KOLOSE 3:16 - Ala Ane Wene Ket Mene Warogo Wo'ninapike Wene

¹⁶ Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

KOLOSE 3:16 ပူးပေါင်းရင်းမြစ်များ

EPESÙT 5:19

Hit-hit weneane ìkì logolìk, Ala hesik etawì watìk, wùnì watìk, silang ìgìk, egarek mene atì wanìk ìkì logoino. Hinetaùken oba nen etawì watìk, wùnì watìk, ìkì logolìk, ninoe Etagepogot ebe hogoratì logoino.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

ÙRÙM 10:17

Mene re, hano wene atì, Karìsùt abok yogoisa laganemat inasuk holharek o. Nen, wene inasuk holìlùgat, inetaùken at oba hìpìrethagarek o.

1 YOHANET 2:24

Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.

EPESÙT 1:17

Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

2 TIMOTÌÙT 3:15

Hat hebe yekerek oba nenat Ala ane helal waganek atì helu welagatek atì, ha'la eberek motok logousak o. Atì'nogo logolìk, hetaùken Karìsùt Yesùt oba hìpìrìk were'ma, Ala nen telhabusak mene hùthanogolùk, at ane helal waganek atì baat ha'la elogat kagalusak werek o.

KOLOSE 1:9

Hinabok atì'nogo ikenem ninasuk holhosik he, nit en hit hesik sapan ìgìk, Ala ayoko hìgìk, kamo ìgì'lek iko motogat welago. Atì'nogo ìkì logolìk Ala Areagùn nen hina'la kagalhenem, hina'la motok kagalogo wene hùthìlìk he, at Ala a'la walok akikerek mene atì hit en, tùkùm hogo hinelùrogo logouageip ìlùk ayoko hìkì lagoat.

ABÌKAKAN 5:9

Atì'nogo etawì ket mene helalogo watì logolìk: “Hat enek he, arat hoasukwama wa'lagagitik, u a e, Apùnì obogat inùkùl etage lopok, inane lopok, u a e, Inogat lopok, inawì lopok, u a e, Hat hamep oba Ala hesik oko palogo hisìlìk, u a e, Esewerek agagitik, u a e, Sùesika uan mene ba helal waganek ìkìlìk atì, u a e, Wìlìk he, silo hagarek atì hak, u a e, Amusu te'mek hogo hesukwa mene atì, u a e, Elok hikalusak, u a e.

1 YOHANET 2:27

At Karìsùt en Ala Areagùn wokhisasikomo hina'la logolìk, yì mene tì mene hesik, apeliak yakùlhisìgì'lek, eberogoat enek yakùlhisìlì'logo atì nen he, apùnì aike nen wene hit yakùlhisasak mea o. Wene at Ala nen yakùlhisìlì'logo mene atì higit hogoat hagatì logolìk, Karìsùt hinom hutik motogat logoino o.

KOLOSE 4:6

Hinane yì hesik tì hesik it aike yogoisìkì logolìk, yì mene tì mene mayu helhenem etuk hano egarek hak, “Wene atì hano ù,” ìlùk, wanuagalùk, hinane lìok hogo yogoisìkì logoino. Atì'nogo yogoisikenem, it hinoba hinok wanhenem, wene oko inebe lopok yogoisoageip en, hinelùrogo logoino.

EPESÙT 5:17

Hinetaùken abit logousak lek o. We, at ninoe Etagepogot a'la walok akikerek mene atiat ero herakìlìk higit hogo hagatì logoino.

YAKOBÙT 5:13

Hit aike hina'la kolo welagep halok he, sapan ìkì logoino o. Nen, hit aike hina'la hai hakìkì lagep halok he, wùnì Ala awùnì watì logoino o.

TITUT 3:6

Ala nen Areagùn wo'nisasike atì ebe re, Yesùt Karìsùt ninebe telninaperek mene a'nogo nenat hùkorogo ninoba pelakhei wagaike atì.

1 KORÌTÙT 14:26

Halok he, nerùgì nagaiya'lak. Nìkì'nogo hagatì logousak. Yì'nogo hagatì logousak o. Hit hinebe atogothìlìk he, at aike nen Ala awfmi isa igik, at aike nen wene sekek hogo yakùlhisìgìk, at aike nen Ala amùn elema wene yogohisìgìk, at aike nen wene inane hinokot mene ba elalinat ikenem, at aike nen hit hinane ba higit hogo yogohisìgìk, ìkì logolìk he, Ala againapùrì inetaùken ago warogo yì wene tì wene atì obogat elok atì'nogo ìkì logousak o.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

KOLOSE 1:28

Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

ABÌKAKAN 15:3

Atì'nogo logolìk, wùnì at Musa Ala atitigeke a'nogo ho, Topa Eak a'nogo ho, eperak inawùnì watì logolìk mel ìkì lagaika: “Ala ninopase, u a e, Hat homame api'mo re, u a e, Yì mene tì mene hagasusak ene'ma re, u a e, Elalin hùkorogo inayùk mene nek hagatetek, u a e. Hat yì apùnì tì apùnì inopase Hetagepogot logolìk, u a e, Higit hogo nek hagarinapetek, u a e, Hano nek hagarinapetek, u a e, Ninopase, u a e.

1 YOHANET 2:14

Yekerùgì nagainapùrì e. Ninopase Ala hinelu agagisip welagep atì nen, helal waganogo hinoba lakhei wagìk, hit nopaselak, at emakum ero ba nen welagarek mene a'nogo ebe hinelu agagisip welagep atì nen helal waganogo hinoba lakhei wagìk, hit ap elege nagoromì, hit hinomame were'ma Ala ane hina'la were'ma re, at oabùt weak mene arat mabenethesigip atì nen, helal waganogo hinoba lakhei wagìk, ìgì atì o.

1 TIMOTÌÙT 6:17

Yì mene tì mene obogat lek asigin meneat he, it ap kaintek inetagewerek mene atì ina'la nen hogorakìkì logolìk, “Nagarok kweangma mene yoma motok apik yì nen nebe hano logogin,” ìlùk, akìkì logoinogo. At he, at Ala yì mene tì mene obogat nina'la hairogo helìkì logouagalùk hùkorogo wo'nisikerek a'nogo nenat hano'ninabigin ìlùk hùthìkì logouak en inasuk watì logoino.

2 TESALONIKA 3:15

Atì'nogo meneat he, hinom weim palek negen hagatì logogùp o. We, “Ninerùgì ninagaiya'lak Ala againapùrì meneat,” ìlùk, inasak hanorogo watì logoino o.

1 TESALONIKA 4:18

Ati nenat, wene atì ba hit-hit hina'la hanorogo, hinetaùken ago wat-wat ìkì logoino o.

1 KORÌTÙT 14:15

Halok he, an nìkì'nogo hagasik. Yì'nogo hagasigin. Sapan atì re, Ala Areagùn nen yogoneto kolek inane nokot mene ba elalinat ìgìk, ninokawerek ninane ba netaùken hùthìlìk en ìgìk, igin o. Nen, wùni atì re, Ala Areagùn nen yogoneto kolek inane nokot mene ba elalinat watìk, ninokawerek ninane ba netaùken hùthìlìk en watìk, iginat o.

MATÌÙT 26:30

Wene atì'nogo yogoisasikesik he, wùnì Ala awùnì aike wa'lùk wùlùpukwasik he, Saitun ùkùl oba lagasukwa.

ÙRÙM 15:14

Nerùgì nagaiya'lak. Hit hinoabùt hano motok logolìk, yì wene tì wene hinelu motogatma, hit-hit hinasuk wat-wat usak elok welagep atì, an nelu o.

LUKAT 2:51

Atì'nogo ìlùk he, at Yesùt agosa opase inom o Nasaret lagai wagaukwa. Lagai wagaukwasik logolìk, at agosa opase inane hanorogo hologo hagatì lagaike. Nen, agosa re, wene amanogo obogat etaùkenma wanhìkesik eberek motok welagaike.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

ABÌKAKAN 14:3

Atì'nogo inane apik ìkì logolìk, Ala ebe kain welagarek obùlùk oba werek kolek, it at en elalinapike mene aike inebe 4 en amanogo mel, ap inalùgetek amanogo mel, ineilhanem etawì ket mene helalogo it apùnì hetakwe yakùlhì'lek inokot, we, it apùnì inebe 144.000 kweangma nen arat telinape mene amanogo nek inelumo watì lagaika inane holhì.

EPESÙT 5:26

At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.