KOLOSE 1:15 - Ala Ane Wene Ket Mene Warogo Wo'ninapike Wene

^15-16 Ala ebe nineileken hogorek lek meneat he, ebe poto hagarek hake, Yesùt ebe atìat o. At Ala nen, yì mene tì mene, pogot oba mene mel, kweangma mene mel, nineileken hogorek mene mel, hogorek lek mene mel, elalhike atì. Nineileken hogorek lek mene aike re, malaikat inomame apik logolìk inawe a'ma hagisek were'ma inane hologo welagaikarek mene atìat. Ala nen atì'nogo obogat elalhike atì, ebe re, at Karìsùt enat, okawerek hesigat elalhike atì nen, yì mene tì mene obogat atì, abel negen werek kolek, esin he, Ala aput makusa mene Karìsùt at atì.

KOLOSE 1:15 ပူးပေါင်းရင်းမြစ်များ

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

YOHANET 14:9

at Yesùt en he, mel yogosike: “Pilipùt nagot e. An o hageat a'loma nenat ninom welago meneat he, hat en an nebe hùthanì'lek welagenma hìgì, ì a? At sa nen an eileken niike atì re, an nopaseat eileken hike o. Atì'nogo meneat he, hat en, Hopase atì yakùlnisan o, ìlùk egen atì nìkì'nogo nen egen.

YOHANET 1:1

Emakum ero ba nen, wene Ebe Wene welagaike. Ebe Wene atì re, Ala eperagat logolìk he, ebe Ala at.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

PILIPI 2:6

At ebe re, Ala meneat logolìk, a'la nen he, “An Ala neperak higit hogo welagì yì, yì hagat motok logogin,” ìlùk akìgì'lek,

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

1 TIMOTÌÙT 1:17

Ninopase kain Etagepogot Ala atì aligat o. At ebe nineileken hogorek lek. Walhobak esok motok welagarek mene atìat o, ìlùk, hogoratìk, hai watìk, iko motok logouok o, ìlùk, “Amin,” ìgì atì.

ABÌKAKAN 3:14

Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

IBERANI 1:6

Atì nen he, Ala nen aput omakeat tago kweangma yoma pelakhei wagaike atì sat he, it malaikat yì'nogo yogoisasike: “Hit an nagoromì malaikat obogat he, at enek oba hìpìrìk logolìk hogorati logoino o,” ìlùk yogoisasike.

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

YOHANET 3:16

Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

KOLOSE 1:13

Nit alep o mùmmo weak mene nen awe a'ma hele warogo ha'nisek were'ma, Ala nen hele hikalogo wo'ninabìk he, aput etawì mene a'nogo ha'nisek logouagalùk awe a'ma hinikomo welago.

IBERANI 11:27

Atì'nogo akìlìk wùlìpikesik he, etaùken Ala oba hìpìrethìlìk, “Ap kain Piraùn atì a'mage lagousak atì nayùk e,” ìlùk a'la akìgì'legat, Ala ebe nineileken hogorek lek mene atì eileken hìkì logolìk negen, “Netaùken at oba lakhìgìrì'mo re, wùlìbiginat o,” ìlùk o Mesit heraksalùk wùlìbi wagaike atì.