KOLOSE 3:24 - Ala Ane Wene Ket Mene Warogo Wo'ninapike Wene

²⁴ Hinebe re, ninoe Etagepogot Karìsùt at awe a'ma logolìk, at hesigat hagatì lagep atì nen, hina'la nen he, “Nit hagatì lago atì hesik, oko re, at ninoe Etagepogot Karìsùt en esethinegein werek o,” ìlùk, hina'la hùthìlìk logoino.

KOLOSE 3:24 ပူးပေါင်းရင်းမြစ်များ

EPESÙT 6:8

Hinoabùt hano hagatì logogun halok, ninoe Etagepogot en, hit inatitigeke mene, hinalepma welagep mene hinomat, hinebe lopok oko wokhisegein o.

KALATIA 1:10

An nane ìgì atì re, apùnì nen, “Hat hano egen,” ìlùk yogonesuagalùk ìkì lagi a? At he, Ala nen, “Hat hano egen,” ìlùk, yogonesuagalùk ikì lagì a. Apùnì ina'la hanorogo ìkì lagì halok he, an nebe Karìsùt atitigeke usak legat o. Mene re, an Ala a'la hanorogo ìkì lagì o.

1 KORÌTÙT 7:22

At aike apùnì inatitigeke were'ma re, ninoe Etagepogot en ayoko hesikomo eperak hutik logolìk he, at agot alepmaat agasik werek. Nen, at aike re, alepma were'ma ayoko hesikomo, ninoe Etagepogot atitigekeat agasik werek o.

LAKSASIKE 20:32

Wene Ala oabùt hano nen wo'ninaperek atì wene hineki ning hogo hesogo logouageip ìlùk, yogohisìgì. Yogotak he, at Ala omame werek mene nen, wene atì ba hinetaùken wurigethinapìk, yì mene tì mene at againapùrì wogisagalùk hisasike mene wokhisìgìk, elok usak mene eki ba hikìgì o.

IBERANI 11:6

Apùnì inetaùken Ala oba hìpìrethìgì'lek halok he, at a'la hanorogo hagasusak motok mea o. Nen, at oba wesuogolùk halok, it en he, “Ala eberogoat werek,” ìlùk akìgìk, “At ebe inelu asuogolùk hagasugun halok, at en oko ebe mene wogisikeregat,” ìlùk akìgìk, usak atì.

IBERANI 10:35

Halok he, alep weak hagathinapo kolek hina'la pùk welagagip mene atì kopok hogo heraksìgì'lek, yogotak ya atì'nogoat logogun halok, oko hùko mene wokhisegein atì nen he, ning hogo logoino o.

EPESÙT 6:6

It en sethisek werek kolek enek apùnì mene ina'la hanorogo hagatì logogùp. We, hina'la nen he, “Karìsùt atìtigeke logolìk, Ala a'la walok akikerek mene atìat hagatì logouok,” ìlùk, hina'la ebethìlìk en hagatì logoino.

MATÌÙT 5:46

Nen, it apùnì aike nen, hit inetawìthinaparek mene atì nek hit en hinetawìrinapì lagep halok he, Ala nen oko wokhisegein nogo? Lek o. Atì hak he, it ap pemerìntah mene hesik uang kìno ìlìk atogotarek mene nen inoabùt atì'nogoat hagatarek o.

YURAT 1:1

An Yùrat, Yakobùt agot, Yesùt Karìsùt atitigeke a'nogo nen, hit wene yì helal waganogo hinoba lakhei wagì atì. Nerùgì nagaiya'lak. Ala nenat hinayoko hesikesik hinebe etawì logolìk, Yesùt Karìsùt hesik sethisek werek atì.

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

KOLOSE 2:18

Nen, it aike nen he, inoabùt inesogat logolìk hohogomat hogorakìkì logolìgat he, mel egarek atì: “Nit apùnì ninebe kepù. We, kaintek he, malaikat Ala nen yoko pelaksa wagarek mene atìat. Halok he, inawe a'ma logolìk hogorinapì logousak, ìlùk an nabìkakan hìgìrek mene nen yogohisìkì lagì atì,” ìlùk inapeliagat Karìsùt hinom hutik mene wulakhikùogolùk yogohisìlì'lùgì atì, “Eberogoat,” ìlùk hina'la akagùp o.

1 KORÌTÙT 3:8

An awì yatìrek mene atì, at i kesalherek mene atì, neperak higit meneat he, nineki oko re, ninebe lopok yabu hagatì logogun mene higit hogoat wo'nisegein o.

LUKAT 6:35

It atì'nogo hagatarek meneat he, hit en he, hinom weak mene hinetawìrinapìk, hanorogo leberisìgìk, Oko it en aike wo'nesuak, ìlùk akìgì'legat hinoake yùgùn wogisìgìk, ìkì logogun halok he, hinebe Ala Etagepogot againapùrìat were'ma re, oko hùko mene wokhisegein o. Apùnì nen, at ebe hai watì'lek weak hagato kolegat etawìrinaperek atì.

MATÌÙT 6:16

Atì'nogo yogoisasikesik he, aike mel yogoisasike: “Hit sùpùrùk nìkì'lek sapanat iko motok logouogolùk halok he, it apùnì aike inogat oba nek hano salek logolìk inetaùken pìre mene nen, Apùnì aike nen enagat hù'nisoak, ìlùk inelokoken ohuselogo welagaikarek atì hak, logousak lek. It atì oko hela hak he, we, apùnì nen enagat yerisagarek atìat ìlùk, eberogoat yogohisìgì o.

MATÌÙT 6:5

Atì'nogo yogoisasikesik he, aike mel yogoisasike: “Halok he, hit sapan ìkì logolìk, apùnì aike inogat oba nek hano salek logolìk inetaùken pìre mene nen he, Sapan ìkì lagì atì apùnì nen hùthanuak, ìlùk Ala awì wùrì'mo kagaresik he, inebe melarìk sapan ìgìk, kwe atogolma melarìk sapan ìgìk, egarek atì hak he, ìkì logogùp o. It atì oko hela hak he, we hogorinabì'lùgì atìat o, ìlùk eberogoat yogohisìgì o.

ÙRÙM 14:18

Hit Karìsùt atitigeko logolìk, wene atì hesik hano hagatì logoumo, Ala a'la hano agìk, apùnì aike ina'la nen he: “At atì hano,” ìlùk ina'la akìgìk, ugunat o.

ÙRÙM 1:1

Hit Ala againapùrì o Ùrùm welagep mene nerùgì nagaiya'lak. At Ala hinebe etawì mene obogat an Paùlùt Karìsùt Yesùt atitigeke mene a'nogo nen wene helal waganogo hinoba lakhei wagì atì o. An nen hano wene a'nogo apùnì yogoisìlìk nìkì logouagalùk, Ala nen wenagasogo menhanhikesik lakhani wagaike o.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

MATÌÙT 10:41

Nen, sa nen, Ap yì Ala ane yogoisikerek mene, ìlùk ebe wanigin halok he, it ap Ala ane yogoisagarek mene oko helagarek higit hogoat helegein o. Nen, Ap yì higit hogo hagaterek mene, ìlùk ebe wanigin halok he, it higit hogo hagatarek mene oko helagarek hagat helegeinat o.

IBERANI 9:15

Atì nen he, wene warogo alep wo'ninapike mene atì ba logolìk, nit ninasuk ware'lek weak hagatì lagagu atì ba ninebe hele warek hake welagagu. Atì'nogo were'ma, at Ala nen Karìsùt wa'lagaike atì ba hele hikalninapikesik he, nit at en wanisasike mene hùgì ninom hùnerìk, hano mene esok logogin mene wo'nisagalùk, wene ket mene warogo wo'ninabìk, Karìsùt ebe hùlìsanem menhesike.

1 KORÌTÙT 11:23

Wene atì'nogo hagatì logousak hesik, ninoe Etagepogot en yakùlnesikomo re, an nen hit yakùlhisasigi atì.

1 PETERÙT 1:4

Atì'nogo hano'ninapenem ese asugun mene atì, hili agì'lek, weak agì'lek, lek agì'lek esok motok logogin mene pogot oba aike hit hikikomo werek o.