KOLOSE 1:17 - Ala Ane Wene Ket Mene Warogo Wo'ninapike Wene

¹⁷ At Ala nen yì mene tì mene oan elalhì'lek werek kolek welagaikesik he, yogotak yì mene tì mene obùlù'mo lopok werek atì, at enat hesogo were'ma hano werek o.

KOLOSE 1:17 ပူးပေါင်းရင်းမြစ်များ

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

1 KORÌTÙT 8:6

Atì'nogo meneat he, nit ninopase Ala ebe omakeat. Aike lek. Yì mene tì mene obogat at en elalhikomo re, ninebe at hesigat welago. Atì'nogoat, ninoe Etagepogot Yesùt Karìsùt ebe omakearat o. Yì mene tì mene obogat Ala nen elalhike atì, ebe at Yesùt en elalhikesik, ninebe at enat telninapikomo nineluk welago.

LAKSASIKE 17:28

It aike nen atì'nogoat ìlùk mel isukwa: At Ala omame ba ebe ninom hutik nineluk logolìk, kwe lagìk, yì mene tì mene hagatìk, ikoat welago, ìlùk isukwa. Atì'nogoat wùnì ap hit mene nen mel ìlùk helalhukwaat: Nit obogat he, at againapùrì welago, ìlùk isukwa atì.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

YOHANET 8:58

at en he, mel yogoisasike: “An nane eberogoat yogohisak o. Ap Aberaham atì ebe oan ta'lagì'lek werek kolek, an nesok motogat welagìrek o,” ìlùk yogoisasike.

ABÌKAKAN 1:8

Ninopase Ala Etagepogot omame apik atì, esok motok logolìk, holo welagaike, yogotak weregat, hobuk motok logogin mene wesigin a'nogo nen ìkì logolìk he, “Ero mel, erepùl mel, anat o,” ìlùk ìlì'logo o.

KOLOSE 1:15

Ala ebe nineileken hogorek lek meneat he, ebe poto hagarek hake, Yesùt ebe atìat o. At Ala nen, yì mene tì mene, pogot oba mene mel, kweangma mene mel, nineileken hogorek mene mel, hogorek lek mene mel, elalhike atì. Nineileken hogorek lek mene aike re, malaikat inomame apik logolìk inawe a'ma hagisek were'ma inane hologo welagaikarek mene atìat. Ala nen atì'nogo obogat elalhike atì, ebe re, at Karìsùt enat, okawerek hesigat elalhike atì nen, yì mene tì mene obogat atì, abel negen werek kolek, esin he, Ala aput makusa mene Karìsùt at atì.

ABÌKAKAN 1:17

Atì'nogo were'ma hìgìrìk he, nayùk en nelokwe sogoum warek hake, at elokoma awe a'ma po i laganem he, at eki ebekwe nen ha'niikesik he, mel yogonete: “Hayù'lek ame. An nebe re, ero ba nen pìkìt erepùl oba nesok motok logolìk he,

IBERANI 13:8

At Yesùt Karìsùt ebe re, o holo nen, yogotak en, esok motok welagarek atì hak, hobuk atì'nogoat esok motok logogin o.

ABÌKAKAN 2:8

Atì'nogo yogonetesik, hobuk yogonetì logolìk, “An he, ero ba nen pìkìt erepùl oba motok logogin mene a'nogo arat wa'lagagisik en hobuk neluk agagisik welagìrek mane a'nogo nen, wene yì yogohesik: At Ala nen malaikat ayoko hìlìk lakhei wesu hak, at againapùrì o Simirina atogotarek mene inayoko hìlìk hisasikomo werek a'nogo, wene an nen it yogoisegein mene yì, hat an helal waganogo inoba lakheinok en, it mel yogoisak:

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.