KOLOSE 3:14 - Ala Ane Wene Ket Mene Warogo Wo'ninapike Wene

¹⁴ Atì'nogo hagatì logolìk, ebe esin hake re, apùnì inebe hinetawìrogo logoino. Inetawìrogo welagaikarek mene atì ba, hinebe omakeat motok lapuk hogo logou hagat logogun atì.

KOLOSE 3:14 ပူးပေါင်းရင်းမြစ်များ

YOHANET 13:34

Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o.

YOHANET 15:12

Hit en hagatì logouageip en ìlùk, wene ebe yìat hinasuk warogo yogohisak: An nen hit netaùken hutik welagì atì hak, hit en atì'nogoat hit-hit netawì-hetawìrogo logouageip en ìlùk yogohisìgì o.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

ÙRÙM 13:8

Hit he, apùnì aike mene hinoba palegeke logousak lek. We, hinoba palegeke logou hak he, hit-hit netawì-hetawìrogo hinetaùken hutik logousak atìat o. Wene Ala nen ninasuk wasike wene a'nogo obogat higit hogo hagasu hak he, inebe netawì-hetawìrogo inetaùken hutik logousak atìat o.

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.

EPESÙT 4:3

Ala Areagùn nen ninebe omakeat mene hùnogo hinikomo logolìk, inebe hano lapuk hogo welagaikarek atì mene esinethìkì logoino o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

KOLOSE 2:2

Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.

1 TESALONIKA 4:9

Nen, hit-hit hinerùgì hinagaiya'lak hinom hinetawìrogo logouageip ìlùk, Ala nen elogat yakùlhisìlì'logo atì nen he, hobuk an nen nìkì'nogo halok, “Hit hinerùgì hinagaiya'lak hinom hinetawìrogo hagatì logoino,” ìlùk, helal waganogo hinoba lakhei wesusak. Legat o.

1 TIMOTÌÙT 1:5

Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.

IBERANI 6:1

Atì nen he, Karìsùt agoromi arìk hagatì logousak mene wene emakum yakùlharek atì mene yakùlhugu mene atì werek kolek, inalùge arìk hagatì logousak mene yakùlhì logouok o. O tik hano warìk ineki etenharek lek atì hak, nit alep weak hagatì lagagu mene hukalogo heraksìlìk ninoabùt hebelarìk ninetaùken Ala oba hìpìrethesugu mene atì hobuk etenuok lek o.

1 PETERÙT 4:8

Wene esin hake re, hit-hit netawì-hetawìrogo hagatì logolìk, aike nen aike weagathegein mene sagalogo motok legethogoin atì nen, hit-hit hinerùgì hinagaiya'lak hinom netawì-hetawìrogo motok hagatì logoino o.

2 PETERÙT 1:7

Ala a'la walok akikerek higit hogo hagatì logolìk, atì mene oba louk hogo re, inerùgì inagaiya'lak inetawìrogo welagaikarek atì mene, ese a'no. Hinerùgì hinagaiya'lak hinetawìrogo logolìk, atì mene oba louk hogo re, apùnì inebe obogat inetaùken hutik welagaikarek atì mene, ese a'no.

1 YOHANET 3:10

Ala againapùrì mel, Ibilit againapùrì mel, ninetawì wekelogo inoabùt enagat haga'larì'lùgì re, yì. Sa nen oabùt higit hogo hagatì'legat, erùgì agaiya'lak etawìrinapì'legat, hagarì'logo halok, at atì ebe Ala aput lek o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

1 YOHANET 4:21

Ati nen, at Karìsùt en ninasuk watì logolìk: “Ala hinetawìrogo logolìk, hinerùgì hinagaiya'lak hinetawìrogoat logoino o,” ìlùk yogonisasike atì.