KOLOSE 1:22 - Ala Ane Wene Ket Mene Warogo Wo'ninapike Wene

²² Atì'nogo meneat he, hit hinebe at Ala okawerek hesik hakìlìk, at eilhanem ùkùm hinoba lek hogo hano tegelek logouagalùk, aput ebe wa'lagaike atì ba, okawerek hinom lapulogo hikasikomo welagep atì.

KOLOSE 1:22 ပူးပေါင်းရင်းမြစ်များ

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

IBERANI 10:10

Nen, at Yesùt Karìsùt Ala a'la walok mene atì hagatì logolìk, at ebe omake hesik wa'laga logolìk, Ala wogosike atì ba, nit ninebe Ala hesik motok hisikomo welago.

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

ÙRÙM 7:4

Atì hak he, nerùgì nagaiya'lak. Hit alep he, hìmì inagonì inom hele homage hake welagaikarek ogo atì hak, wene Ala nen ninasuk wasike wene a'nogo ba homago were'ma, at Karìsùt ebe wasukwama wa'lagaike atì, hinomat wa'laga logolìk, hele hake homago welagagip mene atì arat hikalagaike atì. Atì nen he, hìmì inagonì wa'laganem aike elok woginabusak atì hak, hit Ala hesik hano hagatì logouagalùk, at Yesùt wa'lagaikesi'mo Ala nen eluguthesike mene a'nogo nen wokhinapikomo welagep o.

IBERANI 10:20

Nit atì'nogo kusak atì re, o hùlù su mene ba hùlì warek atì, at Yesùt ebeat. Ma re, nit apùnì ninelugu'ninabiginmo kuagalùk, kwe at Yesùt ebe wa'lagaike atì ba, kwe ket mene nit hesik yasike.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.

1 TESALONIKA 4:7

Ala nen, nit weak hagatì logouagalùk ninayoko hesike lek o. We, ninebe at okawerek hesik hisìlìk, tegelek logolìk, higit hogo hagatì logouagalùk ninayoko hesike atì.

2 KORÌTÙT 4:14

Atì'nogo yogoisìkì logolìk, nina'la mel akìkì lago. At Ala nen he, ninoe Etagepogot Yesùt apotkwe eluguthesike atì hak, nit at ninom higit hogoat ninelugu'ninabìk he, hit ninomat Yesùt oba hina legein ìlùk ninelu.

2 KORÌTÙT 5:18

Mene re, yì mene tì mene atì obogat at Ala nenat hagaterek o. At enat Karìsùt hagasike atì ba, Ala okawerek ninom lapuk hogo hinasike. Atì'nogo hinasikesik he, apùnì aike at inom inapotkwe lapuk hogo hisagalùk wene atì nit en yakùlisoagalùk nit ninoba hesike.

KOLOSE 1:28

Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.