KOLOSE 4:10 - Ala Ane Wene Ket Mene Warogo Wo'ninapike Wene

¹⁰ Arisitarekùt an neperak nineki hele warek welago mene nen hai wathinapìk, Parenapat agaiyak Marekùt a'nogo nen hai wathinapìk, ega o. At Marekùt hesik wene alep yogohisasigi a'nogo hagat, at ebe hinoba waga halok, hanorogo wanino.

KOLOSE 4:10 ပူးပေါင်းရင်းမြစ်များ

PILEMON 1:24

Nen, an nagaiya'lak Karìsùt hesik hagatì lago mene, Marekùt mel, Arisitarekùt mel, Temat mel, Lukat mel, inebe obogat en hai wathapaat o.

LAKSASIKE 19:29

Atì'nogo ìkì logolìk, inane sagalhenem, apùnì o kota Epesùt atoma mene humusegat atogosi waga logolìk he, ap o propinsi Maketonia mene inebe pìre, Paùlùt inom nìkì lagaukwa mene, inetage Kayùt ho, Arisitarekùt ho, inebe haksìlìk heleka hùko wagane'ma wogisek kisukwa.

LAKSASIKE 27:2

Atì'nogo inebe at eki ba hesukwama, i so ebe o Ateramìtìùm en wolok wagaukwasik were'ma, apùnì o propinsi Asia i so kikerek obakwe lopok pelaksìlìk wesuogolùk ikenem, ap Arisitarekùt, aua o propinsi Maketonia kota etage Tesalonika mane ninom, i so atì a'la kisugusik wagagu.

LAKSASIKE 20:4

Lagalùk ikenem, ap Sopatet, Pirùt aput, awì o Perea mene ho, Arisitarekùt, Sekùtùt eperak inawì o Tesalonika mene ho, Kayùt awì Terebe mene ho, Timotìùt ho, Tìkìtùt Toropìmùt eperak inawì o propinsi Asia mene ho, inom lagaukwa.

LAKSASIKE 12:12

Atì'nogo hùthalùk he, he Maria ap etage Yohanet ìgìk, Marekùt ìgìk, egarek mene atì agosa aua atoma apùnì inebe logolegat atogosukwasik he, sapan ikenem lagaike.

1 PETERÙT 5:13

Hinerùgì hinagaiya'lak Ala againapùrì at en wenaginapike mene o Pabilon yoma welagaikarek mene nen hai wathinapìk, naput Marekùt en hai wathinapìk, aga o.

ÙRÙM 16:7

At Ateronikùt, Yuniat eperak, “At en hai wathinape,” ìlùk yogoisanoat o. It he, an ninom ninùkùl omakeat mene nineki hele ninom warek welagagusik Apùnì apigat negen Karìsùt en inayoko hìlìk laksa wagaike meneat he, inetagewerek he, irat o. It tak inetaùken Karìsùt oba hìpìrethesukwasi'mo nen, an hobuk hìpìrethesigi.

ÙRÙM 16:2

hit ninoe Etagepogot hinom hutik logolìk, Ala againapùrì nen wanusak higit hogoat, at ebe wanuageip en ìlùk yogohisìgì o. At agarok yì mene tì mene lek halok he, hit mene aike wogotì logoino o. At en he, apùnì apigat leberisìgìk, an nebe mel lebe'nììgìk, ìkì lagaikesi'mo re, hit en at ebe wanino o.

LAKSASIKE 13:13

At Paùlùt lak o Papot atoma nen he, i so ba o propinsi Papilia kota etage Perega atoma wagaukwa. Wagaukwasik he, at etage Yohanet ìgìk, Marekùt ìgìk egarek mene a'nogo, it atoma heraksalùk he, hobuk apotkwe o Yerusalem lagaike.

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

LAKSASIKE 13:5

Wagaukwasik, o Salamit wìrìk he, apùnì Yahuri mene o sapan ìkì lagaukwa bakwe kìlìk, Ala ane yogoisìlìk nìkì lagaukwa. Yogoisìlìk niko kolek, at etage Yohanet ìgìk, Marekùt ìgìk ìkì lagaukwa mene a'nogo nen leberisìkì lagaike.

LAKSASIKE 12:25

Ati'nogo hùko aga kolek he, it Parenapat Saùlùt eperak en, apùnì Yerusalem mene arat leberisalùk he, inapotkwe wesuogolùk, ap etage Yohanet ìgìk, Marekùt ìgìk ìkì lagaukwa mene atì wolok wagaukwa.

PILEMON 1:23

At Epaperat neperak Karisùt Yesùt hesik hagatì lago atì nen, nineki hele warogo hinagama welago mene a'nogo nen hai wathape o.