KOLOSE 1:24 - Ala Ane Wene Ket Mene Warogo Wo'ninapike Wene

²⁴ An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

KOLOSE 1:24 ပူးပေါင်းရင်းမြစ်များ

MAREKÙT 10:39

it en he: “Elok nasagat o,” ìlùk yogosukwama, at en he, mel yogoisasike: “An yì aik tì aik haga'nabugun atì hak, hit atì'nogoat hagathinabugun o. Nen, ima pelaginaparek hak, an pelakhanugun atì re, hit atì'nogoat pelakhikogoinat o.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

ÙRÙM 5:3

Atì hesik enek nina'la hai hakìkì lago hùk. Yì aik tì aik hogorek atì ba, ninetaùken wurik agarek atì nen he, atì'nogo weaga'ninapo kolek, nina'la hai hakìkì lagoat o.

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

1 KORÌTÙT 12:27

Hit hinebe lapuk hogo Karìsùt ebe hakeat logolìk he, hinebe lopok, at eki esok negen oba hutik welagep o.

2 KORÌTÙT 12:15

Atì hagat he, hit hinetaùken hesik an nagarok yì mene tì mene hikìgìk, nebe mel hikìgìk, netaùken oba nen na'la hai hakìkì logolìk usagat welagì o. An hit hinebe netaùken tùlem werek kolegat he, hit enek he, an nebe hinetawì lek negen logousak nogo?

2 KORÌTÙT 6:10

Nina'la weak logolìgat he, hai hakiko motok welago. Yì mene tì mene ninekim lek meneat he, apùnì logolegat ebe mene ineilmo wùlalhak asuagalùk hagatsìkì lago. Ninagarok motok lek meneat he, ebe mene obogat ese agosik welago.

2 KORÌTÙT 7:4

An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.

EPESÙT 1:23

Nit Ala againapùrì ninebe at Karìsùt ebeat o. Ma re, yì mene tì mene, pogot oba kweangma welagarek mene obogat a'la Karìsùt ebe peserogo logolìk, nit Ala againapùrì at ebe hake were'ma, nina'la peserogo welagarek atì.

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

EPESÙT 3:13

Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

PILIPI 3:10

At Karìsùt yì aik tì aik hìlìk hìlìk wa'lagaike hak, neperak higit hogoat, an atì'nogoat aik hìlìk hìlìk, wa'lasusagat akìkì lagì. Ma re, at wa'lagaikesi'mo, Ala omame ba eluguthesike hak, an atì'nogoat wa'lari'mo, nelugu'nabìgìn, ìlùk, oba eberegat welagì.

KOLOSE 1:18

Nit Ala againapùrì ninoe kain at Karìsùt logolìk, ninebe ninelugu'ninaperek atì nen, at ebe eki esok negen welagorek. Yì mene tì mene abel negen werek kolek, at Ala nen, “Esin he, an naput makusa meneat logouak,” ìlùk, at ebe wa'lagaikesi'mo nen, eluguthesike atì.

2 TIMOTÌÙT 1:8

Ati nen he, ninoe Etagepogot abok apùnì aike yogoisasak hekalì lek hogo pak hogoat yogoisìgìk, nen, an at hesigat neki hele warogo hanhama welagì yì hesik, hekalì lek halong hogo welagìk, ìkì logoino. Atì'nogo ìkì logolìk, apùnì aike nen hano wene atì hesik, yì aik tì aik haga'ninapo kolegat, an Ala omame ba welagìrek hagat, hepe morogo logoino.

YAKOBÙT 1:2

Nerùgì nagaiya'lak. At Ibilit en hina'la kagalìgìlùk yì ùkùm tì ùkùm hinoba hikenem hina'la hai hakìkì logoino o.