KOLOSE 3:2 - Ala Ane Wene Ket Mene Warogo Wo'ninapike Wene

^2-3 Hinebe wa'lagagisip he, hobuk Karìsùt hinomat hineluk logogun mene Ala nen oan sele'mathìgì'lek abùrarek werek atì nen, hina'la re, yì mene tì mene kweangma mene oba ebetì'lek logolìk he, pogot oba mene oba ebetì logoino.

KOLOSE 3:2 ပူးပေါင်းရင်းမြစ်များ

KOLOSE 3:1

At Ala nen he, Karìsùt eluguthìkì logolìk, hit hinomat hineluguthinapikomo welagep atì nen, yì mene tì mene Karìsùt ebe pogot oba Ala era'lu eki ebekwe kainat welagarek oba atoma mene hela lùogolùk, hinomamerogo hagatì logoino.

MATÌÙT 16:23

Asuk wasikomo, at Yesùt elokwe lagak hogo Peterùt kelakhìlìk mel yogosike: “Hat Ibilit hìgì. Ala a'la akikerek higit hogo ebetì'lek, we apùnì nen akagarek hak ebethìlìk nakwe palhì lagen yì, nelokoma yoma logogùn. Hela lan o,” ìlùk yogosike.

MATÌÙT 6:19

Atì'nogo yogoisasikesik he, aike mel yogoisasike: “Apùnì nen yì mene tì mene kweangma yoma atogorogo hikenem he, elugeke nen palhìk, nakusi legetìk, ap ineil agasabu weak mene nen yogot wagani kìgìk, egare'ma yoma re, yì mene tì mene atì atogorogo housak lek o.

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.

LUKAT 12:15

apùnì apik amanogo mel yogoisasike: “Apùnì inagarok apik welagarek atì ba ineluk welagaikarek lek o. Yì mene tì mene an mene nek logoilep, ìlùk ina'la akìkì logoinogo ìlùk hinepe hebelogo logoino o,” ìlùk atì'nogo yogoisasikesik he,

LUKAT 16:11

Atì hak, hit hinagarok yì mene tì mene kweangma mene ineilmasirogo hagatarek mene atì wokhisamo hesogo logolìk, higit hogo welagì'lek halok he, ebe hano mene atì ese logouageip ìlùk sa nen wokhisegein.

PILIPI 1:23

An hagasusak mene wene pìre werek atì nen, netaùken pìre arì'logo. An wa'larìk he, Karìsùt neperak logoumo hano. Ebe hano motok atìat o.