KOLOSE 4:12 - Ala Ane Wene Ket Mene Warogo Wo'ninapike Wene

¹² At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.

KOLOSE 4:12 ပူးပေါင်းရင်းမြစ်များ

MATÌÙT 5:48

Halok he, ninopase Ala pogot oba mene oabùt hano motok katoksek logolìk etawìrinaperek hùk, hit atì'nogoat hinetawìrinapì logoino o,” ìlùk yogoisasike.

LUKAT 1:1

Teopìlùt noe e. Wene nit ninekele'ma nen haga'lagaike a'nogo, it wene ebe ero ba nen haga'larik waganem ineileken hasukwasik yakùlisìlìk nìkì lagaukwa mene nen yogonisasukwa higit hogo, it apùnì aike inebe motok apik enat wene ebe helal wanuogolùk walhìlìk wagaukwa.

LUKAT 22:44

Etaùken ago wasike mene re, a'la motok weak logolìk hobuk sapan ekin hogo ikenem, likak mep hake mene tegethìgìk kweangma titung-tatung pisike.]

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

ÙRÙM 15:14

Nerùgì nagaiya'lak. Hit hinoabùt hano motok logolìk, yì wene tì wene hinelu motogatma, hit-hit hinasuk wat-wat usak elok welagep atì, an nelu o.

ÙRÙM 15:30

Nerùgì nagaiya'lak. Ninoe Etagepogot Yesùt Karìsùt atìat ìlùk, nit-nit netawì-hetawì logouagalùk Ala Areagùn nen haga'ninaperek a'nogo ba, an hesik he, ninom sapan Ala ayoko ning hogo hìkì logouogolùk yogohisìgì o.

1 KORÌTÙT 14:20

Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.

1 KORÌTÙT 2:6

It apùnì inetaùken wurik mene halogat, wene wurik mene atì ina'la kagauk hogo yogoisogorek o. Atì'nogo yogoisogorek atì re, it apùnì kweangma mene yoma, inawene mene lek. Inogogì kaintek inebe hobuk lek asugun mene o yogotak werek yoma, inawene kagauksek wene legat o.

2 KORÌTÙT 13:11

Nerùgì, nagaiya'lak. Wene elùgùn warogo mel yogohisak. Hina'la hai hakìgìk, hinetaùken katok hogo wurigethakìgìk ìkì logoino. Wene hinasuk warìk wagì atì, hinasuk hanorogo holino. Hinetaùken omakeat logolìk, hinom lapuk hogo logoino. Atì'nogo hagatì logogun halok, Ala apùnì etawìrinapìk, inom lapuk hogo hano hisìgìk, ikerek mene a'nogo sethisek logogin o.

KALATIA 1:10

An nane ìgì atì re, apùnì nen, “Hat hano egen,” ìlùk yogonesuagalùk ìkì lagi a? At he, Ala nen, “Hat hano egen,” ìlùk, yogonesuagalùk ikì lagì a. Apùnì ina'la hanorogo ìkì lagì halok he, an nebe Karìsùt atitigeke usak legat o. Mene re, an Ala a'la hanorogo ìkì lagì o.

KALATIA 4:19

Mene re, nagainapùrì hinebe netawìlak e. Hìmì nen omalik taginabuogolùk inapot heinet watarek hak, an nen hobuk takhinabumo, hit hinoabùt Karìsùt oabùt hake haga'la'lep e! ìlùk, hit hesik an noba ou heinet weak watì lagì.

KOLOSE 1:22

Atì'nogo meneat he, hit hinebe at Ala okawerek hesik hakìlìk, at eilhanem ùkùm hinoba lek hogo hano tegelek logouagalùk, aput ebe wa'lagaike atì ba, okawerek hinom lapulogo hikasikomo welagep atì.

KOLOSE 1:28

Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

KOLOSE 1:7

Hano wene atì, at Epaperat ninagaiyak ninetawì mene nen yakùlhisikenem yakùlhigip atì. At ebe re, Ala atitigeke nit ninom higirat logolìk, Karìsùt en ayoko hìlìk, lakhei wagaikomo, nit en yogohisa hak ninobùlù'mo oabùt hùpùn hogo yogohisìlì'logo atì.

KOLOSE 1:9

Hinabok atì'nogo ikenem ninasuk holhosik he, nit en hit hesik sapan ìgìk, Ala ayoko hìgìk, kamo ìgì'lek iko motogat welago. Atì'nogo ìkì logolìk Ala Areagùn nen hina'la kagalhenem, hina'la motok kagalogo wene hùthìlìk he, at Ala a'la walok akikerek mene atì hit en, tùkùm hogo hinelùrogo logouageip ìlùk ayoko hìkì lagoat.

KOLOSE 4:9

At eperak wesuagalùk, ninagot Onesìmùt, ebe ap hit mene oabùt hùpùnsek ninetawì mene a'nogo, eperagat laksa wesigin atì. It wìrìk he, wene nit yoma hagatì lago mene obogat yogohisa wesugun o.

1 TESALONIKA 5:23

Atì'nogo were'ma, at Ala ninetaùken hapuguthiaikerek mene a'nogo nen, hinebe abireke okawerek hesik hakìlìk logouak o. Were'ma, ninoe Etagepogot ebe waganem, hinetaùken mel, hinebe mel, hinoabùt mel, ùkùm hinoba housak motok lek tegelek were'ma wesuak en, at enat hakhisek logouak o.

PILEMON 1:23

At Epaperat neperak Karisùt Yesùt hesik hagatì lago atì nen, nineki hele warogo hinagama welago mene a'nogo nen hai wathape o.

IBERANI 5:14

Mene re, it inalùgetek enek he, inetaùken wurik arìk nogo nen he, wene yì weak, yì hano, ìlùk penesusak inelu nogo nen he, sùpùrùk haro mene it inapùrùk o.

IBERANI 5:7

At Yesùt ebe kweangma yoma were'ma apùnì nen wasinogo ìlùk, Ala nen elok telusak atì nen he, le aga logolìk, ane hùkorogo Ala etage palogo ayoko hìkì logolìk, opase ane ayùk hogo hologo welagaike atì nen, ane asuk holhike.

YAKOBÙT 1:1

An Yakobùt ninopase Ala ninoe Etagepogot Yesùt Karìsùt eperak inatitigeke a'nogo nen, wene yì hit hinùkùl etage 12 nen yì awi tì awi pùgùlogo lìlìk welagasep mene obogat hinoba lakhei wagì. Nerùgì nagaiya'lak.

YAKOBÙT 1:4

Hinetaùken akut negen aike welagì'lek obogat elok hogo wurik asuagalùk he, hina'la pùk agì'lek hinetaùken hapuk hogo logoino o.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.