KOLOSE 2:8 - Ala Ane Wene Ket Mene Warogo Wo'ninapike Wene

⁸ Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

KOLOSE 2:8 ပူးပေါင်းရင်းမြစ်များ

MATÌÙT 10:17

Apùnì nen it ap wene ero pìlìngìtare'ma inoba wokhisek lagìk, o sapan egare'ma atoma nen tùgì hinoatìk, ugun a'naga re, hinepe hebelogo logoino o.

MATÌÙT 16:6

at Yesùt en mel yogoisasike: “It ap Parisi mene mel, ap Saluki mene mel, eken sùpùrùk horoti mene hisuagalùk a'lakwe pelaparek atì hake mene hesogo werek atì ba weagathinabinogo ìlùk, hinepe hebelogo logoino o,” ìlùk yogoisasike.

MATÌÙT 7:15

Atì'nogo yogoisasikesik, aike mel yogoisasike: “It aike inapeliagat Ala ane yogoisagarek mene salek hinoba wìrìk he, hina'la kagalinogo ìlùk, hinepe hebelogo logoino o. It atì inelokoken wam topa warn ena mene hake hagarogo nen wesugun meneat he, inetaùken a'la re, yeke lo yeke anini weak mene hake wesugun o.

LAKSASIKE 17:18

Atì'nogo ìkì logolìk he, at en it apùnì wene Epikùrot wene hesogo logolìk it aike yakùlisìkì lagaukwa mene mel, wene Sitoa wene hesogo logolìk, it aike yakùlisìkì lagaukwa mene mel, wene ina'la kagalogo yogoisikenem, it en oko yogotìk, it an at yogotenem, at en oko yogoisìgìk, ìkì lagaukwa. Atì'nogo ìkì lagaukwa mene aike nen he, at Paùlùt hesik mel isukwa: “At he, wene elu nogo? Okot. We, hamùlùgat elu logolìgat he, ane nek motok apik yogonisìlì'logo,” ìlùk isukwa. Atì'nogo isukwama, it aike nen he, at Paùlùt en hano wene yogoisìkì logolìk he, Yesùt en hagasike wene yogoisìgìk, apùnì wa'lari'mo nen Ala nen inelugurinaperek wene yogoisìgìk, ìkì lagaike atì nen, mel isukwa: “Apùnì hùnogo mene inawesa wene hesik yogonisìlì'logo he a,” ìlùk isukwa.

LAKSASIKE 17:32

“At wa'lagaikesi'mo nen, eluguthesikomo werek o,” ìlùk yogoisikenem, inasuk holhukwasik, it aike nen he, Paùlùt agato agaukwa. Nen, it aike nen he, “Wene egen atì, nit ninasuk hobuk holuagalùk ninhùkwe halok yogonisasagat o,” ìlùk yogosukwa.

ÙRÙM 16:17

Nerùgì nagaiya'lak. Hina'la kagalogo re, wene aike yì nane ning hogo yogohisak o. It apùnì aike hobuk wìrìk he, wene emakum yakùlhisasukwama wanhigip mene heraksìlìk he, hinebe mìkìlogo hikìgìk, hina'la weagathinapìk, iko halok he, hinepe hebelogo logolìk, inane hinasuk holhì'lek, heraksalùk kwanìrogo laga logoino.

1 KORÌTÙT 10:12

Atì nen he, hat aike ha'la nen: “An netaùken wurik, metek welagì o,” ìlùk akegen halok he, tukwak hogo lanogo ìlùk hepe hebelogo logoino.

1 KORÌTÙT 8:9

Hit yùgùnat nasagat meneat he, nikenem en, it apùnì like inetaùken akut mene weak asinogo ìlùk he, hinepe hebelogo logoino.

KALATIA 1:14

Wena nit Yahuri mene ninopalak en yakùlnisasukwa mene a'nogo hesogo logolìk he, it an nagaiya'lak ninom higit mene nen wene ina'la seram hogo hagato kolek, an enek he, ekin hogoat hagatì lagagi atì.

KALATIA 4:3

Ati hak he, nit ninetaùken akut were'ma, mokareke oabut weak mene kweangma yoma eki ba welagarek mene nen awe a'ma hinìlìk welagaike atì.

KALATIA 4:9

Mene re, an nen he, “At Ala hinebe elu welagarek,” ìlùk uem, “Hit yogotak en Ala ebe hinelu agep,” ìlùk ìgì atì. Halok he, hit hinokawerek en mokareke oabùt weak omame lek mene, eilmo lek mene, atì oba hobuk hinapotkwe awe a'ma kuogolùk ìkì lagep atì, nenahalok.

KALATIA 5:15

Atì'nogo meneat he, wam okawerek en wam aike aik en lìbìlhìk, warogo haum hogo nìkìk, ikerek hak, hit-hit hinokawerek en atì'nogo hagatì logogun halok he, hinebe alema'larìk lanogo ìlùk hinepe hebelogo logoino o.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

EPESÙT 4:20

Meneat he, at Karìsùt en, “Hit weak atì'nogo hagatì logoino,” ìlùk, yakùlhisìgì'lek.

EPESÙT 5:6

It apùnì Ala ane higit hogo hagasùhùk mene nen, wene ìgì atì'nogo hagatare'ma, Ala a'mage lagalìk weagarinabigin atì nen he, it aike nen inane we tùlem at ìkì logolìk he, “Weak mene atì'nogo hagasumo hanoat,” ìlùk, lalhinabinogo.

PILIPI 3:2

It apùnì aike inoabùt yeke lo yeke oabùt hake atì nen, yì hesik tì hesik weak hagatì logolìk, “Hinogat hinekalìma mene palogo laksano,” ìlùk hina'la kagali wesinogo nen hinepe hebelogo logoino.

KOLOSE 2:18

Nen, it aike nen he, inoabùt inesogat logolìk hohogomat hogorakìkì logolìgat he, mel egarek atì: “Nit apùnì ninebe kepù. We, kaintek he, malaikat Ala nen yoko pelaksa wagarek mene atìat. Halok he, inawe a'ma logolìk hogorinapì logousak, ìlùk an nabìkakan hìgìrek mene nen yogohisìkì lagì atì,” ìlùk inapeliagat Karìsùt hinom hutik mene wulakhikùogolùk yogohisìlì'lùgì atì, “Eberogoat,” ìlùk hina'la akagùp o.

KOLOSE 2:20

Hit Karìsùt hinom hutik logolìk wa'lagagip atì nen, mokareke oabùt weak mene kweangma yoma eki hesogo welagarek mene a'nogo nen hinebe hele warogo hakhisek were'ma, Ala nen hele hikalhinapike atì. Meneat he, hit hinoabùt it aike kweangma inoabùt inesogat logolìk hagatarek hagat hagatì lagep atì nenahalok. It atì nen he, “Yì mene tì mene aike hineki ning hogo hakhìgìk, wap hogo hakhìgìk, aike etuk mìkhìgìk, ùgùp o,” ìlùk inasuk watenem nahalok hologo hagatì lagep.

KOLOSE 2:22

Wene atì, apùnì nenat, yì mene tì mene nikenem lek agarek mene hesigat, “Yì'nogo hagatì logouok,” ìlùk wene palek hagat inasuk watìk, yakùlisìgìk, ìlì'lùgì atì.

KOLOSE 2:23

It atì ineram enat apùnì yogoisìkì logolìk he: “Malaikat inawe a'ma logolìk hogorinapìk, hina'la nen he, Nebe kepù, ìlùk ìgìk, inetaùken hano asuagalùk, ineki inesako ineilha palagarek hak, inogat oba wiik-weak hogo hagatìk, ìkì logousak o,” ìlùk wene ina'la kagalek hano salek yogoisili'lugi atì. Mene re, inoba aiyage lagaikenem, wene atì ba nen inetaùken sebelusak mea o.

1 TIMOTÌÙT 6:20

Timotìùt naput e. Ala nen hayoko hìkì logolìk, “Yi mene hagatì logoino,” ìlùk, hoba hesike mene atìat hanorogo hesogo logolìk, homamerogo hagatì logoino. It aike nen Ala ane usak mene atì ìgì'lek logolìk, we tùlemat, lek asigin mene hesigat wene serep aga logolìk, “Wene ninelu,” ìlùk, ìlì'lùgì atì inokot logolìk ìlì'lùgì o. It atì nen he, “Wene ebe mene arat hùthogo,” ìlùk ìkì logolìk, Ala ane eberogoat mene heraksalùk nong asi wùlùpa atì nen, wene atì mene wanhì'lek heraksìlìk logoino o. Ala oabùt hano a'nogo nenat hakharek logouak o.

2 TIMOTÌÙT 3:13

Weaga'ninapo kolegat, it aike weak hagatì logolìk lalinabì'lùgì mene atì, it aike nen lalinapenem, it en oko-oko lalinapìgat ìkì logolìk, weak arìk arìgat hùkorogo weak akogoin atì.

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

IBERANI 3:12

Halok he, nerùgì nagaiya'lak. Hit aike hinoabùt weak arìk, hinetaùken Ala eluk motok welagarek mene oba hìpìrethìgì'lek logolìk, at ebe heraksalùk hinapotkwe wùlìbi lanogo ìlùk, hinoabùt hebelogo logoino o.

1 PETERÙT 1:18

Alep he, hinapu hinopalak hagatì lagaukwa atì hak, it inoabùt waganogo lek asigin mene hesik tùlemat alemarogo hagatì lagagip atì nen, hineki hele warek negen were'ma, Ala nen hinebe hinoko palogo telhinapike atì hineluat o. Oko atì re, lek asigin mene emas oba, perak oba hinoko palhinapike hùk.

2 PETERÙT 3:17

Nerùgì nagaiya'lak. Hinebe netawì e. Wene atì oan haga'lagì'lek werek kolek he, hinelùrogo logouageip ìlùk sekek hogo yogohisìgì atì. Hinelu logolìk, hinokawerek hinetaùken wurik hogoat logoino. It apùnì aike inasuk ware'lek hagatarek mene atì nen, wene kolo wene yogohisìkì logolìk, hit en he, “Eberogoat”, ìlùk akìlìk hinetaùken wurik welagep mene atì kopologo hebikenem hinebe nongasinogo ìlùk, hinoabùt hebelogo logoino o.

2 YOHANET 1:8

Nen, nit en hit hagathikìkì lagagu a'nogo hesik, hit aike oko wanhì'lek nong asinogo ìlùk, obogat wanuageip en he, hinoabùt hebelogo logoino. Logolìk he, Ala nen, “Hit oko wokhisegein,” ìlùk wene wa'nisasike a'nogo, hit aike nong agì'lek obogat heloageip en he, hinomamerogo hagatì logoino o.