KALATIA 6:2 - Ala Ane Wene Ket Mene Warogo Wo'ninapike Wene

² Hit-hit hinoba ekin aike werek halok, hinebe lopok aike nen aike lebet-lebet ìkì logoino o. Atì'nogo hagatì logogun atì ba nen, wene Karìsùt en ninasuk warogo yakùlnisasike wene a'nogoat higit hogo hagatì logogun atì.

KALATIA 6:2 ပူးပေါင်းရင်းမြစ်များ

ÙRÙM 15:1

Nit aike, ninetaùken Ala oba wurik hogo hìpìrìk welago mene nen, ninokawerek hesik enek nina'la hanorogo hagatì'lek, we, it aike inetaùken akutmo abolok werek mene atì, lebethisìkì logousak o.

1 TESALONIKA 5:14

Nerùgì nagaiya'lak. Hit en he, it aike yabu wanùhùk inaberalì weak mene atì inasuk watìk, inayùk hoporek mene atì ina'la kagalhìk, inomame lek mene atì leberisìgìk, ìkì logolìk he, apùnì obogat hesik hinetaùken uan hogo hagatì logoino.

YOHANET 13:34

Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o.

1 YOHANET 4:21

Ati nen, at Karìsùt en ninasuk watì logolìk: “Ala hinetawìrogo logolìk, hinerùgì hinagaiya'lak hinetawìrogoat logoino o,” ìlùk yogonisasike atì.

YAKOBÙT 2:8

Mene re, hit en higit hogo hagatì logousak mene yì. Ala nen ninasuk watì logolìk wene esin he, mel isike: “Hit hinokawerek hinebe hinetaùken hutik welagasep atì hak, it apùnì aike hinom welagasep mene atì hinetaaken hutik logoino o,” ìlùk isikomo, helal wanhukwa mene werek atì higit hogo hagatì logogun halok, hano hagatì logogun o.

YOHANET 15:12

Hit en hagatì logouageip en ìlùk, wene ebe yìat hinasuk warogo yogohisak: An nen hit netaùken hutik welagì atì hak, hit en atì'nogoat hit-hit netawì-hetawìrogo logouageip en ìlùk yogohisìgì o.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

MATÌÙT 8:17

Atì'nogo hagasike atì re, at Yesaya Ala ane yogoisìkì lagaike mene a'nogo nen helal wanhì logolìk he: “Nit yì ou tì ou wanhorek mene atì at en wanìk legetsìgìk, ninomame li'-lek arìk maben agorek mene atì haga'ninapìk, ike o,” ìlùk isike atì higit hogoat hagasike atì.

1 KORÌTÙT 9:21

Nen, it aike wene Ala nen ninasuk wasike wene at Musa nen yogoisasike wene atì, inasuk holharek lek mene aike Karìsùt hesik woginabigìlùk he, an noabùt wene atì holhì'lek salek welagìat o. Atì re, an wene Karìsùt en ninasuk wasike wene atì hologo motok logolìk he, wene Ala nen ninasuk wasike wene atì an holhì'lek welagìrek hùk. Hologo welagìregat o.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

LUKAT 11:46

at Yesùt en he: “Hit ap Ala ane helal waganek yakùlisegesep mene yìrogo re, Ala nen weagathinabiginat o. Hit en he, wene ekin apik atì akìgì'legat, apùnì inoba hìkì logolìk, ekin mene atì hineki tùm omakìkwe leberisahùk logolìk inoba hìkì lagep yoma rì!

YAKOBÙT 1:25

Nit apùnì nineki hele warek negen were'ma, wene hano wene Ala nen ninasuk warogo katok hogo yogonisikerek atì ba hikalninaperek. Halok, sa nen wene atì asuk enek holìk he, lì'mathikerek hùk. We, tùkùm hogo hùthìlìk, oba eberek motok logolìk, wene atì higit hogo hagate halok, yì mene tì mene hagatenem, Ala nen a'la hairogo lebethìkì logogin o.

YAKOBÙT 2:12

Ninebe nineki hele warek negen were'ma, Ala ane atì baat hikalogo hiaikerek atì. Wene atì baat ninanema wanigin o, ìlùk, hinane higit hogo ìgìk, hineki nen higit hogo hagatìk, ìkì logoino o.

2 PETERÙT 2:21

It atì ebe wene higit hogo musok lagaikarek atì inelu agì'lek logoilepma re, hano negen logoilep. Meneat he, inelu arìk en, wene Ala nen ninasuk wasike wene atì heraksalùk he, kwanìrogo lagaikarek atì nen, motok weak asugun o.

2 PETERÙT 3:2

Wene atì, it ap hageat Ala nen inayoko hesikomo at ane yogoisìkì lagaukwa mene nen isukwaat. Nen, ninoe Etagepogot ninebe telninapùkwe a'nogo nen wene ninasuk wasike mene, nit ninayoko hìlìk hinoba lakhina wagaikomo yogohisasuguat.