KOLOSE 1:18 - Ala Ane Wene Ket Mene Warogo Wo'ninapike Wene

¹⁸ Nit Ala againapùrì ninoe kain at Karìsùt logolìk, ninebe ninelugu'ninaperek atì nen, at ebe eki esok negen welagorek. Yì mene tì mene abel negen werek kolek, at Ala nen, “Esin he, an naput makusa meneat logouak,” ìlùk, at ebe wa'lagaikesi'mo nen, eluguthesike atì.

KOLOSE 1:18 ပူးပေါင်းရင်းမြစ်များ

LAKSASIKE 26:23

It en he, Karìsùt ebe wa'larìk he, at tak eluk arìk, wene lìarinabigin wene atì, apùnì Yahuri mene yogoisìgìk, etakwe mene yogoisìgìk, igin o, ìlùk isukwasik helal waganogo hesukwa atì hagat an nen ìkì lagì o,” ìlùk yogosike.

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.

1 KORÌTÙT 11:3

Atì'nogo meneat he, wene omakeat aike yì hinelu asusak mene akìkì lagì. Nit ap ninebe lopok, ninoe Etagepogot Karìsùt metek were'ma awe a'ma logousak. Nen, hìmì inebe lopok he, inagonì kain metek were'ma inawe a'ma logousak. At Karìsùt atì re, opase kain Ala metek were'ma awe a'ma welagarek o.

ABÌKAKAN 21:6

Atì'nogo yogonetesik, hobuk aike mel yogonete: “Ero mel, erepùl mel, anatma, an nebe re, ero ba nen pìkìt, erepùl oba nesok motok logogin mene nen, i nele mene i inelugurinaperek mene elesimo nen hinagasogo oko lek welegat wogisìkì logogin o.

1 KORÌTÙT 15:25

Atì'nogo hegein atì, at Ala nen Karìsùt aselei mene obogat esok en al lebelogo hisoak en awe a'ma hisa wesigin atì oan werek kolek, at Karìsùt ebe kainat motok logogin.

ABÌKAKAN 11:15

Atì'nogo isìgìrìk oba nen, it malaikat inebe 7 nen amanogo, inebe 6 oba inapìkon arat anethagasik oba nen, aike apìkon anethikenem he, pogot oba nen inane hùkorogo yì'nogo ikenem holhì: “Alep apùnì kweangma mene nen inawe a'ma hisìlìk hagisek welagaukwa mene re, yogotak ninopase Etagepogot Ala nen ninoe Karìsùt en telninabuagalùk menhesike mene a'nogo eperak en inawe a'ma arat hinagasik, at Karìsùt en ha'nisek moto'-motok logogin o,” ìlùk ìkì lagaika.

ABÌKAKAN 1:18

neluk motok welagìrek he, anat o. An nebe arat wa'lagagi meneat he, lakhan! Neluk agagisik, neluk motogat logogin o. Wa'lagaikarek atì mel, wa'la'lùk lagaikare'ma atì mel, kwe hùtùkwe an neki ba werek o.

ABÌKAKAN 1:8

Ninopase Ala Etagepogot omame apik atì, esok motok logolìk, holo welagaike, yogotak weregat, hobuk motok logogin mene wesigin a'nogo nen ìkì logolìk he, “Ero mel, erepùl mel, anat o,” ìlùk ìlì'logo o.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

EPESÙT 1:10

Wene at a'la hinago welagaike atì ebe re, hobuk haga'lasusak oba haga'lasi laganem, at en yì mene tì mene pogot oba welagarek mene inom, kweangma welagarek mene inom, obogat lapuk hogo Karisùt aligat awe a'ma hisegein mene hesik abok yogonisasike atìat o.

YOHANET 1:27

At atì ebe hobuk an nopolik waga meneat he, at ebe kain. An nebe yekerek atì nen he, at esok agùt hele homago mene atì, an nen hikalusak mea o,” ìlùk yogoisasike.

YOHANET 1:16

Nen, at oabùt hano motok en ninebe obogat hobugalep hano'ninabì'logo.

YOHANET 1:1

Emakum ero ba nen, wene Ebe Wene welagaike. Ebe Wene atì re, Ala eperagat logolìk he, ebe Ala at.

ABÌKAKAN 3:14

Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

1 YOHANET 1:1

Wene helal waganogo hinoba lakhei wago atì ebe re, ebe wene ninelugu'ninaperek mene emakum ero ba nen welagarek a'nogo mene. Wene atì, nit arat ninasuk holhìk, nineileken tomok hìgìk, yerogo welagìk, nineki hakìgìk, isugu mene a'nogoat o.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

MATÌÙT 23:8

Meneat he, hit hinopase re, guru wene yakùlhisikerek mene omakeat enek werek atì nen he, hinerùgì hinagaiya'lak hinom higit halok, it aike nen, Guru noe, ìlùk yogohisasak motok lek o.

1 KORÌTÙT 12:27

Hit hinebe lapuk hogo Karìsùt ebe hakeat logolìk he, hinebe lopok, at eki esok negen oba hutik welagep o.

KOLOSE 2:19

Ninebe yì ninùkùloak inom hutik were'ma, nineki ninesok ekalim ninomaken oba hùnogo hinasikomo, ninapùrùk nikenem amusu ninoagelekwe laganem, ninebe huko agorek hak, nit Ala againapùrì Karìsùt ninom hutik were'ma, at Ala nenat hùkothiaikerek atì. Meneat he, it atì atì'nogo ninoe kain Karìsùt inom hutik welagaukwasik enat he, hobuk kopologo laksasukwa atì nen, inane holhùp o.