KALATIA 6:4 - Ala Ane Wene Ket Mene Warogo Wo'ninapike Wene

^4-5 Hinebe lopok hinokawerek enat, “An hano hagatì lagì a? Weak hagatì lagì a,” ilùk, hinoabùt palìlìk he, “Hano hagatì lagì,” ìlùk, akegep halok he, elok hogorakasagat o. Atì'nogo meneat he, nit hagatì lago mene atì, ninokawerek ninoba lopok enat usak atì nen he, “It aike hagarì'lùgì atì weak. Nen, an hagatì lagì nek he, esin,” ìlùk usak lek o.

KALATIA 6:4 ပူးပေါင်းရင်းမြစ်များ

2 KORÌTÙT 13:5

Hit en he, “Nit ninetaùken Karìsùt oba hìpìrethesugu a'nogo hìpìrìgat welago a? Lek a,” ìlùk hinokawerek en hinoabùt tùkùm hogo palano. Atì'nogo palìkì logolìk, mea haga'lagì'lek halok, “Yesùt Karìsùt nina'la werek,” ìlùk enagat hogoin o.

1 KORÌTÙT 11:28

It aike nen, at Ebe hùthìgì'lek logolìk, sùpùrùk atì mene nìkìk, eken amusu atì mene nìkìk, nìkì logolìk he, inokawerek en ùkùm inoba hakìlì'lùgì atì nen he, hit hinebe lopok he, hinokawerek en hinoabùt palano. Atì'nogo palalùk en, sùpùrùk atì mene nìkìk, eken amusu atì mene nìkìk, usak o.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

LUKAT 18:11

Eperak ki lagaukwasik sapan ìkì logolìk, ap Parisi mene a'nogo melagaikesik sapan a'la nen ìkì logolìk he, mel isike: Ala, nopase e. An noabùt he, apùnì obogat inoabùt hake lek o. It apùnì yùgùnat yogot wanharek mene mel, kolo hagatarek mene mel, hìmì pailak haksìlì'lùgì mene mel, ap uang pemerintah hesik kìno ìlìk atogoterek mene yì mel, inoabùt atì hak he, an atì'nogo motok lek nogo nen he, hai wathapì lagì o.

KALATIA 6:13

It atì wene Ala nen ninasuk wasike wene a'nogo hanorogo hologo welagì'legat he, inokawerek inogat inekalìma mene palìkì logolìk, “Hit atì'nogoat aike palani o,” ìlùk, inokawerek en hogorakìkì logouogolùk ìlì'lùgìì atì.

1 KORÌTÙT 3:8

An awì yatìrek mene atì, at i kesalherek mene atì, neperak higit meneat he, nineki oko re, ninebe lopok yabu hagatì logogun mene higit hogoat wo'nisegein o.

1 KORÌTÙT 3:14

Atì'nogo walhikenem he, at aike nen o tik atì ba wùte mene etu nìkì'lek logogin halok he, eki oko wogosigin o.

PILIPI 1:26

Logouogolùk, an hobuk hinoba wesumo re, hit Karìsùt Yesùt hinom hutik logolìk hina'la nen he, “Paùlùt ninom welago,” ìlùk, an hesik hinalong arìk hina'la hai apik hakogoin atì.