KOLOSE 3:11 - Ala Ane Wene Ket Mene Warogo Wo'ninapike Wene

¹¹ Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.

KOLOSE 3:11 ပူးပေါင်းရင်းမြစ်များ

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

ÙRÙM 10:12

It apùnì Yahuri mene hùnogoat, nen, apùnì Yunani mene hùnogoat, usak lek. Nit obogat ninopase Etagepogot he, Ala omakeat o. Nen at, en wogisoagalùk ayoko hagarek mene hùgì inebe obogat, hùkorogoat wogisikerek o.

EPESÙT 3:6

Hano wane atì ba, it apùnì etakwe mene mel, Yahuri mene mel, inom higit hogoat esewerek haga'lagìk, Karìsùt ebe omakeat mene ninom higit hogo hùnogo hinìgìk, ikomo welago. Wene hageat Ala nen, “Tì'nogo hagathinabigin,” ìlùk, abok yogonisasike a'nogo ba, “Apùnì etakwe mene Karìsùt Yesùt inom hutik were'ma, hano wene atì ba ninom higit hogo haga'ninabigin,” ìlùk, ninelu aga atì.

EPESÙT 1:23

Nit Ala againapùrì ninebe at Karìsùt ebeat o. Ma re, yì mene tì mene, pogot oba kweangma welagarek mene obogat a'la Karìsùt ebe peserogo logolìk, nit Ala againapùrì at ebe hake were'ma, nina'la peserogo welagarek atì.

ÙRÙM 3:29

At Ala re, nit apùnì Yahuri mene nek ninopase nogo? It etakwe mene ninomat ninopase lek nogo? Eberogoat apùnì etakwe mene ninomat ninopase a.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

1 KORÌTÙT 7:19

Inogat inekalìma mene atì'nogo palek logousak inom, pale'lek logousak inom, atì esin hùk. Lek o. Ebe esin he, Ala ane hologo hagatì logousak atìat o.

KOLOSE 2:10

Malaikat pogot oba mene inom, mokareke oabùt weak mene inom, inawe a'ma hagisek were'ma inane holharek mene, Karìsùt ane holusak atì nen, hit hogo re, at hinom hutik logolìk, hinetaùken katok hogo wurik agasip welagep atì.

ÙRÙM 1:14

Apùnì wene hùthaga mene mel, hùthìgì'lek mene mel, sekola yakùlha mene mel, yakùlhì'lek mene mel, obogat hano wene yogoisasak ìlùk an noba palegeke hake welagì o.

YOHANET 15:5

Hele ebe anat o. Nen, nekisok hirat o. Hit an ninom hutik lek, we, kopolek logolìk, yì mene tì mene aike hagasusak motok mea atì nen he, at sa nen an neperak hutik, nen, an at neperak hutik, logogun halok he, at atì eken apik isu hak, hano mene hùkorogo hagasigin o.

LAKSASIKE 28:4

Eki ba hutik were'ma, apùnì inawìwerek mene amanogo ineileken hìlìk, it-it ìkì logolìk ha, “Ap yì re, apùnì inoare mene o. Ima nan telogo wùlìbi waga meneat he, su etaga Ùkùm, apùnì inebo inoaterek mene a'nogo nen, At ebe eluk logousak lek, ìlùk, wate yì,” ìlùk isukwa.

LAKSASIKE 28:2

Yogonisasukwasik, ina'la hairogo akiluk hogo wo'ninapukwasik, o moso wagaikomo re, aiyeke nen sogoi isakoagalùk etu nokalogo hinasukwa.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

EPESÙT 6:8

Hinoabùt hano hagatì logogun halok, ninoe Etagepogot en, hit inatitigeke mene, hinalepma welagep mene hinomat, hinebe lopok oko wokhisegein o.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

1 KORÌTÙT 14:11

Atì'nogo meneat he, it inane okut pale'ma an nokot halok he, at aike nen ikenem, an nen nasuk nìkì'nogo holusak. Nen, an nane ikenem, nane okut pale'ma re, at en nane nìkì'nogo asuk holusak. Mea o.

EPESÙT 2:14

Apùnì Yahuri mene mel, etakwe mene mel, inom heksek were'ma re, tùlem kwe palek leget negen hùko wùrìk welagaike mene, at Yesùt lapulogo hiaikerek mene a'nogo ebe wa'laga logolìk hùlì palek a'nogo mesalogo legethìlìk he, ninebe omakeat lapuk hogo hinasikomo welago atì.

EPESÙT 2:15

At Karìsùt en, ninùkùl etage Yahuri mene ho, etakwe mene ho, pìre atem welagaike mene, at ninom hùnogo omakeat hinìlìk ninùkùl etage omakeat ket mene lapulogo hinagalùk he, wene Ala nen ninasuk warogo, “Yì'nogo hagasusak, tì'nogo hagasusak,” ìlùk yogonisasikomo wene palek werek mene atì legetsìkì logolìk, ninom hùnogo hinasike atì.