KOLOSE 4:17 - Ala Ane Wene Ket Mene Warogo Wo'ninapike Wene17 At Arìkìpùt a'nogo wene mel ìlùk yogo'no: “Ninoe Etagepogot en hayoko hìkì logolìk he, Yabu an hesik tì'nogo haga'no, ìlùk yogohesike mene atì, elùgùn warogo haga'no,” ìlùk yogo'no. အခန်းကိုကြည့်ပါ။ |
KOLOSE 4:17
19 ပူးပေါင်းရင်းမြစ်များ
Atì'nogo yogoisìlìk wùlìbi waga logolìk he, o ya ta, Ala againapùrì atogotì lagaukwa lopok, inogogì hagisek logouagalùk menhisìlìk he, ineki aike sapan uogolùk sùpùrùk nìkìlek welegat logolìk sapan mel ìkì lagaukwa: “Yesùt ninoe. Hagainapùrì inetaùken hoba hìpìrìk werek mene yì, hagisek logoinok en ìlùk hat heki ba hogo o,” ìlùk sapan ìlìk wùlìbi wagaukwa.
Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.
Nen, sùpùrogo pelagisa wagaike atì ebe re, nit Ala againapùrì ninebe obogat Karìsùt ebe hake were'ma, o wùtarek hak wùrogo hiaikenem, ninebe obogat Ala hesik hagatì logouagalùk he, ninebe lopok ninayoko hìlìk menhinìlìk lagaike atì. It aike Ala ane wolok loagalùk inayoko hìgìk, it aike Ala ane yogoisìkì logouagalùk inayoko hìgìk, it aike hano wene apùnì etakwe mene hesik yogoisìlìk loagalùk inayoko hìgìk, it aike Ala againapùrì serisek logolìk wene yakùlisìkì logouagalùk inayoko hìgìk, ninebe lopok atì'nogo ninayoko hesike atì.
Hat hesik hageat it ap Ala againapùrì serisek welagaikarek mene nen ineki hùkùloak sebelho kolek, it ap Ala ane yogoisagarek mene nen mel isukwa atì: “Hat hobuk tì'nogo hagatì logoino,” ìlùk, yogohesukwa higit hogo, Ala oabùt hano nen ninoabùt lopok wo'nisikerek a'nogo hat wokhesike mene atì ba hagatì'lek hobaken nen hìgìk heraksagun o.
Atì'nogo hagatì logolìk, hokawerek hesik inom, it apùnì aike yakùlisìkì lagen mene hesik inom, hoabùt hebelogo logoino. Hebelogo logolìk, ha'la pùk agì'lek, atì meneat hagato motok logoino. Atì'nogo hagatì logogin halok he, hokawerek en hebe telìgìk, apùnì aike hane holì'lùgì mene inebe telinapìk, igin o.
Wene hano wene ninetaùken Ala oba hìpìrethogorek mene a'nogo yakùlhetì lagagumo, hat en wanhìgitik higit hogo hagatì lagenl atì ba hebe kùlaga logolìk he, wene Yogotak yogohetì atì ninerùgì ninagaiya'lak Ala againapùrì mene aike yakùlisìkì logoino. Atì'nogo yakùlisìkì logogin halok he, hat Karìsùt Yesùt atitigeke logolìk, at hesik hanorogo hagatì logogin atì.
Timotìùt naput e. Ala nen hayoko hìkì logolìk, “Yi mene hagatì logoino,” ìlùk, hoba hesike mene atìat hanorogo hesogo logolìk, homamerogo hagatì logoino. It aike nen Ala ane usak mene atì ìgì'lek logolìk, we tùlemat, lek asigin mene hesigat wene serep aga logolìk, “Wene ninelu,” ìlùk, ìlì'lùgì atì inokot logolìk ìlì'lùgì o. It atì nen he, “Wene ebe mene arat hùthogo,” ìlùk ìkì logolìk, Ala ane eberogoat mene heraksalùk nong asi wùlùpa atì nen, wene atì mene wanhì'lek heraksìlìk logoino o. Ala oabùt hano a'nogo nenat hakharek logouak o.
ကြော်ငြာတွေ