KOLOSE 3:4 - Ala Ane Wene Ket Mene Warogo Wo'ninapike Wene

⁴ Ebeto were'ma, at Karìsùt ninebe hobuk nineluk motok logouagalùk haga'ninaperek mene a'nogo weinam hogo waganem he, hit at hinomat weinam arì'mo hogothinabugun atì.

KOLOSE 3:4 ပူးပေါင်းရင်းမြစ်များ

MATÌÙT 13:43

Nen, it Ala a'la akikerek mene higit hogo hagatarek mene atì nek he, inebe o mo lìarogo yaterek hak, inopase Ala awe a'ma logogun o, ìlùk hinasuk holusak halok, hanorogo holini o,” ìlùk yogoisasike.

LUKAT 17:30

Atì hak he, an abat ta'lasi wagagi a'nogo hobuk weinam hogo wesigin atì sat he, atì'nogoat haga'lasigin o.

YOHANET 11:25

at Yesùt en he, mel yogosike: “Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o.

YOHANET 14:3

An o atom arat lìlìk he, hit hinaua arat tegelogo hùlùk, an logoginmo atoma ninom logouok en ìlùk, napotkweat wokhinabi wesigin o.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

LAKSASIKE 3:15

Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.

ÙRÙM 8:18

Nit o yogotak welago ya ba re, yì aik tì aik hìkì lago atì, hamùlùgat negen. Mene re, hobuk, Ala nen ninebe hunigat mene haga'ninapenem hogo'ninabugun atì nek he, hùkoat o. Halok, eperak walhamo re, eperak higit lek, na'la akìkì lagì o.

ÙRÙM 8:19

Pogot kweang yì mene tì mene Ala nen walhasike mene yoma nen he, “Ala againapùrì inebe hùnogoat hagarinapenem sele'ma hogorinabugun atì mera haga'lasigin,” ìlùk, alìk warì'lùgì.

1 KORÌTÙT 1:7

Hinetaùken atì'nogo wurigethìlìk, ninoe Etagepogot Yesùt Karìsùt weinam hogo wesigin ìlùk, serogo logolìk he, Ala nen wo'nisikerek mene atì, aike wanhì'lek welagep hùk. We, obogat wanhigisip welagep o.

1 KORÌTÙT 15:43

Ninebe warek ninomame lek inapsìrì hagarek mene atì, kweang'ma salninabì'mo re, hobuk ninebe ninomame werek hogo'ninabusak mene ninelugu'ninabigin o.

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

PILIPI 3:21

At ebe wìrìk he, ninebe ninekalì negen welago yì re, at omame ba yì mene tì mene obogat, at awe a'ma hisegein atì nen, at ebe hogoratarek hagat, nit ninebe hogo'ninabusak meneat hagarogo hinegein o.

1 TESALONIKA 4:17

Hobuk nit nineluk logogun mene ninomat ohena a'la hapok hogo wo'nisek lagalìk he, ninoe Etagepogot ninom tùlem po atoma apì arìk lagalìk he, at ninom motogat logogun o.

1 TIMOTÌÙT 6:14

Hat en wene at en yogonisasike wene atì obogat higit hogo hagatì logolìk, weak mene hagatì'lek tegelek were'ma, apùnì aike nen ùkùm hoba housak legat logopik, hùlì ninoe Etagepogot Yesùt Karìsùt ebe weinam hogo wesigin atì hùlì haga'lasuagalùk yogohetì atì.

2 TIMOTÌÙT 1:1

Timotìùt netawì mene naput e. Ala nen he, “Hit Karìsùt Yesùt hinom hutik were'ma hineluguthinapìrek,” ìlùk, abok yogonisasike mene atì, an Paùlùt en yogoisìlìk nìkì logouagalùk, a'la akasike ba Karìsùt Yesùt en nayoko hìlìk lakhani wagaikomo, yoma logolìk wene yì helal waganogo hoba lakhei wagì atì o. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetìk, inetawìthapìk, hetaùken hapuguthapik, ìkì logouak o.

2 TIMOTÌÙT 4:8

Apùnì inawe walhikenem, inawe uan asugun mene oko hano mene wogisagarek hak, an nebe arat laganem, ninoe Etagepogot en ùkùm ninoba hìgìk, kotìk, higit hogoat igin atì like, at en he, “Hat higirat hagatì lagenma,” ìlùk, oko hano mene aike wo'nesigin werek o. Mene re, an enek wo'nesigin hùk. It aike ina'la nen he, “Yesùt we'nìk e,” ìlùk, walok en serogo welagaikarek mene hùgì obogat ninom wo'nisegeinat o.

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.

1 PETERÙT 5:4

Atì'nogo hagato were'ma re, ninoe ako esewerek a'nogo wesipik he, “Hano motok hagatì lagepma,” ìlùk oko hogorato motok logogun mene wokhisegein o.

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.

1 YOHANET 3:2

Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.

1 YOHANET 5:12

Apùnì nen Ala aput ebe wanha halok he, nabùlal-habùlalat wanhasik ese agaikasik werek o. Mene re, it aike nen Ala aput ebe wanhì'lek halok he, nabùlal-habùlal wanìk ese agì'legat werek o.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

ABÌKAKAN 22:1

Atì'nogo yakùlnetomo hìgìrìk oba nen opolik he, Ala ho, Topa Eak ho, eperak kain welagaikarek inobùlùk oba nen, i inelugurinaperek mene elokoken muliak hano inapùnak hake mene elesi wùlogo re,

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.