KOLOSE 1:28 - Ala Ane Wene Ket Mene Warogo Wo'ninapike Wene

²⁸ Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

KOLOSE 1:28 ပူးပေါင်းရင်းမြစ်များ

MATÌÙT 5:48

Halok he, ninopase Ala pogot oba mene oabùt hano motok katoksek logolìk etawìrinaperek hùk, hit atì'nogoat hinetawìrinapì logoino o,” ìlùk yogoisasike.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

1 KORÌTÙT 2:6

It apùnì inetaùken wurik mene halogat, wene wurik mene atì ina'la kagauk hogo yogoisogorek o. Atì'nogo yogoisogorek atì re, it apùnì kweangma mene yoma, inawene mene lek. Inogogì kaintek inebe hobuk lek asugun mene o yogotak werek yoma, inawene kagauksek wene legat o.

KOLOSE 1:22

Atì'nogo meneat he, hit hinebe at Ala okawerek hesik hakìlìk, at eilhanem ùkùm hinoba lek hogo hano tegelek logouagalùk, aput ebe wa'lagaike atì ba, okawerek hinom lapulogo hikasikomo welagep atì.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

2 KORÌTÙT 4:5

Wene yogoisìlìk nìkì lago atì re, ninokawerek hagatorek wene hùk. Lek o. We, at Yesùt Karìsùt hagasike weneat o. At Yesùt ebe ninoe Etagepogot ìlùk he, nit at hesik hit hinatitigeke welago, ìlùk yogoisogorek atì.

LAKSASIKE 20:31

Hinetaùken wekelogo logoino! An o mo lagagìk pìgìk iko kolek 3 tahun ninom logolìk he, kamo ìgì'lek likene nen, hùako nen, le aga logolìk, hinebe lopok hinasuk watì lagì a'nogo, hina'la eberek logoino o.

LAKSASIKE 8:35

Atì'nogo yogosikomo re, at Pilipùt en hano wene Yesùt hagatì lagaike wene yakùlesigìlùk, wene ero helal waganek atì ba nen pìlìngìrogo yogorìk pisike.

IBERANI 10:14

At Karìsùt omake hesik wa'laga logolìk, ebe Ala wogosike atì ba, nit apùnì ninebe Ala hesik hisikerek mene hùgì katok hogo motok ho'ninapike.

1 TIMOTÌÙT 3:2

Ati nen, ap Ala againapùrì serisek logouagalùk, inoabùt he, yì hake mene menhisasak. Apùnì aike nen, “At weak,” ìlùk ùkùm oba hìgì'lek mene halok, agwe omakeat mene halok, weak hagasuagalùk a'la kagalhenem tok wokhagarek hak wokhikerek mene halok, etaùken uan mene halok, hagasusak mene higit hogo hagaterek mene halok, ap pok inokot mene waganem woginaperek mene halok, wene sekek hogo yakùlisikerek mene halok,

KOLOSE 2:10

Malaikat pogot oba mene inom, mokareke oabùt weak mene inom, inawe a'ma hagisek were'ma inane holharek mene, Karìsùt ane holusak atì nen, hit hogo re, at hinom hutik logolìk, hinetaùken katok hogo wurik agasip welagep atì.

1 KORÌTÙT 12:8

At Ala Areagùn nen, at aike wene kagauk hogo ìkì logouagalùk wogoterek. Nen, at Areagùn ati nenat, at aike yì wene tì wene elu motok logouagalùk wogoteregat.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

2 KORÌTÙT 10:14

Hit hinebe Ala nen yabu hùlì warogo wo'nisasike ba welagep atì nen he, hano wene Karìsùt en hagasike wene a'nogo wolok he, yogoisìlìk-sìlìk hùlì hit hinoba wagagu atì, hùlì warek mene sebelogo wagagu lek o.

1 KORÌTÙT 15:12

At Karìsùt wa'lagaikesi'mo nen, hobuk Ala nen eluguthesike, ìlùk yogohisìkì lago meneat he, hit aike nen he, “Apùnì wa'larì'mo nen Ala nen inelugurinabigin lek o,” ìlùk ìkì lagep atì nahalok.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

1 KORÌTÙT 2:15

Atì'nogo meneat he, nit Ala Areagùn nina'la werek mene re, yì wene tì wene hùthìkì lago. Atì'nogo hùthikenem, it aike nen he, nit ninoabùt hùthinìlì'lùgì lek o.

1 KORÌTÙT 1:23

nit enek he, Karìsùt e ba menhìlìk wasukwa wene a'nogoat yogoisìkì lago. Yogoisikenem he, it apùnì Yahuri mene nen, “Wene atì weak,” ìlùk kobologo heraksìgìk, nen, it apùnì etakwe mene nen he: “Wene atì, apùnì kepù mene nen egarek hake ìlì'lùgì,” ìlùk hebisìgìk, ìlì'lùgì o.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

LAKSASIKE 17:3

Ala ane helal waganek a'nogo ba sekek hogo yogoisìkì logolìk, mel yogoisìkì lagaike: “At Karìsùt Ala nen lakhei wesigin ìlùk isukwa a'nogo re, yì aik tì aik hìlìk hìlìk wa'larìk en, eluk asigin, ìlùk isukwa. It isukwa atì hagat, at Yesùt hagasike wene abok yogohisìkì lagì mene yì, hagasusak higit hogoat hagasikomo. Ala nen lakhei wesigin ìlùk isukwa atì, ebe re, Yesùt atìat o,” ìlùk yogoisasike.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

LAKSASIKE 8:5

Atì'nogo yogoisìlìk pùgùlhì logolìk he, at Pilipùt o kota Samaria atoma wagaikesik, wene mel yogoisasike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo, ebe lakhei wagama wagasik tì'nogo hagate,” ìlùk abok yogoisìkì lagaike.

LAKSASIKE 5:42

Wùlùpukwasik, it a'nogo nen Ala awìi wùrì'mo kìgìk, apùnì inauakwe kìgìk, ìkì logolìk, “Ala nen he, Ap aike nen apùnì telhinabuagalùk ayoko hìlìk lakhei wesigin, isike a'nogo, ebe Yesùt atìat o,” ìlùk Yesùt en hagasike wene, hano wene a'nogo kamo ìgì'lek hutik-hutigat yakùlisìlìk nìkì lagaukwa.

MAREKÙT 6:34

Lagaukwasik he, at Yesùt so a'la nen inoba wùlìpikesik, eileken apùnì logolek amanogo lagisìlìk etawìrinabìk, mel isike: “It yoma wam topa wam konharek hak, ap koninabu mene inebe lek en werek yì, netawìlak e,” ìlùk yì wene tì wene apigat yakùlisasike.

MATÌÙT 3:7

Atì'nogo hagato were'ma, it ap Parìsi mene he'nakìt inom, ap Saluki mene he'nakìt inom, inebe logolegat ima pelaginabuagalùk he, at oba waganem yì'nogo yogoisìkì lagaike: “Hit walo nen tagokwe mene yoma sanì! Hit he, Ala a'mage apik lagagin a'nogo hinoba hikenem hese elok logoin ìlùk sa nen yogohisikomo. Mea o.

2 PETERÙT 3:15

Atì'nogo hagatì logolìk, hina'la nen he: “Ninoe Etagepogot etaùken uan nen, hepok wagì'lek oan werek atì re, telninabigìlùk eram enat oan se'nisek werek,” ìlùk hina'la akano. At ninoe Paùlùt ebe ninetawì mene a'nogo Ala nen a'la kagalhìkomo wene atì'nogo ìlùk helal waganogo hinoba lakhei wagaike atì.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

1 TESALONIKA 4:6

Ati mene hesik higit hogo hagatì logolìk he, hinerùgì hinagaiya'lak ineil salogo inagagwì inagonì mene pailak haksasak lek o,” ìlùk, Ala a'la nen atì'nogo akìlìk yogonisikerek atì. Atì'nogo ikerek atì nen, alebat nit en ìkì logolìk he: “It apùnì pailak atì'nogo haksagarek mene hùgì, ninoe Etagepogot en ùkùm inoba hegein werek o,” ìlùk, hinasuk ning hogo warogo yogohisasugu atì.

1 KORÌTÙT 4:14

An nen helal wanhì lagì yì re, hit hinekalì wasigìlùk wanhì lagì hùk. We, hit hinebe an ebe nagainapùrì mene negen netawì logolìk hinasuk watì lagì o.

LAKSASIKE 13:38

“Nerùgì nagaiya'lak. Wene yì hinelurogo logoino o. At Yesùt Ala nen atì'nogo eluguthesike atì ba, hit weak hagatì lagep mene atì, at en sagalogo legetsoagalùk yogohisìkì lago atì.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 17:18

Atì'nogo ìkì logolìk he, at en it apùnì wene Epikùrot wene hesogo logolìk it aike yakùlisìkì lagaukwa mene mel, wene Sitoa wene hesogo logolìk, it aike yakùlisìkì lagaukwa mene mel, wene ina'la kagalogo yogoisikenem, it en oko yogotìk, it an at yogotenem, at en oko yogoisìgìk, ìkì lagaukwa. Atì'nogo ìkì lagaukwa mene aike nen he, at Paùlùt hesik mel isukwa: “At he, wene elu nogo? Okot. We, hamùlùgat elu logolìgat he, ane nek motok apik yogonisìlì'logo,” ìlùk isukwa. Atì'nogo isukwama, it aike nen he, at Paùlùt en hano wene yogoisìkì logolìk he, Yesùt en hagasike wene yogoisìgìk, apùnì wa'lari'mo nen Ala nen inelugurinaperek wene yogoisìgìk, ìkì lagaike atì nen, mel isukwa: “Apùnì hùnogo mene inawesa wene hesik yogonisìlì'logo he a,” ìlùk isukwa.

KOLOSE 2:3

Ala a'la kagalek logolìk, yì wene tì wene motok elu atì, at a'la hinago welagaike meneat he, Karìsùt aligat en hukalogo yogonisikerek.

KOLOSE 4:12

At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.