LAKSASIKE 1:14 - Ala Ane Wene Ket Mene Warogo Wo'ninapike Wene

¹⁴ It inebe atem mel, Yesùt agosa Maria mel, hìmì aike mel, Yesùt agoromì opolik mene inomat, inebe obogat inetaùken omakeat logolìk he, sapan iko motok welagaukwa.

LAKSASIKE 1:14 ပူးပေါင်းရင်းမြစ်များ

EPESÙT 6:18

Atì'nogo obogat hagatì logolìk he, Ala nen lebethikoagalùk sapan ìkì logoino. At Areagùn hina'la logolìk hina'la kagaligin hagat, ninhùp-nanhùp sapan Ala ayoko hìgìk, kìno yogotìk, iko motogat logoino. Atì'nogo ìkì logolìk he, hina'la pùk agì'lek, hinoabùt hebelek motok logoino. Atì'nogo logolìk he, Ala againapùrì obogat hesik sapan Ala ayoko hìkì logoinoat o.

LAKSASIKE 6:4

Menhisamo, it atì'nogo hagato kolek, nit en he, sapan ìgìk, wene ebe wene atìat yogoisìgìk, iko logogun,” ìlùk yogoisasukwa.

KOLOSE 4:2

Sapan he, Ala hai watì logolìgat, hinaberalì agì'lek hutik-hutigat ìkì logolìk, hinepe hebelogo logoino.

LAKSASIKE 2:42

Inom lapuk hogo hanoat logolìk he, it ap Yesùt en weteberogo inayoko hìlìk laksasike mene amanogo nen wene yakùlisikenem hutik-hutigat inasuk holhik, sùpùrùk inom kùrogo nìkìk, sapan inom ìgìk, ìkì lagaukwa.

ÙRÙM 12:12

Hit en he, “Hobuk at Ala nen hano hagasigin werek o,” ìlùk, hina'la hai hakìlìk, yì aik tì aik hìkì logolìk he, hinepe morogo sapan kamo igì'lek iko motok logoino o.

LUKAT 18:1

Atì'nogo yogoisasikesik he, at Yesùt en agoromì ane wanhì lagaukwa mene amanogo sapan ìkì logopik ina'la pùk arìk herakhìgì'lek, hutik-hutigat ìkì logouagalùk, wene aike oba lìrogo mel yogoisasike:

MATÌÙT 21:22

Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

LAKSASIKE 2:1

Apùnì Yahuri mene Pesta Paskah nìkì lagaukwasik ineki 50 hari welagaukwasik, hari Pentakosta logolìk, it apùnì inetaùken Yesùt oba hìpìrìk welagaukwa mene inebe obogat omakìma atogorek were'ma,

LUKAT 11:13

Hit hinoabùt weak hagatesep meneat he, inagainapùrì atì hano mene wogisagarek hinelumo re, hano mene wogisegesep atì. Ati hake, hinopase Ala pogot oba mene yogotì logolìk, Hareagan atì wo'nisan o, ìlùk, kìno yogotep halok he, wokhisegein lek nogo? Wokhisegeinat o,” ìlùk yogoisasike.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

LUKAT 24:53

Wagaukwasik, o Ala awì wùrì'mo nek logolìk he, Ala hogorato motok welagaukwa.

MATÌÙT 12:46

At Yesùt apùnì apik inom logolìk wene yogoisiko were'ma re, at agosa mel, agoromì mel, wene yogosuogolùk oba wagaukwasik he, olilu welagaukwa.

LUKAT 24:10

It hìmì amanogo inebe re, Maria awì Maktala mene a'nogo mel, Yohana mel, Maria Yakobùt agosa mel, hìmì he'nakìt amanogo inomat inebe obogat en pìlìngìrogo Yesùt agoromì laksagalùk inayoko hesike mene amanogo yogoisa lagaukwa.

LUKAT 23:55

Nen, it hìmì o Kalilea nen Yesùt opolik pisukwa mene amanogo Yùsùp opolik wagaukwasik he, “Yesùt ebe warek omoulama atì atì'nogo hike,” ìlùk ineileken tùkùm hogo hasukwa.

LUKAT 23:49

Nen, Yesùt ebe inelu mene obogat, it hìmì o Kalilea nen Yesùt opolik pisukwa mene mel, it aike mel, inebe walegat metek logolìk he, atì'nogo haga'laganem ineileken hìrogo welagaukwaat.

MAREKÙT 16:1

Atì'nogo hasukwasik, ineki sabìt oba Ala hesik welegat welagaukwasik en he, it he Maria aua Maktala mene a'nogo ho, he Maria Yakobùt agosa a'nogo ho, he Salome ho, amusu obasi hano mene Yesùt warek oba wasi lùogolùk oko pali lagaukwa.

MAREKÙT 15:40

Ati'nogo hagato kolek, it hìmì aike re, he Maria aua Maktala mene, aike re, he Maria at ap Yakobùt elege mene ho, Yoset ho, inagosa, aike re, he Salome, hìmì aike inomat inebe walegat en ineileken yerisek welagaukwa.

MATÌÙT 27:55

Atì'nogo hagato kolek, it hìmì Yesùt lebethìkì lagaukwa mene o Kalilea nen pisukwasik Yesùt ebe e ba menhesukwama ineileken walegat en lagasogo welagaukwa.

LUKAT 24:33

Atì'nogo isukwasik he, welagì'legat, it a'nogo eperagat siak hogo mela'lùk inapotkwe o Yerusalem lagaukwa. Lagaukwa re, at Yesùt agoromì inebe 11 amanogo mel, inerùgì inagaiya'lak he'nakìt mel, inom atogothìlìk mel ikenem isa lagaukwa:

LUKAT 8:20

Atì'nogo haga'lagaikomo re, it apùnì aike nen mel yogosukwa: “Yesùt! Hat hagosa mel, hagoromì mel, herakhabìk wagaikasik olilu werek o,” ìlùk yogosukwama,

1 KORÌTÙT 14:13

It aike inane an nokot mene ba elalinat sapan ìkì logolìk he, netaùken oba nen ìkì lagì meneat he, ebe hùthìkì lagì motok lek atì nen he, at aike nen it aike inane okot mene ba elalinat ikerek mene atì nen ìkì logolìk he, “Ala Nopase. Inane inokot mene atì an nokawerek nane ba higit hogo yogoisìkì logoik en he, hat Hareagùn nen inoabùt wogisikerek a'nogo mene aike wo'nesuak o,” ìlùk sapan ìkì logouak o.