KOLOSE 1:12 - Ala Ane Wene Ket Mene Warogo Wo'ninapike Wene

¹² ninopase Ala hai watìk, ìkì logousak atì. At ninopase nen, at againapùrì aike hinomat lìa ba hinawìwerek logouagalùk hagathinapikomo welagep atì nen, arat hai watì logousak atì.

KOLOSE 1:12 ပူးပေါင်းရင်းမြစ်များ

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

YOHANET 4:23

Atì'nogo Ala hogoratorek meneat he, it apùnì nen hobuk Ala hogoratì logolìk hùnogoat negen hogorasugun mene weregat o. At Ala a'la nen he, An Nareagùn nen, Ala ebe atì hake, ìlùk yakùlisikenem higit hogo eberogoat hogo'napì logouak, ìlùk, akikerek atì nen he, yogotak ya nen atì'nogo hogoratì logousak o.

LAKSASIKE 20:32

Wene Ala oabùt hano nen wo'ninaperek atì wene hineki ning hogo hesogo logouageip ìlùk, yogohisìgì. Yogotak he, at Ala omame werek mene nen, wene atì ba hinetaùken wurigethinapìk, yì mene tì mene at againapùrì wogisagalùk hisasike mene wokhisìgìk, elok usak mene eki ba hikìgì o.

ÙRÙM 11:17

E saitun ero hano mene were'ma re, eki aike palogo, laksìlìk he, obùlù'mo e saitun ekama mene eki palogo hùnesi wesumo re, ero hutik logolìk amusu werek logou hak, hit atì re, hinebe eta'ma mene Ala nen it Yahuri mene amanogo hinom hùnogo hikasikomo hano welagep o.

ÙRÙM 15:27

It apùnì Yahuri mene nen it etakwe mene inebe hano asuagalùk Ala ane wogisasukwasi'mo nen, it en hobuk lagak hogo yì mene tì mene inalabut hesik leberisasak higit obaat atì'nogo ina'la kagalogo hisaga o.

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

ÙRÙM 9:23

It atì hesik atì'nogo epe morogo logolìk, nit hesik mel akìlì'logo: “It aike netawì mene hanorinabigìlùk emakum elalinapigi atì, hano motok hagarinabigin mene inelu unak o,” ìlùk akikerek.

1 KORÌTÙT 8:6

Atì'nogo meneat he, nit ninopase Ala ebe omakeat. Aike lek. Yì mene tì mene obogat at en elalhikomo re, ninebe at hesigat welago. Atì'nogoat, ninoe Etagepogot Yesùt Karìsùt ebe omakearat o. Yì mene tì mene obogat Ala nen elalhike atì, ebe at Yesùt en elalhikesik, ninebe at enat telninapikomo nineluk welago.

1 KORÌTÙT 9:23

An it apùnì obogat inoabùt atì'nogo waganogo hagatì lagì atì re, it ninom hano mene esewerek asuogolùk hano wene atì hesigat hagatì lagi o.

2 KORÌTÙT 11:14

It hagarì'lùgì atì elalinat hagarì'lùgì hùk. Inopase Ibilit okawerek apeliak en he, malaikat lìa wene wolok wagaikarek hak hagarogo wagarek hak hagarì'lùgì o.

2 KORÌTÙT 5:5

At Ala nenat hobuk atì'nogo haga'ninabigìlùk tegelogo hinasikesik, “Eberogoat hagathinabigin,” ìlùk, yì mene tì mene lilu tak nekarek hak, Areagùn wo'nisasikomo nina'la werek.

EPESÙT 1:11

At Ala nen he, “Yì'nogo haga'lasuak, tì'nogo haga'lasuak,” ìlùk a'la akikerek higit hogoat yì mene tì mene obogat hagatenem haga'lagarek atì nen he, “It inebe an nokawerek nagainapùrì asuak,” ìlùk weteberogo wo'ninapikomo re, esewerek agagu atì.

EPESÙT 1:18

At enat hina'la lìathinapenem, hit en he, “Ninayoko hesike mene a'nogo nen hobuk hano'ninabigin,” ìlùk, hina'la hairogo oba eberek welagep mene a'nogo hinelu agìk, yì mene tì mene hano mene hogorato motok logogun mene at againapùrì wo'nisagalùk hùkorogo hologo hinasike mene atì, hinelu agìk,

EPESÙT 3:6

Hano wane atì ba, it apùnì etakwe mene mel, Yahuri mene mel, inom higit hogoat esewerek haga'lagìk, Karìsùt ebe omakeat mene ninom higit hogo hùnogo hinìgìk, ikomo welago. Wene hageat Ala nen, “Tì'nogo hagathinabigin,” ìlùk, abok yogonisasike a'nogo ba, “Apùnì etakwe mene Karìsùt Yesùt inom hutik were'ma, hano wene atì ba ninom higit hogo haga'ninabigin,” ìlùk, ninelu aga atì.

EPESÙT 4:6

Ninebe obogat ninopase Ala omakearat. At aligat ebe esin Etagepogot po ya welagarek. Nit obogat en yì mene tì mene hagatorek atì, ebe at enat hagaterek o. Hagatì logolìk, ebe nit obogat nina'la welagarek atì.

EPESÙT 5:11

It o mùmmo logolìk he, hanorinabigin lek mene weak hagarì'lùgì mene atì re, hinom lapuk hogo hagatì logousak lek. At he, atì'nogo hagatenem hukalogo wenagisìkì logoino.

EPESÙT 5:20

Ninhùp-nanhùbat yì mene tì mene obogat hesik he, ninoe Etagepogot Yesùt Karìsùt etage palogo re, ninopase Ala hai watì logoino o.

EPESÙT 5:4

Pailak haksagarek mene abok ìgìk, wene inetaùken lek egarek mene ìgìk, inekalìma mene hesik asegenabok ìgìk, usak lek mene atì ìgì'legat, Ala at hai watì logoino o.

EPESÙT 5:8

Hit alebat he, o mùmmo welagagip meneat he, yogotak ninoe Etagepogot hinom hùnethìlìk, o lìa ba welagep atì nen he, hinoabùt o lìa ba logolìk hagatì logousak meneat higit hogo hagatì logoino o,

KOLOSE 2:2

Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.

KOLOSE 3:15

At Ala nen Karìsùt ebe omakeat mene hinom lapuk hogo hutik logouageip ìlùk hinayoko hesike atì nen, yì hesik tì hesik hagasuogolùk, hina'la nen he, “Karìsùt en ninom lapuk hogo hinasikomo welago,” ìlùk, wene atìat esinethìkì logolìk he, higit hogo hagatì logoino. Atì'nogo hagatì logolìk, Ala ebe hai watì logoino.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

IBERANI 12:23

Ala againapùrì makusa mene inetage pogot oba helal waganek werek mene atogorek ina'la hai hakiko mel, it apùnì hano hagatì lagaukwama Ala nen katok hogo hanorinapike mene inareagùn mel, Ala ebe, apùnì obogat ùkùm inoba hìgìk, kotìk, ikerek mene a'nogo mel, inom were'ma oba wagep o.

IBERANI 3:1

Atì nen, Ala againapùrì nerùgì nagaiya'lak. At Ala pogot oba nenat hit ninomat ninayoko hesikomo wene wanhugusik pak hogo ìkì lago atì hesik, at Yesùt ebe Ala esewerek kain logouagalùk, Ala nenat lakhei wagaikomo werek atì halok, hit hinetaùken oba nenat hùthìkì logoino o.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

YAKOBÙT 3:9

Ninameli atì ba ninopase Etagepogot Ala hogoratìk, apùnì at ebe hake elalinapike mene homan hisìgìk, ogorek atì.

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

ABÌKAKAN 21:23

Nen, o kota atoma Ala apopok yatìk, Topa Eak a'nogo esage hake yatìk, lìarogo yato kolek nogo nen he, mo mel, tugi mel, yatì logousak legat welaga hìgì.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.

ABÌKAKAN 22:5

Nen, Ala ebe apopok it inebe lìarinapo kolek nogo nen he, a hùako legat, nen esage mel, mo mel, yatì logousak legat, werek kolek, it kaintek inetagepogot logolìk, apùnì aike inawe a'ma hisìlìk hagisek moto'-motok logogun isìgì o.