KOLOSE 2:11 - Ala Ane Wene Ket Mene Warogo Wo'ninapike Wene

¹¹ Hit, at hinom atì'nogo hutik welagep atì nen, apùnì ineki nen inogat inekalìma mene palinaparek hak palhinapukwama palek welagep hùk. Lek o. We, at Karìsùt enat hinoabùt hinesogat logolìk weak hagatì lagagip mene atì palogo laksasikomo, hinogat hinekalìma mene palek logou hak welagep atì.

KOLOSE 2:11 ပူးပေါင်းရင်းမြစ်များ

ÙRÙM 2:29

Apùnì Yahuri ebe Yahuri mene re, “An nebe Yahuri mene nogat nekalìma mene palek welagì,” ìlùk sùesika ba helal palogo hagarek atì hesik hùk. Lek o. We, inogat palek ebe mene re, inogat inekalìma mene palu hak, Ala Areagùn nen inetaùkenma mene tegelogo wulaperek atìat o. Apùnì inetaùkenma atì'nogo tegelek werek halok he, apùnì aike nen hogorinaparek hùk. We, at Ala nenat hogorinaperek o.

PILIPI 3:3

Nit he, ninogat ninekalìma mene arat palek logou hak, ebe meneat hagatì lago. Ala Areagùn nen nina'la kagalho kolek, Ala ebe hogoratìk, Karìsùt Yesùt ninom hutik welago, ìlùk, hogorakìgìk, ìkì logolìk he, yì wene tì wene ninogat etakwe yì hesik hagatorek atì ba hano'ninabigin ìlùk akìkì lago lek.

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

ÙRÙM 6:6

Nit ninoabùt ninesogat logolìk weak hagatì lagagu mene atì mabenetsoagalùk he, Yesùt e ba menhìlìk ninomat ninoasukwa atì nen, nit ninoabùt alep mene atì atitigeke logousak lek o, ìlùk ninelu.

KALATIA 5:24

Ninebe Karìsùt Yesùt agoromì mene hùgì, ninoabùt ninesogat logolìk, yì walok tì walok akìkì lagagu mene atì, Karìsùt Yesùt ebe e ba menhìlìk wasukwa atì ba warogo hesugu.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

IBERANI 9:24

at Karìsùt o Ala okawerek awì ìlùk apùnì nen oba lìrogo wusukwa ba atì kisike hùk. Lek o. We, pogot ebe ba kisikesik Ala were'ma atoma nit hesik werek o.

IBERANI 9:11

It atì'nogo hagatì lagaukwa meneat he, Ala nen he, “Yì mene tì mene hobuk tì'nogo hano haga'lasigin,” ìlùk abok isike atì ebe re, at Yesùt Ala esewerek inoe kain wagaike atì. Atì'nogo wagaikesik he, it alep yì mene tì mene Ala nen elalhike mene kìgìlogo o wusukwa ba atì kisike hùk. Lek o. We, o ebe mene hùko hano wùrì'mo eki omake hesik kisikesik, o hùlù kwema herakhùlùk pìkìt o hùlù ti'mokwe motok ebe wesama ìlùk u hak, Ala okawerek aua atoma kisike. Atì'nogo kisike atì re, kambing mel, sapi mel, amep wolok kisike hùk. Lek o. We, nit hele warek hake were'ma hikalek motok logouagalùk, ninoko palogo wa'lagaikesik, okawerek amep wolok atoma kisikesik, nit hesik werek o.

2 KORÌTÙT 5:1

Apùnì inawì wùrìk mesalaganem hobuk ket wùtarek hak, nit ninogat kweangma elama hesik welago yì, wa'lago halok he, pogot oba ninebe ninesok motok logogin mene apùnì nen agauak hagatì'lek mene Ala nen hagarogo hinegein mene werek o, ìlùk hùthìkì lago.

LAKSASIKE 17:24

Ala nenat he, o kweang yoma walhìgìk, yì mene tì mene obogat walhìgìk, isikesik he, pogot kweang esewerek kain welagarek atì. Ma re, tùgì hareken awì apùnì ineki nen wùtarek mene atoma a'la at Ala logousak mea o.

LAKSASIKE 7:48

“Atì'nogo meneat he, at ap Ala ane yogoisìkì lagaike mene aike nen wene mel isike: Ninopase Ala Etagepogot en he, Kain anat logolìk he, nebe nalakwe pogot obaat hùrek welagì. Nen, nesok legesogo kweang oba hìlìk welagì. Halok, hit en o nìkìnìk mene wùthanusak. An nebe set walogo re, o koma logousak akegep. Mea o. Yì mene tì mono obogat aroma, an nenat walhasigi lek nogo? ìlùk Ala nen isikomo, helal waganogo hesike atì nen, at Ala Etagepogot esin mene atì, o apùnì ineki nen wùtarek mene ba logousak he, mea o.

LUKAT 2:21

Atì'nogo wagaukwama welagaukwasik en, nogo ineki 7 nen ìluk hùenkwe re, omalik a'nogo ogat ekalìma mene palusak obaat palhuwasik he, ebe oan agosa a'ma agì'lek werek kolek malaikat en isukwa higit hogoat he, etage Yesùt salhukwa.

MAREKÙT 14:58

“At yi nen he, Ala awi apùnì ineki nen wusukwa mene yì, an nen mesalogo lakhegein o. Mesalogo lakhìlìk obùlù'mo re, apùnì ineki nen wususak lek. We, hunigat mene neki pìre ba wùtì logopik, aike ba, arat elùgùn warogo wusigin o, ìlùk nineilhanem ikenem ninasuk holhugu o,” ìlùk isukwa meneat he,

ÙRÙM 7:24

An nokawerek na'la re, wene Ala nen ninasuk wasike wene atì hologo logogin akìgìrek meneat he, noabùt apùnì inoabùt inesogat logolìk hagatarek atì nen yogonetenem ane hologo welagìrek atì. Atì'nogo welagìrek atì nen, nebe motok noasigin atì, eigo. Sa nen telnabigin. Ninoe Etagepogot Yesùt Karìsùt hagasike atì ba telnabigin atì nen he, “Nopase, Ala,” ilùk hai watì lagì o.

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.