14

At Yesùt en wene atì'nogo yogoisasikomo re, at agoromì ane wanhì lagaukwa mene inebe 12 amanogo mene, aike etage Yùrat Isikarìot a'nogo, it ap Ala esewerek mene inogogì kaintek amanogo inoba lagaikesik he,

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.