KOLOSE 3:23 - Ala Ane Wene Ket Mene Warogo Wo'ninapike Wene

²³ Yì mene tì mene hagatì logolìk, hina'la nen he, “Apùnì hesik hagatì lago lek o. We, ninoe Etagepogot hesigat o,” ìlùk, hinetaùken oba nen hagatì logoino o.

KOLOSE 3:23 ပူးပေါင်းရင်းမြစ်များ

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

ÙRÙM 14:8

We, nit nineluk welago halok, ninoe Etagepogot hesigat welago. Nen, wa'lasugun halok, at hesigat wa'lasugun o. Halok he, nineluk logousak mel, wa'lasusak mel, at meneat welago.

1 PETERÙT 2:13

At Ala nen he, hit mel hagatì logouagalùk a'la akasike. Apùnì inetaùken lek mene nen wene inokot logolìk ìlì'lùgì atì, inekalì arìk inane lek asuagalùk, hit hinoabùt hano hagatì logouagalùk akasike atì nen he, ninoe Etagepogot hesik, apùnì nen pemerintah mene kain logouagalùk menhisasukwa mene atì, inebe obogat inawe a'ma kìlìk inane hologo hagatì logoino o. Atì'nogo hagatì logolìk, Kaisat etagepogot pemerintah mene kain esin hake atì mel, at en it gubernurlak apùnì weak hagatenem ùkùm inoba hìgìk, hano hagatenem hogorinapìk, hagatì logouagalùk inayoko hìlìk laksa wagarek mene atì mel, inane hologo hagatì logoino o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

ÙRÙM 14:6

It aike nen he: “O yogotak yì like nek he, yì mene tì mene hagasusak lek,” ìlùk egarek mene atì, ninoe Etagepogot hesigat akagarek o. Nen, it aike yì mene tì mene yùgùnat nekarek mene atì re, ninoe Etagepogot hesigat nìkì logolìk he, Ala hai watarek atì. Nen, it nekarek lek mene atì, ninoe Etagepogot hesigat nìkì'lek kamo ìkì logolìk he, Ala hai wataregat atì.

MATÌÙT 6:16

Atì'nogo yogoisasikesik he, aike mel yogoisasike: “Hit sùpùrùk nìkì'lek sapanat iko motok logouogolùk halok he, it apùnì aike inogat oba nek hano salek logolìk inetaùken pìre mene nen, Apùnì aike nen enagat hù'nisoak, ìlùk inelokoken ohuselogo welagaikarek atì hak, logousak lek. It atì oko hela hak he, we, apùnì nen enagat yerisagarek atìat ìlùk, eberogoat yogohisìgì o.

EPESÙT 5:22

Nit Ala againapùrì ninebe Karìsùt ebe hake were'ma, at en telninapikesik he, ebe ninoe kain welagarek hak, hìmì inogogì kaintek he, inagonìat atì nen he, hit hìmì re, ninoe Etagepogot awe a'ma logolìk ane hologo hagatesep atì hagat, hinagonì lopok inawe a'ma logolìk, inane hologo hagatì logoino o.