KOLOSE 4:7 - Ala Ane Wene Ket Mene Warogo Wo'ninapike Wene

⁷ At Tìkìkùt ninagot ninetawì mene, nit ninomat ninoe Etagepogot atitigeke logolìk, at hesik oabùt hùpùn hogo hagaterek mene nen wene an nabok hobuk yogohisa wesigin a'naga o.

KOLOSE 4:7 ပူးပေါင်းရင်းမြစ်များ

2 TIMOTÌÙT 4:12

Nen, at Tìkìtùt a'nogo, o Epesùt loagalùk lakhìgìma o.

LAKSASIKE 20:4

Lagalùk ikenem, ap Sopatet, Pirùt aput, awì o Perea mene ho, Arisitarekùt, Sekùtùt eperak inawì o Tesalonika mene ho, Kayùt awì Terebe mene ho, Timotìùt ho, Tìkìtùt Toropìmùt eperak inawì o propinsi Asia mene ho, inom lagaukwa.

TITUT 3:12

An o weak werek kolek, o Nikopolit atoma wìrìk logogin ìlùk, na'la akìgì atì nen, at Aretemat he a, Tìkìkùt he a, hoba lakhei wagì halok, hat hebe hepogat noba wesigìlùk homamerogo walhìkì logoino.

KOLOSE 4:9

At eperak wesuagalùk, ninagot Onesìmùt, ebe ap hit mene oabùt hùpùnsek ninetawì mene a'nogo, eperagat laksa wesigin atì. It wìrìk he, wene nit yoma hagatì lago mene obogat yogohisa wesugun o.

KOLOSE 4:12

At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.

PILIPI 2:25

At ninagaiyak Epaporolìtùt an Ala hesik naligat en hagasusak mea were'ma, lebe'neoagalùk noba lakhei wagagipmo re, weim yapì logolìk ning hogo yaparek hak, neperak Ala hesik ning hogo hagatì lagosik he, hobuk apotkwe hinoba lakhei wesigin akìkì lagìat o.

KOLOSE 1:7

Hano wene atì, at Epaperat ninagaiyak ninetawì mene nen yakùlhisikenem yakùlhigip atì. At ebe re, Ala atitigeke nit ninom higirat logolìk, Karìsùt en ayoko hìlìk, lakhei wagaikomo, nit en yogohisa hak ninobùlù'mo oabùt hùpùn hogo yogohisìlì'logo atì.