LAKSASIKE 1:1 - Ala Ane Wene Ket Mene Warogo Wo'ninapike Wene

¹ Teopilùt noe. An nen emakum wene helal waganogo hoba lakhei wagagi atì, at Yesùt en yì mene tì mene hagatìk, yì wene tì wene yakùlisìgìk, ìkì lagaike wene ero ba hùlì nen,

LAKSASIKE 1:1 ပူးပေါင်းရင်းမြစ်များ

LUKAT 1:3

Atì'nogo walhìlìk wagaukwa meneat he, an hogo re, wene atì ero ba nen tùkùm hogo yakùlhì lagagisik nogo nen he, hat he, wene yakùlhesukwa mene atì eberogoat ìlùk akanok en he, wene ebe pìlìngìrogo helal waganogo hoba lakhei wesigìlùk akìkì lagìrìk wanhì lagì yì o. Noe.

LUKAT 24:19

at Yesùt en he: “Wene atì nìkì'nogo haga'laga mene egen,” ìlùk yogosikomo, it aremnogo nen he, mel yogosukwa: “Ap etage Yesùt, awì o Nasaret mene atì, ebe Ala ane yogoisikerek meneat logolìk he, Ala eilhanem, nit apùnì obogat nineilhanem, wene yogoisìgìk, yì mene tì mene hagatìk, omamerogo ìkì laga meneat he,

LUKAT 3:23

At Yesùt ebe umur 30 tahun agaikesik en, yì mene tì mene hagarìk nìkì logoigìlùk eki hùkasike. Nen, at ebe re, it apùnì nen Yùsùp aput ìlùk akasukwa. Nen, Yùsùp atì re, Eli aput.

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

LAKSASIKE 2:22

Mene re, hit Isirael mene nerùgì nagaiya'lak. An nane igin yì holini. Yesùt aua Nasaret mene a'nogo Ala nen ayoko hesikomo, ninom logolìk, wane hùthoagalùk hagasusak lek mane Ala nen eki omamerogo elalinat hagatì lagaike atì re, ebe Yesùt enat hagatì lagaike. Halok he, Yesùt Ala nen lakhei wagaikomo, ìlùk enagat agaike atì hinelu.

LUKAT 1:24

Aua lagaikesik ineki hamùlùgat welagaukwasik en, agwe Elisabet a'nogo omalik a'ma agaike. A'ma agaikomo re, “Nopase Etagepogot atì, an etawì nen apùnì ninom nekalì negen hìkì lagì a'nogo lek asuagalùk haga'nape hìgì o,” ìlùk, kwe wùlìpì'lek ouma hinago motok werek kolek, tugi 5 nen holelhike.

LUKAT 14:22

Atì'nogo yogosikomo re, at ap a'nogo lìlìk wagaikesik he, oe a'nogo mel yogosike: Noe. Yogoneten a'nogo wogisek wagì meneat he, o heta motok selek werek o, ìlùk yogosike.