KOLOSE 4:3 - Ala Ane Wene Ket Mene Warogo Wo'ninapike Wene

³ Sapan ìkì logolìk, nit hesik he, mel ìkì logoino: “Ala ninopase. Wene Karìsùt en hagasike wene, alep ha'la hinago welagaike mene a'nogo, it Paùlùt lak en yogoisìlìk nìkì logouagalùk, kwe hùrisano,” ìlùk, sapan nit hesik ìkì logoino. Wene atì hesigat neki hele warogo hanhama yoma welagì.

KOLOSE 4:3 ပူးပေါင်းရင်းမြစ်များ

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

KOLOSE 1:26

Wene atì, o holoat ero ba nen yì tahun tì tahun haga'laga logolìk, apùnì ta'larìk waga kolek, Ala nen apùnì yogoisìgì'lek ineilmasirogo at a'la hinago welagaike. Meneat he, yogotak nit at againapùrì mene halok, sele'ma hukalogo yogonisasike atì.

2 KORÌTÙT 2:12

An o Teroat atoma wagagi hak he, hano wene Karìsùt hagasike a'nogo wene, apùnì atoma mene hanoasuak yogoisoagalùk ninoe Etagepogot en yogonesikomo yogoisiko welagagi.

2 TIMOTÌÙT 2:9

An hano wene atì'nogo yogoisìlìk nikenem, it apùnì aike nen, it aike weak hagarì'lùgì mene hagarinabu hak, an yì aik tì aik haga'napìk, neki hele watìk, ìlì'lùgì meneat he, Ala ane atì hele homasusak mea o. We, hele hikalegat werek.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

1 KORÌTÙT 4:1

Hit en nit hesik he, “It inebe Karìsùt atitigeke mene, wene Ala a'la akikerek wene apùnì kweangma mene inokot mene yogoisìlìk negarek mene,” ìlùk hùthinìkì logoni o.

1 TESALONIKA 5:25

Nerùgì nagaiya'lak. Nit hesik sapan ìkì logoino o.

MATÌÙT 13:11

at Yesùt en he, “Ala nen awe a'ma hisikerek wene atì, at a'la hinago welagaike mene, hit enek he, hinelu asuageip ìlùk, pak hogo yogohisasak akasike meneat he, it apùnì aike atì nek he, pak hogo yogoisasak lek akasike.

PILEMON 1:22

Hit obogat en an hesik sapan Ala ayoko hìkì lagep atì nen, at en hobuk neki hele hikalogo wulakhanìk, hinoba wo'narek wesigin akìkì lagì. Halok he, an hobuk hinoba wìrìk nogo usak hesik, hat haua atoma o hùlù aike tegelogo hanìlìk logoino.

2 TIMOTÌÙT 1:16

Atì'nogo meneat he, at Onesiporùt againapùrì inom enek he, ninhùp-nanhùp, na'la hanorogo netaùken sebeli wìrì'lùgì atì, ninoe Etagepogot en etawìrogo hagisek logouak o. An neki hele warek were'ma noba wesu ekalì legat,

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

EPESÙT 3:3

Wene at Ala a'la hinago welagaike mene atì, an pak hogo yakùlnesike, ìlùk, helal kasuk hogo waganogo yakùlhisìgì atì.

EPESÙT 3:4

Hit en wene atì etage salhì logolìk he, “Wene Karìsùt hesik hinago welagaike mene atì, at Paùlùt elu agasik werek o,” ìlùk, enagat hùthogoin atì.

EPESÙT 3:9

At Ala yì mene tì mene obogat elalhike mene a'nogo nen akìkì logolìk, Ebe tì'nogo haga'lasigin, ìlùk, wene a'la hinago welagaike mene, apùnì obogat weinam hogo yogoisìlìk nìkì logouagalùk nayoko hesike atì. Nen, it ap malaikat pogot obakwe yoko negarek mene amanogo inogogì kaintek mel, inane hologo welagaikarek mene mel, nit Ala againapùrì nen he, “At Ala yì hesik tì hesik a'la motok kagauksek,” ìlùk he, yogoisikenem yogotak ya inelu asuagalùk, hageat en wene atì Ala a'la hinago motok welagaike.

KOLOSE 4:18

Yì nek he, an Paùlùt nokawerek neki nen helal waganogo hai wathinapì. Hit en he, “Paùlùt eki hele warek werek,” ìlùk noba eberek logoino o. Ala oabùt hano a'nogo nen hakhisek logouak o.