KALATIA 6:9 - Ala Ane Wene Ket Mene Warogo Wo'ninapike Wene

⁹ Halok he, ninomame lek agì'legat hano mene hagatì logogun halok he, yì mene tì mene yakhìlìk higit asi laganem, ebe palharek hak, hobuk elùgùn oba ebe hano mene helogoin atì nen he, ninaberalì agì'legat hagatì logouok o.

KALATIA 6:9 ပူးပေါင်းရင်းမြစ်များ

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

2 TESALONIKA 3:13

Nerùgì nagaiya'lak. Hano mene hagatì logolìk, hinaberalì agì'lek hagatì logoino o.

IBERANI 12:3

Hit hina'la pùk arìk hinomame lek asinogo ìlùk, it apùnì weak hagatarek mene nen at Yesùt ina'la nen meathìlìk, ebe weagathiko kolek halolotsìlìk epe morogo welagaike atì, hit en he, “At nìkì'nogo hagasike nogo,” ìlùk hina'la nen hùthìkì logoino o.

YAKOBÙT 5:7

Ati nenat, nerùgì nagaiya'lak. Ninoe Etagepogot ebe oan wagì'lek werek kolek he, hina'la pùk agì'lek hinepe morogo serogo logoino o. Apùnì nen yabu wagane'ma sùpùrùk awì yakhìlìk welagaikarek atì hina'la hùtheni! Atì'nogo awì yakhìlìk werek kolek moso o mo lagaiko kolek nìkìk, piko kolek nìkìk, hobugalep niko kolek ina'la pùk agì'legat, “Hobuk sùpùrùk isalo aganem ebe hùko mene takegein,” ìlùk inepe morogo serogo welagaikarek atì hak,

1 PETERÙT 3:17

Hit weak hagatenem hinoba yì aik tì aik hinoabùt oba hìkì logogun halok weak. Meneat he, hit en hano hagatenem, Ala nen, “It yì aik tì aik hoak,” ìlùk akike halok enek he, hano o.

2 KORÌTÙT 4:16

Atì nenat, nina'la pùk arìk heraksìgì'lek ning hogo hagati lago. Ninogat etakwe yì re, weak aga kolegat he, nina'la a'makwe re, ninhùp-nanhùp ket haga'ninapo motok werek.

ABÌKAKAN 2:3

Nen, apùnì nen an hesik yì aik tì aik hagathinapo kolegat, hit en he, At ninabìt, ìlùk, herakhanhì'lek hinepe morogo welagasebat.

1 PETERÙT 4:19

Hit Ala a'la akasike baat hinoba yì aik tì aik atì'nogo hìkì lagep halok he, hina'la nen he, “At ninebe elalninapike mene atìat oba hìpìrìk logousak he, hano,” ìlùk hinetaùken at oba hìpìrìk logolìk hinoabùt hano hagatì logoino.

LUKAT 18:1

Atì'nogo yogoisasikesik he, at Yesùt en agoromì ane wanhì lagaukwa mene amanogo sapan ìkì logopik ina'la pùk arìk herakhìgì'lek, hutik-hutigat ìkì logouagalùk, wene aike oba lìrogo mel yogoisasike:

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

2 KORÌTÙT 4:1

At Ala ninebe etawì nen he, at hesik yì'nogo hagatì logouagalùk ninayoko hesike atì nen he, nina'la pùk arìk heraksìgì'lek hagatoat welago.

MATÌÙT 24:13

Meneat he, sa nen epe morogo motok logogin halok he, o wùrep oba Ala nen teligin o.

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

ABÌKAKAN 2:17

“Wene yogoisìgì atì, Ala Areagùn nen it Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin mene halok, sùpùrùk etage manna abùrarek mene melagatìk, etage ket mene salogo helep mola mene ba helal waganogo wogotìk, igin o. Etage waganek atì re, it aike inokot. We, at etage helal waganek helegein mene atì nek elu asigin mene wogosigin, ìlùk obogat yogoisìgì mene atì, helal waganogo inoba lakheino o,” ìlùk yogonete.

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

EPESÙT 3:13

Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

IBERANI 12:5

Inopaselak en inagainapùrì inasuk watarek atì hak, hit Ala againapùrì mene, at an hinasuk watarek wene atì lì'mathegeaip welagep a? At en ìkì logolìk: “Apùnì an netaùken hutik mene hùgì inebe lopok inasuk watìk, it an nagainapùrì mene ìlùk, pak hogo ìgìrek mene hùgì inebe lopok tùgì inoatìk, ìgìrek atì nen he, naput e. Hat en he, nopase Etagepogot Ala nen nasuk wate, ìlùk ha'la nen seramethìlìk heraksagùn o. An nen, Weak hagaten, ìlùk yogohetì halok, ha'la pùk agì'lek logoino,” ìlùk isikomo helal waganogo hesukwa.

2 KORÌTÙT 9:6

Wene atì hesik igin yì hina'la hùthani. It apùnì aike nen awì hamùlùk hogo yarì'lùgì mene re, eken hamùlùk hogo palugun o. Nen, it aike awì hùkorogo yarì'lùgì mene ebe hùkorogo palugun o.

MATÌÙT 9:19

Atì'nogo yogosikomo re, at Yesùt ebe mel, ap a'nogo mel, it ap Yesùt ane wanhì lagaukwa mene amanogo mel, inom obogat lagaukwa.

MATÌÙT 25:17

Nen, ap aike 2.000 nen wanhike mene a'nogo atì'nogoat hobuk 2.000 aike inom mangorogo hesikeat.

MAREKÙT 3:3

Atì'nogo ineil wanho kolek, at Yesùt en he, ap eki hapelek mene a'nogo mel yogosike: “Hebe mela'lùk he, tùlem ya eme o,” ìlùk yogosikomo,