KOLOSE 3:12 - Ala Ane Wene Ket Mene Warogo Wo'ninapike Wene

¹² Hit hinebe, Ala nen wenagasogo okawerek hesik hakasikesik he, “An nokawerek nagainapùrì o,” ìlùk, etawìrogo welagarek atì. Halok he, su ket mene labetarek hak, hinoabùt mel mene wanino. Inebe inetawìrinaparek mene atì mel, inoabùt enago welagaikarek mene atì mel, inokawerek en hogorakìgì'lek inetaùken seberogo welagaikarek mene atì mel, inoabùt lìok hogo hagatarek mene atì mel, inepe morogo welagaikarek mene atì mel, hinoabùt atì mene wanino.

KOLOSE 3:12 ပူးပေါင်းရင်းမြစ်များ

MATÌÙT 24:22

Weak haga'laganem hogoin atì, at Ala nen he, Hùlì yì hùlì arat o, ìlùk ìgì'lek kamo ilepma re, apùnì obogat heleleng hogo telinapì'lek weagat a'lep. Meneat he, at againapùrì wenaginapike mene hùgì, it hesik enek he, Yogo. Weak arat hegep o, ìlùk, hùlì wasigin werek o.

MATÌÙT 24:31

Atì'nogo waga logolìk he, an nen it malaikat Ala nen pogot oba nen yoko pelaksa wagarek mene amanogo laksa waga logolìk he, napìkon ane hùkoat pak hogo ikenem he, it en apùnì an nen wenaginapigi mene amanogo, o ma'lomakwe, po'lomakwe, ìlìkwe, yìkwe, o pogot erokwe erokwe a'loma nen motok atogorinabugun o,” ìlùk yogoisasike.

MAREKÙT 13:20

Weak haga'lasigin atì, ninopase Ala Etagepogot en he: Hùlì yì hùlì arat o, ìlìk ìgì'lek kamo ilepma re, apùnì obogat heleleng hogo telinapì'lek weagat a'lep. Mene re, apùnì Ala nen wenaginapike mene hùgì, it hesik enek he, Yogo. Weak arat hegep o, ìlùk hùlì wasigin werek o.

MAREKÙT 13:22

It apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinabuogolùk he, inane eberogoat akoagalùk hagasusak lek mene elalin mene hagarìk wesugun o.

MAREKÙT 13:27

Pi waga logolìk he, it malaikat Ala nen yoko pelaksa wagarek mene amanogo, apùnì Ala nen wenaginapike mene hùgì o ma'lomakwe, po'lomakwe, ìlìkwe, yìkwe, welagaikarek mene atogorinabuagalùk, yoko pogot erokwe erokwe o yì awì tì awì a'loma laksegein o,” ìlùk yogoisasike.

LUKAT 1:78

Ninopase Ala atì ninebe etawì'ninabìk he, o hìl lakhei wagarek hak, mo po'loma nen ninoba lakhei waga logolìk,

LUKAT 18:7

Atì hake, at Ala nen againapùrì weteberogo hisasike mene hùgì nen likene hùako inane keirogo ayoko hiko halok he, elele woginabigin lek nogo? Inane konhì logopik en, hobuk halok elele woginabigin nogo?

ÙRÙM 1:7

Hinebe at okawerek hakagalùk hinayoko hesikomo welagep o. Atì nen, an nen wene helal waganogo hinoba lakhei waga logolìk he, Ninopase Ala mel, ninoe Etagepogot Yesùt Karìsùt mel, eperak inoabùt hano a'nogo nen hano mene wokhisìgìk, hinetaùken hapuguthinapìk, ìkì logouak o, ìgì atì.

ÙRÙM 13:14

Hit hinoabùt he, apùnì inoabùt inesogat logolìk, Yì wanile, tì wanile, ìlùk egarek atì hak hina'la kagalhì'lek he, we, sike sìge wanharek hak, ninoe Etagepogot Yesùt Karìsùt oabùt atìat wanino o.

ÙRÙM 9:11

It ap inebe pìre atì, inebe ta'lagì'lek inoabùt hano hagatìk, weak hagatìk, ìgì'lek werek kolek, at Ala a'la nen akalùk weteberogo hisasike atì ebe arìk logouagalùk,

1 KORÌTÙT 13:4

Apùnì aike inebe inetawìrogo logolìk he, inepe morogo welagaikarek atì. Atì'nogo inetawìrogo logolìk he, inoabùt hano, inabuage lek logolìk, inokawerek en sebirakìgìk, hogorakìgìk, egarek lek atì.

2 KORÌTÙT 6:6

Atì'nogo hìkì logolìgat he, ninoabùt weak hagatì'lek tegelek logolìk, hano wene ninelu welagìk, ninepe morogo welagìk, ninoabùt enago welagìk, ìkì lago. At Ala Areagùn nina'la logolìk apùnì inebe eberogoat ninetawìrogo welago.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.

EPESÙT 4:2

Hit-hit netawì-hetawìrogo leberisìgìk, ninhùp-nanhùp hinetaùken seberogo hagatìk, hinoabùt enago welagìk, hinepe morogo welagìk, ìkì logoino o.

EPESÙT 4:24

Hinebe eberogoat, at Ala nen okawerek hesik hakìlìk, at en he, hinoabùt higit hogo hagatì logouagalùk, at oabùt hake ket mene hagathinape mene atì, su labetarek hagat labetì logoino o.

EPESÙT 4:32

Heraksìlìk he, hit-hit hinoabùt enago lìoksek logolìk he, hit weak hagatì lagagip mene at Karisùt en sagalogo legethesike mene, Ala nen legetsasike atì hak, hinerùgì hinagaiya'lak aike nen weagathinapo halok he, wene atì legetsìkì logoino o.

PILIPI 1:8

Yesùt Karìsùt en hit hinebe obogat etawì welagarek hak, an nen hit netawìat logolìk he “Nimom logoilo e,” ilùk, na'la eberogoat akìkì lagì mene atì, at Ala elu o.

1 TESALONIKA 5:15

Apùnì nen hit aike weagathinapenem en, oko-oko weagarinapì'lek logolìk, hit-hit hesik mel, apùnì obogat hesik mel, inoabùt hanorogo hagatarek atì meneat esinethìkì logoino.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

2 TIMOTÌÙT 2:10

Atì nen he, it apùnì aike Ala nen wenaginapike mene hùgì, Karìsùt Yesùt inom hùnesumo re, inebe telinapìk, ineluk hano motok logouagalùk, hanorinapìk, uagalùk he, an atì'nogo weaga'napo kolegat, nepe morogo welagìrek atì.

TITUT 1:1

Titut naput e. An Paùlùt, Ala atitigeke logolìk, apùnì at en wenaginapike mene inetaùken at oba hìpìrethìlìk were'ma ago warisìgìk, nen, nit at awe a'ma logolìk ebe wene yakùlisìkì lago wene a'nogo tùkùm hogo inelu asuagalùk yakùlisìgìk, uagalùk Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hoba lakhei wagì atì.

2 PETERÙT 1:10

Atì nen he, nerùgì nagaiya'lak. Hinebe Ala nen wenakhinabìk, hinayoko hesike atì re, eberogoat haga'lasuagalùk, hit en akiluk hogo hinomamerogo hagatì logoino. Atì'nogo hagatì logogun halok, hinetaùken Ala ha hìpìrìk mene heraksalùk wùlùbugun lek o.

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

2 YOHANET 1:13

He aike Ala nen wenasike mene, eagwi nen inagosahe ebe hai wasu hak, it Ala againapùrì yoma mene nen he, hit hai wathinapa o.

ABÌKAKAN 17:14

Atì'nogo esewerek hìlìk, Topa Eak a'nogo weim inom yabuogolùk ugun meneat he, at Topa Eak ebe apùnì kaintek inetagepogot mel, inetagewerek mene mel, obogat inoe etagewerek hesaksegarat ma re, againapùrì wenaginabik inayoko hesikomo inoabùt at hesik hùpùn hogo hagatarek mene amanogo, at werekwe arìk, inom en, at yeke lo yeke bake a'nogo agoromì inom mabenetsogoin o,” ìlùk yogonete.