LAKSASIKE 1:11 - Ala Ane Wene Ket Mene Warogo Wo'ninapike Wene

¹¹ Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

LAKSASIKE 1:11 ပူးပေါင်းရင်းမြစ်များ

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

1 TESALONIKA 4:16

Ninoe Etagepogot pogot oba nen pi waganem he, it malaikat mene inoe kain mene ane hùkorogo ìgìk, Ala apìkon ane huthikenem ane pak ìgìk, ikenem, apùnì Karìsùt inom hutik logolìk wa'larì'lùgì mene tak inelugurinabigin.

MAREKÙT 13:26

Ati sat he, an abat ta'lasi wagagi a'nogo nomamerogoat ohena a'la pi waganem he, apùnì ineileken nììlìk, apik hogo'nabugun o.

YOHANET 14:3

An o atom arat lìlìk he, hit hinaua arat tegelogo hùlùk, an logoginmo atoma ninom logouok en ìlùk, napotkweat wokhinabi wesigin o.

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

MATÌÙT 24:30

Atì'nogo hagato kolek, an abat ta'lasi wagagi a'nogo arat wesigin ìlùk, apùnì inetaùken wekelogo hùthùgùkwe pogot oba aike haga'larìk oba nen, apùnì inùkùl etage lopok le aga kolek nomamerogoat ohena a'la pi waganem, ineileken nììlìk apik hogo'nabugun o.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

LUKAT 21:27

Atì sat he, an abat ta'lasi wagagi a'nogo nomamerogo ohena a'la pi waganem, ineileken nììlìk apik hogo'nabugun o.

LAKSASIKE 13:31

Eluguthesikomo re, it Yesùt inom a Kalilea tokwe nen o Yerusalem pisukwa mene amanogo ineileken hoagalùk inelokoma eki apik oba melaga lagaike. Atì'nogo inelokoma melaga lagaikomo, ineileken hasukwasik, it en he, Ebe eberogoat nineileken tì'nogo hogo, ìlùk yogotak apùnì Isirael mane yogoisìlì'lùgì atì.

LUKAT 24:5

Wagaukwama re, it hìmì amanogo inayùk en inot somarek were'ma re, it ap pìre aremnogo nen hìmi amanogo mel yogoisasukwa: “Hit he, at eluk welagarek mene a'nogo apùnì warek mene welagaikare'ma nahalok heratì lagep.

LAKSASIKE 3:12

Atogosukwama re, at Peterùt eileken isìlìk he, mel yogoisasike: “Hit apùnì Isirael mene yì sanì. Ap yì kwe niko yì, nit ninokawerek ninomame ba hagatìk, ninoabùt hano Ala ane hologo hagatì lago ba, hagatìk, ogo salek, hit hogoratìk, hineileken lùrogo nisìgìk, ìkì lagep ama nahalok.

LAKSASIKE 2:7

Ina'maken lagaikesik hogoratì logolìk he, “It wene yogonisìlì'lùgì mene yoma inebe obogat he, inaua o Kalilea mene lek nogo? Kalilea meneat o.

MAREKÙT 14:70

Atì'nogo yogoisasikomo re, at en hobuk labelhikeat. Labelhikesik hamùlùgat aike were'ma nen he, it apùnì atoma welagaukwa mene amango nen he, mel yogosukwa: “Hat hebe o Kalilea mene heogo yì re, hebe eberogoat it meneat o,” ìlùk yogosukwama,

MATÌÙT 16:28

Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

LAKSASIKE 1:2

at opase nen ebe pogot oba lìakesike atì hùlì, helal waganogo lakhei wagagi atì. At ebe pogot oba oan lìakhìgì'lek werek kolek, at agoromì inebe weteberogo inayoko hìlìk laksagalùk isike mene amanogo Ala Areagùn omame ba inasuk wasike.

LAKSASIKE 1:9

Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

LAKSASIKE 3:21

Yogotak ya re, Yesùt ebe pogot oba logousak obaat logogin o. Logopik en, hùlì Ala nen yì mene tì mene obogat agauak hagasigin atì hùlìat pi wesigin o, ìlùk hageat it ap inebe Ala hesik logolìk at ane yogoisìkì lagaukwa mene amanogo nen isukwa hagat haga'lasigin o.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.