KOLOSE 3:17 - Ala Ane Wene Ket Mene Warogo Wo'ninapike Wene

¹⁷ “Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

KOLOSE 3:17 ပူးပေါင်းရင်းမြစ်များ

1 KORÌTÙT 10:31

an mel yogohisak. Sùpùrùk mel, i mel, nìkìk, yì mene tì mene hagatìk, atì'nogo obogat ìkì logolìk he, apùnì nen Ala hogorasuagalùgat hagatì logoino o.

KOLOSE 3:23

Yì mene tì mene hagatì logolìk, hina'la nen he, “Apùnì hesik hagatì lago lek o. We, ninoe Etagepogot hesigat o,” ìlùk, hinetaùken oba nen hagatì logoino o.

EPESÙT 5:20

Ninhùp-nanhùbat yì mene tì mene obogat hesik he, ninoe Etagepogot Yesùt Karìsùt etage palogo re, ninopase Ala hai watì logoino o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

1 TESALONIKA 5:18

Ala a'la nen he, “Hit Karìsùt Yesùt hinom hutik logolìk, yì mene tì mene obogat hesik an hai wa'napi logousak o,” ìlùk akikerek atì nen he, atì'nogoat hagatì logoino.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

IBERANI 13:15

Atì nen he, at Yesùt ninom hutik logolìk, nit en he, “Ala nopase,” ìlùk wam warogo at hesik wogotì logou hak, ninhùkwe-nanhùkwe ninape ba Ala etage hùkorogo hogorato motok logouok o.

1 YOHANET 3:18

Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.

PILIPI 2:11

Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

LAKSASIKE 4:30

Hat homame wo'nisikenem he, hokawerek haput Yesùt etage ba hat heki baat apùnì ou hagarinapìk, wene hùthoagalùk hagasusak lek mene elalinat hagarinapìk, igin atì, ebe nit en hagarinapì logouagalùk homame wo'nisan o,” ìlùk Ala ayoko hesukwa.

2 TESALONIKA 2:17

Atì'nogo egarek mene atì nenat, hit hineki nen hano mene hagatìk, hinane ba hano mene yogoisìgìk, ìkì logouageip en ìlùk, hina'la hanothinapìk, hinetaùken wurigethinapìk, ìkì logouak o.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

LAKSASIKE 19:17

Hese wùlùpukwama re, apùnì nen, “It atì'nogo hagata o,” ìlùk isukwama, it apùnì Yahuri mene mel, Yunani mene mel, o kota Epesùt welagaukwa mene obogat inasuk holhukwa. Holhukwasik he, inayùk arìk, Yesùt etage ebenageik hogoratì lagaukwa.

KOLOSE 1:12

ninopase Ala hai watìk, ìkì logousak atì. At ninopase nen, at againapùrì aike hinomat lìa ba hinawìwerek logouagalùk hagathinapikomo welagep atì nen, arat hai watì logousak atì.

EPESÙT 1:17

Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

KOLOSE 2:7

hinomaken Yesùt oba ning hogo yakhìlìk he, hinetaùken at oba katok hogo hìpìrethìlìk, hinom hutik logolìk he, hinetaùken wurik ago motok logolìk, Ala hai wato motok logoino o.

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

1 YOHANET 2:23

Sa nen, “Ala aput atì, ebe nabìt,” ìlùk kogologo laksike halok, opase Ala ebe wanhì'legat o. Nen, sa nen, “Ala aput ebe atìat o,” ìlùk ane pak hogo ike halok, opase Ala ebe wanheat o.

ÙRÙM 1:8

Nerùgì, nagaiya'lak. Wene ebe yogohisak en he, alep yì tak yogohisak. Apùnì o yì awì tì awì a'loma nen, hit obogat hinabok hano ìkì logolìk he: “It apùnì Ùrùm mene inetaùken Yesùt oba hìpìrethìlìk welagaikarek o,” ìlùk egarek atì nen, Yesùt Karìsùt yogorik enek, “Nopase Ala,” ìlùk hai watì lagì.

IBERANI 1:5

Ala nen at yogotì logolìk, “Hat an naput o. Hebe yogotak takhapì,” ìlùk, yogosike atì hak, it malaikat mene aike wene atì'nogo yogoisasike nogo? Lek o. Nen aike re, “An he, at opase asigin. Nen, at he, an naput asuak,” ìlùk it malaikat aike yogoisasike nogo? Legat o.

1 TESALONIKA 1:1

Hit Ala againapùrì o Tesalonika atogotì logolìk, ninopase Ala mel, ninoe Etagepogot Yesùt Karìsùt mel, hinom hutik welagep mene, nerùgì nagaiya'lak. An Paùlùt, Silat Timotìùt eperak ninom en, wene yì helal waganogo hinoba lakhei wago atì. Ninopase Ala oabùt hano a'nogo nen hano mene wokhisìgìk, hinetaùken hapuguthinapìk, ìkì logouak o.

KOLOSE 3:15

At Ala nen Karìsùt ebe omakeat mene hinom lapuk hogo hutik logouageip ìlùk hinayoko hesike atì nen, yì hesik tì hesik hagasuogolùk, hina'la nen he, “Karìsùt en ninom lapuk hogo hinasikomo welago,” ìlùk, wene atìat esinethìkì logolìk he, higit hogo hagatì logoino. Atì'nogo hagatì logolìk, Ala ebe hai watì logoino.