KOLOSE 1:10 - Ala Ane Wene Ket Mene Warogo Wo'ninapike Wene

¹⁰ Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

KOLOSE 1:10 ပူးပေါင်းရင်းမြစ်များ

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 15:8

Hit hineken apik isu hak hano mene hùkorogo hagasugun halok, apùnì nen an napase hogorasugun o. Hit hinebe ebe nagoromì nane wanhì lagep mene logolìk, atì'nogoat hagatì logogun o,” ìlùk yogoisasike.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

ÙRÙM 1:13

Nerùgì nagaiya'lak. An nen, apùnì etakwe mene he'nakìt o yì awì tì awì a'loma wene yogoisìkì lagagimo wanhukwa hak, hit atì'nogoat wanuageip ìlùk neki apik oba hinoba wesigìlùk akìkì lagì meneat he, nakwe palek en kamo ìkì lagì atì hinelu asuageip en ìlùk yogohisìgì o.

ÙRÙM 4:12

Ninopa Aberaham atì ogat ekalìma mene atì'nogo pale'lek logolìk, etaùken Ala oba hìpìrethesike hak, nit ninogat ninekalìma mene atì'nogo nek palek halok, Aberaham ninopa usak mea o. At he, Aberaham oabùt waganogo ninetaùken atì'nogo Ala oba hìpìrethogo mene halok, Aberaham ninopa usagat o.

ÙRÙM 6:4

Ima pela'ninapì logolìk he, at ebe warek salhukwa hak, nit at ninom hutigat were'ma warogo hinasukwa. Nan, at Karìsùt wa'lagaikesi'mo nen, opase omame apik hogoratarek mene a'nogo nen eluguthesike hak, nit yogotak ninelugu'ninapikomo ninoabùt ket hùnogoat hagatì logouok o.

2 KORÌTÙT 2:14

Atì'nogo meneat he, at Karìsùt omame agaikesik elokwe wanho kolek nikenem, nit at ninom hutik mene Ala nen Karìsùt opolik wo'nisek nikerek, ìlùk hogorasuok o. Atì'nogo wo'nisek nìkì logolìk, obasi hano mene sang-pang hogo lagarek hak, at Karìsùt hagasike wene a'nogo nit en wìalogo o yì awì tì awì wolok loagalùk wo'nisek nikerek.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

2 KORÌTÙT 5:9

At Karìsùt en nit obogat ninogat yì ba logolìk hagatì logogun mene lopok ninanema waganogo ùkùm ninoba hìgìk, kotìk, ìkì logolìk, hano hagato mene halok, “Hano,” ìgìk, nen, weak hagato mene halok, “Weak,” ìgìk, higit hogoat yogonisegein o. Atì'nogo yogonisegein atì nen he, nit o yoma okùlùk logolìk mel, hobuk at aua kìlìk mel, ninetaùken tùlem, at a'la hanorogo nek hagatì logou walok en hagatì lago atì.

2 KORÌTÙT 9:8

Apùnì inoabùt hano hagatarek mene hesik, Ala ane ba helal mel waganek werek: “It en hano mene apùnì ya wogisìgìk, ta wogisìgìk, sùpùrisìkì logolìk, it aike inelageik mene sùpùrisagarek. Inoabùt hano nen wogisagarek atì, Ala a'la eberek motok logogin o,” ìlùk helal waganogo hesukwa hak, at Ala oabùt hano nen, yì mene tì mene oba hilarogo wokhisikenem, hit ninhùp-nanhùlp hinokawerek hesik elok logolìk, oba hilarogo it aike hanorogo leberisìkì logouageip ìlùk, Ala nen elok wokhisasak werek o.

EPESÙT 1:17

Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

EPESÙT 4:13

Atì'nogo hagatì logopik, ninetaùken at oba hìpìrìk logolìk he, ninebe omakeat mene hake haga'lagìk, Ala aput atì ebe tùkùm hogo ninelu agìk, at Karìsùt yì hesik tì hesik etaùken katok hogo wurik motok welagarek hak, nit ninetaùken atì'nogoat wurik agìk, ugun atì.

EPESÙT 5:10

Hina'la nen he, “Ninoabùt nìkì'nogo hagatì logogun oba ninoe Etagepogot oba lìok igin,” ìlùk, hina'la hùthìlìk, hinoabùt atì meneat yakùlino.

EPESÙT 5:15

Atì nenat, hinoabùt hebelogo hagatì logoino o! Apùnì inetaùken abit mene nen hagatarek hak hagatì'lek, inetaùken kagauksek mene nen hagatarek haùk hagatì logoino o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

PILIPI 4:18

Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

KOLOSE 2:19

Ninebe yì ninùkùloak inom hutik were'ma, nineki ninesok ekalim ninomaken oba hùnogo hinasikomo, ninapùrùk nikenem amusu ninoagelekwe laganem, ninebe huko agorek hak, nit Ala againapùrì Karìsùt ninom hutik were'ma, at Ala nenat hùkothiaikerek atì. Meneat he, it atì atì'nogo ninoe kain Karìsùt inom hutik welagaukwasik enat he, hobuk kopologo laksasukwa atì nen, inane holhùp o.

KOLOSE 2:6

Hit en he, “Karìsùt Yesùt ninoe Etagepogorat o,” ìlùk ebe helasigip atì nen, hinom hutik motok logoino o. Atì'nogo logolìk, hinoabùt he, wene yakùlhisasukwa higit hogoat,

KOLOSE 3:20

Nen, hit yekerùgì, nagoromì. Hinagosa, hinopaselak en, yì mene tì mene hesik yogohisikenem, inane hologo hagatì logoumo, ninoe Etagepogot oba lìok igin atì nen, atì'nogoat hagatì logoino o.

KOLOSE 4:5

It apùnì Ala ane inokot mene hesik he, hit hina'la motok kagalek logolìk, “Nit Ala againapùrì hagasusak mene hanoasuak ya baat hagatì logouok,” ìlùk atì meneat hagatì logoino.

1 TESALONIKA 4:1

Nerùgì nagaiya'lak. Wene elùgùn oba aike yì yogohisak. Nit ninoe Etagepogot Yesùt en, “Hinoabùt Ala a'la hanorogo, yì'nogo hagatì logoino, tì'nogo hagatì logoino,” ìlùk, isikomo yakùlhisa wagagu a'nogo hinelu. Atì'nogo yakùlhisasugumo, hit en atì'nogo hagatì lagep meneat he, hobuk aike inom hogo hùkorogo hagatì logouageip ìlùk, ninoe Etagepogot Yesùt ninom hutik logolìk hinasuk warogo yogohisìgì atì.

2 TIMOTÌÙT 2:4

It ap ekaragùntek atì, inogogì kaintek ina'la hai hakoagalùk, weim yapì logolìk, yì mene tì mene ouma mene oba ebetì'legat yaparek atì.

TITUT 3:1

Ala againapùrì hat en hagisek welagen mene atoma nen, inogogi pemerintah mene kaintek inawe a'ma were'ma, it en yì mene tì mene higit hogo hagasuagalùk ikenem, “Ì o,” ìlùk inane hologo hagatì logouagalùk inasuk watì logoino.

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.

IBERANI 11:5

At ap Henok etaùken Ala oba hìpìrìk welagaike atì ba, ebe wa'lagì'lek. We, Ala nen elugat wanhikomo, it apùnì aike nen ebe herasukwa meneat he, ineileken hìgì'lek. At ebe atì'nogo oan wanhì'lek werek kolek, “At Henok Ala a'la hanorogo nek hagatì lagaike,” ìlùk isukwama Ala ane ba helal waganek werek.

IBERANI 13:16

Atì'nogo ìkì logolìk, apùnì aike hano hagarinapìk, leberisìgìk, ìkì logouok. Atì'nogo ìkì logousak atì re, Ala a'la hanorogo ako waretì logou hagat ma re, oba lì'mathousak motok lek o.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

2 PETERÙT 1:8

Hit he, hinoabùt atì mene obogat ese arìk, hobugalep hùkorogo ese arìk logogun atì nen, we tùlemat alemarogo welagì'lek, ninoe Etagepogot Yesùt Karìsùt sekek hogo hinelu asugun o.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.