KOLOSE 2:9 - Ala Ane Wene Ket Mene Warogo Wo'ninapike Wene

⁹ Mene re, Ala ebe abireke motogat Karìsùt a'la were'ma, apùnìat ta'lasi wagaikesik welagaike atì.

KOLOSE 2:9 ပူးပေါင်းရင်းမြစ်များ

KOLOSE 1:19

At Ala nen, “An na'la walok he, an noabùt nesok motok welagìrek atì hak, an naput atì'nogoat neperak higit motogat logouak o,” ìlùk, a'la akasike higit hogoat welagarek.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

YOHANET 14:20

Atì'nogo hinoileken neogoin atì sat, an nopase neperak hutik welago, nen, hit an ninom hutik, nen, an hit ninom hutik welago mene atì, hinelu asigin o.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

LUKAT 3:22

Ala Areagùn sùe pel hake ali'luk hogo ot oba labok i pi wagaike. Atì'nogo hagasikomo re, pogot oba nen ane mel isike: “Naput netawì e! Noba lìok ike o,” ìlùk isike.

MATÌÙT 1:23

At atì nen he: “Helekerek aike omalik a'ma arìk he, eak abat takegein o. Ta'laga halok he, nit ninane ba, Ala ninom welago, u hak, etage Imanuel ìkì logagun,” ìlùk helal waganogo hesike mene higit hogoat haga'lagaike atì.

2 KORÌTÙT 5:19

Wene ninoba hesike atì ebe re, mel. At Karìsùt ebe hùlìsanem logolìk hagasike atì ba, Ala nen yì apùnì tì apùnì obogat at okawerek inom lapuk hogo hinasike. At en atì'nogo hinìkì logolìk, nit apùnì nen weak hagatorek mene ùkùm ninoba hìgì'lek sagalogo heraksasike atì. At en atì'nogo hagasike wene atì nit en yogoisìlìk nìkì logouagalùk ninoba hesike.

1 YOHANET 5:7

Yesùt atì Karìsùt at o, ìlùk, apunì inebe 3 nen inane omakeat mene hukalogo u hak he, Ala Areagùn nen hukalhìk, Yesùt ebe ima pelapukwa atì ba hukalagìk, amep wulagasogo wasukwa atì ba hukalagìk, hukalogo weinam agaike atì.

YOHANET 2:21

Atì'nogo yogosukwa mene re, Yesùt en wene Ala awì wùrìk hesik isike atì, o wùrìk mene hesik isike hùk. At okawerek ebe mene hesigat isike o.

YOHANET 1:16

Nen, at oabùt hano motok en ninebe obogat hobugalep hano'ninabì'logo.

LAKSASIKE 17:29

Nit atì'nogo at againapùrì welago halok he, at ebe bake nit apùnì nen nina'la akalùk, nineki nen tùgì hareken emas mene, perak mene, helep mene, hagarogo wususak lek hìgì, ìlùk hùthasak o.

LUKAT 14:22

Atì'nogo yogosikomo re, at ap a'nogo lìlìk wagaikesik he, oe a'nogo mel yogosike: Noe. Yogoneten a'nogo wogisek wagì meneat he, o heta motok selek werek o, ìlùk yogosike.